Assalamualaikum w.w. Nakan Metra, Hasil-hasil pertemuan baru tabateh pado nan alah ambo sampaikan ka Nakan Ftr Tanjuang dalam e-mail di bawah ko, artinyo kami basapakat untuak mambantuak Lembaga Kajian Gerakan Paderi, karano Gerakan Paderi itulah -- jo sagalo kakurangannyo -- nan alah mambao kito ka ABS SBK nan alah kito nyatokan sebagai 'jati diri Minang'. Kami juo basapakaik untuk mamakai perangkat lunak Family Tree Maker sabagai sarana untuak mambuek 'Ranji ABS SBK' nan manggabuangkan ranji manuruik adat Minangkabau jo nasab manuruik agamo Islam. Dapek ambo sampaikan bahaso sasudah rapek salasai, Prof Dr Taufik Abdullah nan ambo mintai pandapek tantang gagasan ko, malalui e-mail manjawab bahaso baliau sangaik mandukuang gagasan iko, dan maagiahkan babarapo saran, antaro lain supayo maajak para pakar dari universitas di Padang sarato Bung Suryadi dari Leiden, dan tokoh-tokoh agamo, dan supayo tampeknyo di Padang agar mudah bakomunikasi. Tantu sajo ambo satuju. Makin banyak nan sato kan makin rancak. Dalam pertemuan nan dihadiri dek Pak Syauki, Kapalo Pengolahan Arsip dari Arsip Nasional RI tu, sacaro dokumentasi memang tabukti ado hubungan katurunan antaro Tuanku Imam Bonjol jo bung Hari Ichlas, malalui garih nasab. Karano kito alah basapakaik mambuek Ranji ABS SBK, indak ado masalah dalam mambuek gambarnyo labiah lanjuik, apolagi wakatu rombongan ambo datang di Bonjol, Angku Datuak Buruak sabagai nan dituokan dari katurunan Tuanku Imam Bonjol dari garis ibu / menurut garis adat, juo mangakuinyo. .Alhamdulillah. Salain tu juo sadang disiapkan kajian tantang saluruah katurunan Sultan Alam Bagagarsyah. Dalam pertemuan tu hadir salah satu katurunan baliau, yaitu pak Muchdam Bakrie, nan ruponyo punyo bahan-bahan nan langkok tantang katurunan sultan tu. [Ambo mangusulkan agar bahan-bahan tu ditulih manjadi buku tantang Kerajaan Pagaruyung. Baliau setuju.] Baliau mangatokan, bahaso dari bahan-bahan nan ado tanyato juo ado hubungan antaro Tuanku Imam Bonjol jo rajo-rajo Pagaruyung, kalau ambo indak salah danga, malalui hubungan perkawinan. Baitulah, pertemuan ketek nan mulo-mulo dimukasuikkan sakadar maliek caro panggunoan Family Tree Maker tu, tanyato maleba, karano memang perangkat lunak tu mambuka kamungkinan untuak mancari hubungan darah dan hubungan perkawinan sampai 99 generasi ! Bukan main. Karano Bung Hari Ichlas alun punyo alamat e-mail, ambo mintak tolong ka Ibu Warni manaruihkan salam Nakan ko ka baliau. [Ado ciek lai: baa kok kito bantuak "Paguyuban Suku Tanjuang sa Indonesia"?.. Nakan Metra nan manjadi formatur pengurusnyo, sakaligus tantu jadi ketua. Di Amerika bia dibantuak pulo dek Nakan Fitr Tanjuang. Baa hubungan antaro suku Tanjuang Minang jo suku Tanjung Batak, alun jaleh dek ambo. Kalau baminat, kito tanyo bana ka salah surang tokoh adat Batak untuak manjalehkannyo. Jan-jan suku Tanjung Batak tu asanyo dari suku Tanjuang Minang juo. Ambo ado kawan di USU, Prof. Dr Runtung Sitepu, SH MH, Dekan Fakultas Hukum,nan biso kitai tolong. Baliau basamo-samo jo ambo duduak di Seknas Masyarakat Hukum Adat].
