Datuk Endang, hari Jumaat tanggal 29 nan lalu ambo mambali ampek buah buku Dobbin tu di Gramedia Salemba, dan alah ambo serahkan ka Bu Warni untuak ditaruihkan ka Pasaman sasuai joi janji ambo, masing-masing untuak Camat Bonjol, Danramil Bonjol, Komandan Kodim Pasaman, dan Perpustakaan Tuanku Imam Bonjol di Bonjol. Kalau bagageh Datuk ka Gramedia Salemba tu mungkin masih ado. Nampaknyo buku tu alun tersebar lai di toko buku lain. di Gunung Agung Kwitang -- nan biaso ambo datangi -- juo alun ado. Sasuai jo penjelasan Datuk, rasonyo iyo paralu bana dipadalam pemahaman kito tantang Parang Paderi ko, karano samakin jaleh bahaso parang ko adolah sabagai salah satu dari baitu banyak goncangan sejarah nan mambantuak budaya kito urang Minang, dan alun sempat kito konsolidasikan sacaro mantap. Mungkin itu nan manyababkan wacana kito tantang ABS SBK jadi indak maju-maju sampai kini. Dalam hubungan iko takana dek ambo: baa kok kito adokan bedah buku Dobbin tu jo buku pak Sjafnir Aboe Nain Dr Kando Marajo tu ?
Wassalam, Saafroedin Bahar (L, masuk 72 th, Jakarta) Alternate e-mail address: [EMAIL PROTECTED] --- On Sun, 8/31/08, Datuk Endang <[EMAIL PROTECTED]> wrote: From: Datuk Endang <[EMAIL PROTECTED]> Subject: [EMAIL PROTECTED] Re: kama raibnyo Naskah Tuanku Imam Bonjol? To: [email protected] Cc: [EMAIL PROTECTED] Date: Sunday, August 31, 2008, 1:51 AM Sanak sapalanta, iyo agak lambek ambo mambaco buku nan diberikan Pak Syafnir Dt. Kando Marajo itu, baru sampai halaman 80, kiro-kiro sasudah kejadian Bukik Tajadi jatuah ka Balando. Kini ado informasi nan langkok : judul : "Tuanku Imam Bonjol", penerbit : Esa Padang, tahun penerbitan : 2008, tebal : 304 halaman. Ambo raso iko baru, alun banyak tasebar lai. Samo jo buku Dobbins itu, walau kato Pak Saaf alah tersebar di Gramedia, kapotang alah ambo cubo di Gramedia Blok M, indak basuo doh. Dari keterangan pengalihaksara, disabuikkan buku itu ditulis tangan oleh Imam Bonjol sendiri, walau raso di ambo indak. Kamungkinan besar memang ditulih oleh urang nan dakek jo baliau maso itu. Dari pengantar kato, disabuikkan oleh pengalih aksara bilo dari keterangan Sutan Temenggung menyatakan naskah itu ado di Jakarta pado T.Z. Anwar. Saroto permintaan beliau pado ahli waris agar naskah itu dapek dibaliakkan ka Bonjol. Catatan penting dari ambo, kironyo buku Dt. Kando iko dapek menjadi rujukan resmi awak untuak manyigi sejarah Paderi nan datang dari catatan awak sendiri. Ambo cukup takjub mambaco saketek sajo, lai ado babarapo kasasuaian antaro catatan awak jo catatan Balando itu nan salamo ko selalu menjadi rujukan sejarawan kito. Tamasuak babarapo hal nan salamo ko awak permasalahkan dan wacanakan, dek ambo kini kian jaleh. Cubo kito kambangkan lambek-lambek tapi pasti. Lai taraso juo jo ambo, semakin banyak nan awak ketahui, rasonyo semakin bodoh awak dek itu. Karono itu ado babarapo penafsiran ambo di maso silam mengenai Paderi ko, nan mungkin kurang tepat, cubo ambo luruskan. Termasuk ado babarapo nan manjadi hipotesis, alah dapek kejelasan sebagai tesis. Ambo maharokkan kapado penulis-penulis sejarah agar sadio manyasuaikan catatan-catatan nan ado, agar tabukak kulik tampak isi, dan kito makan habih-habih. Ambo sendiri bukan ahli sejarah, hanyo peminat sajo, kacuali iyo kok ka dibukak