salamualaik (keselamatan atas) tuan... ambo lai suko gonggong nan iko... ambo tamasuak urang obyektif, kok talalu amek, maklum yo bana mudo darah ko... tentang universitas tu, lai samo ide jo ambo... tapi jempol untuk tuan, karano iko genuine dari politisi, kalau dosen nan manyampaian tentang universitas itu lah memang isi kapalonyo, samo jo urang kereta ma usua tentang kereta... tapi kok politisi nan manyampaian iko, lai gadang isi pikirannyo... kok lun sudah 5tahun, tambahlah 5tahun asa tuan konsisten jo ide ko, mungkin tuan lai banyak kawan nan akan maingek-an, tambah ambo pulo nan sato manggonggong ba-rima. tentang kapiting jo kudo, ambo agiah hormat ka tuan, tuan no duo satalah apak ambo surang nan bacarito tentang kudo ko, tapi indak kudo doh, kabau dek nyo, dek karano kampung ambo ndak banyak kudo salain untuk bendi, kalau kabau lai banyak, menambah-nambah produksi bareh nan di tungkuh... alhamdulillah, ambo ado rencana ka mang koreksi kato-kato ambo sabalunnyo, ambo buka sado web indrapiliang cs, dari facebook, indrapiliang.com, indrapiliang.wordpress.com, lai ta kurai asok wakatu baco TOA jo PUASO... ntah dari maa ide, ba laluan satalah tu ka milist ko, yo ramah tuan mananggapi iko... tenang tuan, baru tuan nan barani menyampaian ide, tantu ambo sebagai nan mudo, bakato mendaki, manurun ataupun mendata, indak ado bedanyo dek ambo malatak-an posisi indak ma-ikuik-an umua... tapi insyaallah obyektif sajo, tuan sasuai janji tuan ma nyuguhan pernyataan, dan ambo sebagai janji ambo ma-agiahan pertanyaan... lai rancak tuan manyampai-an ide tuan saroman ko, kok tabocor ciek-duo ndak akan rugi doh, urang2 pandai lai tau beda batu jo pemato, aa nan rancak kato tuan, kok yo bana rancak, pasti kalua "amin" sarantak... kok ado nan ndak jaleh, tantu tuan mafhum paralu maluangkan wakatu sketek duduk maluruih-luruihan nyo. tentang namo ndak bisa pulo tuan mambandingannyo jo ambo doh, dari lahia namo ambo lah dilatak-an namo suku, urang koto nan babako ka pitopang (chaniago), lai balaja sketek sajak manyusu duduk sa tenggang, ditinggian sarantiang, duduk ba iyo di majuan salangkah... adek perpatih jo tamanggungan... ado nan bisa ba iyo-iyo-an ado pulo nan harus mufakek... nan tuan sampaian lai ditanyo2 dek urang ndak?? urang2 ka mamastian ajo kok ke kanan tuan, jaan talalu ka kanan, kok ka kiri tuan, jaan ta lalu ka kiri... nan ka mangikuik bendi tuan ko, kok tuan lai rancak ba bendi, banyak... ka mamastian ajo, tuan ndak menyungkuk-an kudo saroman ma mandian-nyo, kan indak mungkin tuan di muko kudo ndak?? masalah rekening tu, tenang tuan... perjalanan masih panjang... mungkin dek tuan ma latak-annyo untuk kampanye, tapi jaan risau, mungkin razoki universitas jo ide-ide tuan nan lain yang lai ka lancar... pastian ajo beko nan rekening tu ndak jadi salah paham tuan jo KPK, beko tuan pulo nan ditarik ka dalam aia... strategi tu tuan, indak pemberani indak pulo pangacut tu, kok pemberani se kurang ba "siasat" kecek angku malako kan sia-sia pulo ndak?? kok ka bamain2 se tuan di ranah publik ko, mati kutu pulo tuan beko jo cimeeh, tapi wak ba-siasat ndak? etong-baretong ma eskalasi-an pendukung dek karano tuan bijak ba luruih-luruih... tentang email susulan tuan, alhamdulillah network ambo agak rusak, ta-delete, indak tabaco, gariah-gariah se nan ta liek, tapi lai ta tangkok ide universitas tuan, masalah dimaa itu urusan ka duo, sia nan sakolah di situ, iko urusan ka tigo, masalah ketebelece satalah tu mungkin generasi berikut nan manantuan, wallahu'alam... -- tanJabok