Wassalam, Saafroedin Bahar (L, masuk 72 th, Jakarta) Alternate e-mail address: [EMAIL PROTECTED]; [EMAIL PROTECTED] --- On Mon, 9/8/08, yumetra fidel amir <[EMAIL PROTECTED]> wrote: From: yumetra fidel amir <[EMAIL PROTECTED]> Subject: [EMAIL PROTECTED] Bls: [EMAIL PROTECTED] - BAA STRUKTUR SUKU MINANGKABAU ? To: [email protected] Date: Monday, September 8, 2008, 1:27 PM pak Syaf (Mamanda SYAF) Yth : 1. Apo gai hasil2 pertemuan di Accasia Hotel ko ?? 2. Baa jadinyo "Posisi" Hari Ichlas bilo dikaitkan jo Tuanku Imam Bonjol ??? 3. Salam ka rekan ambo di HASS (Hari Ichlas), nan lah lamo ndak mancogok dalam kegiatan HASS. Yumetra Fidel Amir, Suku Tanjuang, Tigobaleh, Kurai/Bukittinggi. --- Pada Sen, 8/9/08, Dr.Saafroedin BAHAR <[EMAIL PROTECTED]> menulis: Dari: Dr.Saafroedin BAHAR <[EMAIL PROTECTED]> Topik: [EMAIL PROTECTED] Re: Fw: perkawinan beda suku -- BAA STRUKTUR SUKU MINANGKABAU ? Kepada: [email protected] Cc: "Warni DARWIS" <[EMAIL PROTECTED]>, "MH Bachtiar Abna SH" <[EMAIL PROTECTED]>, "Mas'oed ABIDIN" <[EMAIL PROTECTED]>, "Edy UTAMA" <[EMAIL PROTECTED]>, "Ilhamdi TAUFIK" <[EMAIL PROTECTED]>, "Fasli JALAL" <[EMAIL PROTECTED]> Tanggal: Senin, 8 September, 2008, 5:15 AM Waalaikumsalam w.w. Nakan Fitr Tanjuang, Tantu ambo paralu manyabuik Nakan sajak iko. Alhamdulillah lai sapandirian kito mah. Iko nan sajak tahun 2004 ambo perjuangkan, supayo ajaran Islam tantang nasab itu digabuangkan sacaro resmi ka dalam sistem kekerabatan matrilineal, sahingga indak ado anggota keluarga nan sacaro sistemik dan struktural dilatakkan di lua. Sarana nan bisa dipakai adolah software Family Tree Maker nan ambo sabuikkan tu. Dapek ambo sampaikan bahaso hari Minggu sore tanggal 7 September 2008, dari jam 17:00 - 22.00 ambo manghadiri pertemuan ketek-ketek nan difasilitasi dek Bung Hari Ichlas di Hotel Accacia, Kramat, Jakarta. Hadir salain bung Hari Ichlas sendiri, juo Irwan Husein Sekjen Gebu Minang, ibu Warni Darwis Wakia Sekjen, pak Syauki dari Arsip Nasional, pak Mudham Bakrie keturunan Sultan Alam Bagagarsyah, bung Abu Pusponegoro dari Jawa Timur sarato babarapo undangan lain. Acaranyo manunjukkan sacro visual bara gadangnyo manfaat dari software tu untuak manyalasaikan silang sangketo nan salamo ko maarak kito urang urang-urang Minang. Kami kudian basapakat untuk menggunokan software tu untuak maso datang.Ambo picayo bahaso kalau salaruh mereka nan bahubungan darah dan perkawinan ko dicatat sacaro rapi langkok jo bukti-bukti otentiknyo, banyak silang sangketo nan bisa kito hindari dan banyak hubungan kekeluargaan nan bisa kito mantapkan. [Dalam hubungan ko pak Syauki dari Arsip Nasional bagarah mangatokan bahaso manuruik pangalaman baliau, rasonyo dalam mancatat keturunan indak banyak bana masalah, nan baru timbua kalau wacana mulai masuak ka soal ahli waris, nan sugiro ambo timpali bahaso masalah ahli waris tu takaik jo warisan, nan di Minangkabau dinamokan harato pusako.] Satalah hubungan kekeluargaan ko ditelusuri, malam tu didapek bukti-bukti , bahaso Tuanku Imam Bonjol tu masih ado hubungan darah jo keluarga rajo-rajo Pagaruyung, nan akan dikaji labiah lanjuik. Dalam hubungan iko, dibahas gagasan pembentukan 'Lembaga Kajian Gerakan Paderi, 1803-1838', nan Karangko Acuannyo alah ambo siapkan. Sampai di siko dulu Nakan. Sanang bana hati ambo malam tu, karano kalau masalah hubungan darah jo hubungan perkawinan ko alah bisa dduduakkan, rasonyo salain banyak silang sangketo salamo ko akan dapek dicegah dan disalasaikan, juo raso solidaritas antaro awak samo awak kisa kito bangun. Ringkasnyo, sistem kekerabatan matrilineal kito kambangkan jadi sistem kekerabatan matrilineal plus, sasuai jo anjuran Buya Mas'oed Abidin. Plus-nyo itu nasab manuruik ajaran Islam. Alhamdulillah. [ Sanak nan masih bakabaratan jo konsep iko, silakan manaruihkan sistem kekerabatan matrilineal nan lamo, tanpa nasab manuruik Islam. Indak ado paksaan]. Wassalam, Saafroedin Bahar (L, masuk 72 th, Jakarta) Alternate