program Sejarah di Dapil Duo itu, lai nak nio ambo sato balaja. Angku Suryadi kalau lai badokek an jo Dt. Kando, ambo raso alah mambaco naskah itu. Atau mandapek an dari sumber-sumber lain di Padang. Kok bana baitu, di tulisan-tulisan angku nan daulu, rasonyo indak banyak diungkapkan keterangan nan ado di naskah itu. Padahal banyak keterangan nan langsuang mamatahkan hujatan salamo ko, termasuk buku 'Tuanku Rao'. Dan itu dapek langsuang mandakwakan Parlindungan sampai ka buku Basyral Harahap itu sebagai kebohongan publik. Lai baitu sanak, atau sanak alun mambaco naskah itu saluruahnyo? Memang cukuik lamo naskah itu disimpan (1970an) dan dikaji, dan kok baru kini disampaikan ka umum. Terlepas dari sagalo kepentingan dan argumentasi, nan ambo danga dari Dt. Kando minggu lalu adolah penyataan kalau ilu alah gaek, indak banyak nan ka diharokkan di dunia iko lai. Jadi nampak di ambo jujur ilu nak menyampaikan kebenaran pado maso nan tapek, dan satalah malalui usaha-usaha yang cukup. Wassalam, -datuk endang --- On Fri, 8/29/08, Dr.Saafroedin BAHAR <[EMAIL PROTECTED]> wrote: --- On Fri, 8/29/08, Masoed Abidin <[EMAIL PROTECTED]> wrote: H Masoed Abidin bin Zainal Abidin Abdul Jabbar wrote: > Wa alaikum Salam, > > Insya Allah Pak Saaf, > Kito usaho kareh..... > > Maaf buya indak dapek basuo wakatu ka bulan puaso ko jo Pak Saaf, > Maaf se di pabanyak, > Moga ibadah awak batarimo dek Allah SWT. > > Buya rencana dalam bulan puasa agak saminggu di Mentawai, > Mancaliek dunsanak awak nan muallaf di sanan. > Doakan buya sehat sajo. > > Wassalam, > BuyaHMA > (L, ganok 73 th +, Padang) > Alternate e-mail address: [EMAIL PROTECTED] > > > > 2008/8/26, Dr.Saafroedin BAHAR < [EMAIL PROTECTED] >: > Waalaikumsalam w.w. Buya dan para sanak sapalanta, Baa juo kito paralu marestorasi Benteng Bukik Tajadi [atau Bukik Tak Jadi, nanti kito janiahkan], karano perjuangan Paderi malawan Ulando itu marupokan perjuangan seluruh masyarakat Minangkabau nan bersatu. > Kito indak usah manunggu datangnyo anak cucu saradadu Ulando, nanti kito undang bana untuak manghadiri festival Paderi, kalau restorasi benteng tu alah salasai. Gagasan ambo -- nan alah alah mabo sampaikan ka Komandan Kodim -- adolah kito gotong-royongkan basamo jo tentara. Untuak itu kito kirim surek ka Menhan dan Kapalo Staf Angkatan Darat, untuak mamarintahkan personil Batalyon 131 jo 133, dalam rangka Bhakti TNI. > Tolong Buya bisiakkan pa pak Sjafnir untuak mancari nan asli, kalau paralu mintak bantuan pak Gub. Buya kan bisa mintak wakatu basuo jo baliau, apolagi bulan puaso bisuak ko. > Wassalam, Saafroedin Bahar > (L, masuk 72 th, Jakarta) > Alternate e-mail address: [EMAIL PROTECTED] > --- On Tue, 8/26/08, Masoed Abidin < [EMAIL PROTECTED] > wrote: > From: Masoed Abidin < [EMAIL PROTECTED] > > Subject: [EMAIL PROTECTED] Re: kama raibnyo Naskah Tuanku Imam Bonjol? To: [email protected] > Cc: "Dr.Saafroedin BAHAR" < [EMAIL PROTECTED] > Date: Tuesday, August 26, 2008, 10:35 AM > Assalamu'alaikum Wa Rahmatullahi wa Barakatuh, > > Satuju bana Pak Saaf. > Satu kutiko anak cucu soldadu Ulando ka badatangan ka Ranah Bonjol jo Alahan Panjang atau Alahan Mati di Ganggo Mudiek tu. > Pintu tabukak laweh untuak urang mancaliek nagari awak, WISATA SEJARAH Tuanku Imam Bonjol. > > Pak Safnir panah