Dunsanak di palanta,
Pernahkah tapikia dek dunsanak bahaso bulan puasoko bakaliaran syetan jo ibilih?
Kalau salah-salah awak maartikan bahaso bulan puaso adolah "maso dibelenggunya
syetan", mungkin ka jadi arti nan lain.
Ambiak contoh, bagi pagawai nan biaso rajin di kantua di ari-ari biaso.
Mungkin, tingkek karajinan bakurang. nan ado baalasan bahaso malam tadi banyak
bagadanglah, nan ado baalasan latiahlah, nan harus capek pulanglah dek ka
mambuek kolaklah, dsb.
Nah ado nan takana-kana sampai kini. Takana maso mudo daulu, iko bana-bana
tajadi...........mungkin kiniko masih ado, tapi antahlah. Kalau di uruik
wakatu-wakatu tu, yo cando iko:
1. Salasai sumbayang subuah, ado nan disabuik asmara subuah. Babondong-bondong
rang mudo jantan-padusi bairiang-iriang antah kama tujuannyo, pokoknyo saliang
mairok udaro subuah jo asmara subuah, baduo-duo, batigo, barampek, dsbnyo (baik
di kampuang-kampuang atau di kota).
2. Sabalun maghrib, ado nan baduo-duo di tampek-tampek tatantu manunggu babuko.
Ado nan duduak-duduak, ado nan sambia maukua jalan, sambia sanyum-sanyum. Tapi
biasonyo ado pihak katigo nan sabagai mak comblang. Pihak kaampekpun biaso ado
pulo, nan ciek kawan nan padusi nan ciek lai karib dari nan laki-laki. Antah
apo nan diotaan indak juo dimangarati, sabab hal iko biasonyo dilakukan cukuik
lamo.
3. Satalah babuko, banyak anak mudo nan bausaho capek sampai ka musajik atau
surau. Bukan untuak ibadah doh, tapi raminyo musajik tu untuak mancaliak anak
gadih urang. Maklum wakatu bulan puaso, banyak nan pulang dari rantau. maklum
libur panjang. Wah, nan biaso indak basegeh, kini basegeh jo minyak rambuik
"Tancho". Saling baintai, saling maagiah sanyum. Disiko peran mak comblang
sangaik paralu.
4. Ka shalat tarawih, bakaja-kaja "TARLING"(tarwih kaliliang). Ikopun punyo
makasuik untuak mancaliak anak gadih urang. Nan lah bajadian, balanjuik ka
acara tadarusan. Nan alun bajadian, saliang mancaliak, habih tarawih lanjuik ka
batu-batu di tapi tabek. baduo-duo, batigo, barampek, dsb.
5. Tadarusan. Pai tadarusan ka surau-surau, atau musajik-musajik nan babeda
satiok malam. Mukasuik samo sajo jo tarawih kaliliang tu.
6. Lalok di surau atau musajik. Mambuek surek untuak ka nan disayang...........
7. Pagi-pagi, surek lah tibo di "adiek sayang"..
Mungkin itu contoh syetan jo ibilih nan bakaliaran di bulan puaso. Yo, itu maso
saisuak, antah kalau kiniko................ Maaf kalau ado dunsanak nan
tamasuak dalam curitoko.
Tan Lembang (L, 52)
Bandung
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