e-mail address: [EMAIL PROTECTED]; [EMAIL PROTECTED] --- On Mon, 9/8/08, Fitr Tanjuang <[EMAIL PROTECTED]> wrote: From: Fitr Tanjuang <[EMAIL PROTECTED]> Subject: [EMAIL PROTECTED] Re: Fw: perkawinan beda suku -- BAA STRUKTUR SUKU MINANGKABAU ? To: [email protected] Date: Monday, September 8, 2008, 4:25 AM AslmWrWb Kalau baitu indak bisa manyabuik Apak ambo lai, tapi harus Mamak Saaf...:) Soal nasab, ambo satuju bana. Iko tamasuak nan dijago kareh di dalam Islam, sahinggo adoh kutukan untuak nan maubah nasab sacara sangajo dan larangan maadopsi anak untuak dituka jalur nasabnyo. Anak asuah tatap harus disabuik jo namo bapak biologisnyo dan hanyo bapaknyo itu nan bisa jadi wali nikah (untuak padusi), kalau masih hiduik dan baagamo Islam. Mungkin konsep BAKO subananyo lai melingkupi jalur ayah ko, tapi bantuaknyo paralu penekanan dan pengertian nan labiah luas. Btw, nasab ambo dari Banjarmasin, tapi taputuih di kakek karano indak tau sanak saudaranyo di sinan lai. Kakek lah maningga katiko ayah masiah bayi. Wassalam fitr tanjuang lk/33/Albany NY On 9/6/08, Dr.Saafroedin BAHAR <[EMAIL PROTECTED]> wrote: Waalaikumslam w.w. Sanak Fitr Tanjuang, Kabatulan ambo suku Tanjuang juo, Sanak Fitr. Nenek moyang ambo dari garis Ibu dari Lagan, Kampuang Dalam, Pariaman. Ayah ambo suku Koto, nenek moyang baliau dari garis Ibu baasa dari Galuang, Sungai Pua, Agam. Alah sa-tuo ko ambo, alun panah ambo mambaco bara bana banyaknyo suku Minangkabau tu dan baa kaitannyo satu samo lain. Nan ado hanyolah panjalasan sacaro umum bahaso sadonyo suku di Minangkabau bisa dikalompokkan dalam Bodi Chaniago atau Koto Piliang. Untuak taratiknyo persoalan suku ko di maso datang, izinkan ambo mangusulkan kapado baliau H. Bachtiar Abna Dt Rajo Suleman dari LKAAM Sumbar supayo ado samacam manual dan bisa kito pakai basamo dalam hal ko. Sahinggo pikiran kito bisa manjadi laweh, indak tabateh di kalompok kito sajo. Dapek ambo tambahkan -- sambia minta maaf ka para netters nan salamo ko langsuang gata kalau ambo manyingguang soal ko , apolagi kini bulan puaso -- manuruik pandapek ambo soal suku ko paralu dikaikkan jo ajaran Islam tantang nasab. Masalah ko dulu rami dipadebatkan dalam RN ko. Buya Mas'oed Abidin manyarankan supayo kito namokan sebagai sistem kekerabatan matrilineal plus. Plus-nyo itu adalah garis nasab. Sahubuangan jo itu, ambo kini sadang mandaftar sagalo sanak sudaro ambo nan batali darah, dalam dokumen nan ambo sabuik sabagai 'Ranji ABS SBK', dimano ambo cantumkan saluruah kaum kaluarga ambo, baik dari garis Ibu maupun dari garih Bapak, sampai jo anak cucu ambo, tamasuak nan ibunyo urang Jawa dan Sunda.. Software nan ambo gunokan adolah Family Tree Maker nan alah panah juo ambo sampaikan dalam RN ko. Supayo jan ado pulo salah sangko, Ranji ABS SBK ko khusus manganai hubungan darah dan perkawinan, samo sakali indak ado kaitannyo jo harato pusako. [Saparati ambo tulih dalam buku ambo 'Masih Ada Harapan', (2004), kalau hubungan darah itu indak ambo tulih langkok, sacaro hukum ambo bisa dituduah nanti malakukan 'penggelapan garis keturunan' nan bisa diancam dek Pasal 277 ayat (1) Kitab Undang-undang Hukum Pidana (KUHP), jo hukuman 6 (anam) tahun panjaro!]. Wassalam, Saafroedin Bahar (L, masuk 72 th, Jakarta) Alternate e-mail address: [EMAIL PROTECTED]; [EMAIL PROTECTED] Nama baru untuk Anda! Dapatkan nama yang selalu Anda inginkan di domain baru @ymail dan @rocketmail. Cepat sebelum diambil orang lain --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