mancaritokan ka Buya dulu di PPIM bahaso naskah asli tu ba simpan di Kantue Gubernur, sudah tu raib antah ka ma. > Ado copy naskah di IAIN. > Buya minta di copy baliek, itulah nan kito sarahkan di ANRI di Jakarta. > Barangkali Diknas Prov. Sumbar harus tahu dima lataknyo kini. > Asal indak hilang sangajo di baok ka lua, mudah-mudahan dapek baliek. > Buya ikuik mandoa. > Pak Safnir kito minta bana manalusurinyo. > Sakitu sakenek nan takana. > > Ciek lai pak Saaf, > nama nan batue, BUKIK TAJADI atau BIKIK TAK JADI. > Wassalam > Buya HMA > (L, ganok 73 th +, Padang) > Alternate e-mail address: [EMAIL PROTECTED] > --- On Mon, 8/25/08, Dr.Saafroedin BAHAR < [EMAIL PROTECTED] > wrote: > > From: Dr.Saafroedin BAHAR < [EMAIL PROTECTED] > > Subject: [EMAIL PROTECTED] Re: kama raibnyo Naskah Tuanku Imam Bonjol? To: [email protected] > Cc: "Warni DARWIS" < [EMAIL PROTECTED] >, "MH Bachtiar Abna SH" < [EMAIL PROTECTED] >, "H. Mas'oed ABIDIN" < [EMAIL PROTECTED] > > Date: Monday, August 25, 2008, 6:28 AM > Sanak Suryadi jo para sanak sa palanta, > Dalam kasampatan babincang-bincang, pak Sjafnir juo galinggaman manganai hilangnyo naskah asli Tuanku Imam Bonjol tu, dan batekad untuk taruih mancarinyo. Nan jaleh, baliau menyerahkan naskah tu ka Pemerintah Daerah Sumatera Barat. Baliau kini manduga-duga ado duo orang nan paliang mungkin manyimpannyo. > Usul Bung Suryadi supayo baliau mancaritokan baa makonyo sampai naskah tu hilang akan ambo taruihkan ka baliau. [Bu Warni, tolong ditilpon baliau tantang soal ko]. > Ado pamintaan ambo saketek untuak Bung Suryadi: tolong dihimpun namo-namo serdadu jo namo-namo perwira tentara Balando nan tewas di Benteng Paderi Bukik Tajadi tu. Pasti banyak. Ambo ingin mangusulkan ka Pemda Pasaman untuak dibuekkan daftarnyo, baik di kaku Bukik Tajadi tu mauoun di Museum Imam Bonjol di Bonjol. Untuak manunjuakkan bakeh urang banyak, bahaso urang awak bukan hanyo bisa jadi urang manggaleh jo tukang ota saja, tapi juo bisa parang. Iko paralu untuak nan mudo-mudo. [Kini, bahkan daftar korban tentara Balando salamo Agresdi pertamo dan Kaduo di Sumatera Barat samo sakali indak ado]. > Wassalam, Saafroedin Bahar > (L, masuk 72 th, Jakarta) > Alternate e-mail address: [EMAIL PROTECTED] > --- On Mon, 8/25/08, Lies Suryadi < [EMAIL PROTECTED] > wrote: > From: Lies Suryadi < [EMAIL PROTECTED] > > Subject: [EMAIL PROTECTED] kama raibnyo Naskah Tuanku Imam Bonjol? To: [email protected] Date: Monday, August 25, 2008, 6:11 PM > Pak Saaf yang saya hormati, > Dek Pak Saaf lai badakok'an kini jo Pak Safnir Aboe Nain , tolonglah Pak Saaf pujuak bana baliau, mintak mancaritokan dima sabananyo kini NASKAH TUANKU IMAM BONJOL tasimpan? Ambo yakin baliau adolah salah sorang nan mamacik kunci rahasio tentang raibnya naskah Minangkabau nan banilai sejarah sangaik tinggi tu. Mengenai raibnyo NASKAH TUANKU IMAM BONJOL ko, silakan liek artikel buruak ambo dalam weblog Dr. Oman Fathurahman: http://www.naskahkuno.blogspot.com/ . > Dimalah kini naskah ko tasimpan? Mudah2an lai masih di alam Minangkabau juo. Tapi ambo kuatir naskah ko lah balipek jadi Sudirman, lah pindah ka nagari lain. Kok iyo itu nan tajadi, kerugian budaya nan gadang dek kito urang Minang. > > Salam hormat, > Suryadi --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