--- On Wed, 8/27/08, Indra Jaya Piliang <[EMAIL PROTECTED]> wrote: From: Indra Jaya Piliang <[EMAIL PROTECTED]> Subject: [EMAIL PROTECTED] Re: Politisi Juga Manusia==> universitas To: [email protected] Date: Wednesday, August 27, 2008, 2:11 PM O, sabana banyak nan gadang, Tuan Jabok. Caliak bisuak di ANTV, yo. Jam 10 Malam, 28 Agus tus, Kamis. Ambo mangecek 1 (satu) menit tentang apo nan ambo gadang-gadangkan dalam kampanye ambo. Kampanye nan paliang genuine. Apo tu? Bocoran sajo: membangun sebuah universitas terbaik di Sumbar II. Mungkin dalam 5 tahun hanyo ciek batu-bata, kabaa pulo. Iko karajo gadang. A gunonyo universitas itu? Agar urang Minang ndak sibuk bana lai maituang-ituang “urang gadang”. Hamka, Natsir, Agus Salim, Tan Malaka, Hatta, dllnyo, dihasilkan dari aie jo tanah Sumbar II. Baa koq kini, setelah 63 tahun merdeka, indak ado ranah menghasilkan sumberdaya manusia unggulan? Setelah ambo inok manuangkan batahun-tahun, kasimpulan ambo adolah: karano di Sumbar, terutamo Sumbar II, indak ado universitas bonafid, doh. Ado ciek, Unversitas Muhammadiyah SUmbar. Tapi menuruik ambo, universitas harus mengajarkan soal-soal universal. Buliah sajo duo kelas dulu, jurusan filsafat atau sejarah pemikiran. Iko ide besar IJP, klaim IJP, tantu iyo. Apo ado politisi lain nan mamikiekan iko? Ambo pensiun sebagai selebritis, mahuni tipi-tipi, seminar-seminar, dllnyo, di usia 36 tahun. Sangaik mudo. Kalau nio pandai surang, kayo surang, dllnyo, ambo bisa raih. Tapi ambo indak takicuah jo pencapaian individual itu, doh. Masyarakaik di Sumbar II sabana takabulakang, baco sajo data-data nan ado. Tantu, ambo adolah “model politisi nan babedo”. Tapi apo ambo maajan tuah? Indak sangenek sajo, doh. Bia ambo bamimpi besar tentang Sumbar ke depan. Jadi, sagalo pertengkaran, sindiran, cimeehan, dllnyo, bagi ambo angina lalu sajo. Alah 17 tahun ambo mengalami itu, mungkin labiah. Wakatu ketek, ambo dipanggie “si Cengkok”, karano tangan ambo cengkok, patah jatuah di Mentawai. Lamo ambo malapehkan diri dari cimeeh model itu. Masuak UI dicimeeh, badagang sate piaman dicimeeh, masuak CSIS dicimeeh. Maju jadi ketua senat mahasiswa UI dicimeeh. Masuak ka KPU dicimeeh. Ambo tahu bana kulikek urang Minang, sebagian. Apo itu? Menggunakan ilmu anggau alias ilmu kapitiang. Apo bana nan ilmu itu? Caliaklah kapitiang, atak-an di dalam baskom. Apo nan tajadi? Ciek kapitiang naik ka ateh, sapuluh nan lain maigangkan ka bawah. Ambo juo tahu filsafat mamandikan kudo. Ado nan tahu, ndak? Kalau indak, ambo agiah tahu. Kalau Tuan Jabok mamandikan kudo, jan disuruah mandi dari balakang, jan ditampa ikuenyo. Bisa-bisa Tuan Jabok nan tajangkang ditendang. Caronyo sederhana sajo: tajun dulu ka aie, irik kudo tu, baru inyo amuah mandi. Itu nan ambo lakukan, mairik kudo ka dalam aie. Baco bana data-data nan ado. Apo dalam sepuluh atau duapuluh tahun lagi Sumbar masih tetap bertahan atau tergiling oleh globalisasi? Miskin ilmu, miskin harta? Seorang IJP hanyo manyediakan pikiran, pungguang, utak, pengalaman, jaringan, atau katakanlah kekuasaan, nan inyo punyo, untuak mancegah hal-hal nan buruak nantun. Guru mangaji ambo dulu maajakan, ciek niaik nan elok, sabalun dilaksanakan bapahalo ciek. Dilaksanakan, bapahalo duo. Baguno bagi urang, apahalo tigo. Memberi urang lain inspirasi, bapahalo sampai 700 labiah pahalo. 17 tahun ambo di rantau, dalam fase kehidupan nan bergejolak. Bia sebagian ambo singkapkan nanti. Sebagian besar, ambo simpan di dalam catatan harian ambo. Dengan menaruh namo Piliang di balakang namo ambo, bagudu adiak-adiak nan lain juo manaruh namo Minang di balakang namonyo. Deretkan sejumlah anak muda potensial di negara Indoesia ini. Caliak perdebatan di beberapa milis, sia namo anak mudo Minang nan dipakecek-an urang? Ado harapan, kebencian, doa, caci maki, dllnyo. Baa sampai manco itu? Karano ado nan dinilai. Kalau ndak ado, ndak seheboh itu bana urang-urang dari sabang sampai merauke itu doh. Ambo mengatokan soal penduduk, nilai suaro di TPS, dllnyo itu, sebagai kaji Alif dalam ilmu politik. Tantu masih banyak lagi kaji nan lain. Pelan ambo ungkapkan. --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
