Sanak Fitr yth, Memang seharusnyo alah ado urang nan mendalami masalah silsilah dan ranji iko. Kalau daulu ambo pernah mandanga di Amerika dan Inggris ado urang nan memiliki keahlian sarupo iko, sahinggo dapek manawikkan hubungan misal Lady Di dan Abraham Lincoln, dst. Tibo di awak memang menarik untuak manyigi masalah iko, karano bentang geografis relatif sempit, sarato 'kode sejarah' iko lai sambuang manyambuang. Pergerakan migrasi dari koto nan tuo sarato luhak nan tuo terkadang indak dapek menjadi pedoman, karono dalam sistem persukuan pun dikenal caro 'malokok'. Sahinggo dapek sajo sarombongan kecil urang Turki atau Aceh nan datang malokok dan mandapek suku. Dari buku TIB Dt. Kando pun ambo mandapek carito bilo banyak urang Jawa nan desersi dari pasukan Sentot Alibasyah nan kudian hiduik badampingan basamo masyarakat di Bonjol hinggo ka 50 Koto. Kok baitu kini, tantu masih ado sakalompok urang nan hiduik sacaro ekskusif di daerah Pasaman kini; namun raso-raso ambo iyo indak ado, alah manjadi urang Minang kasadonyo. Tamasuak babarapo urang nan mamiliki gelar Batak, seperti Siregar, Lubis, dll nan ambo temui di Lubuak Sikapiang, rasonyo labiah namuah disabuik sebagai urang Minang daripado urang Batak. Iko menarik pulo disigi baa caro urang tu mamakai adat kito. Kok buliah ambo batanyo ka sanak nan mengetahui. Dari diskusi babarapo bulan nan liwat khususnyo antaro ambo jo Rahima, nan tibo di keyakinan ambo memang kalau awak mambicarokan suku yo mukasuiknyo adolah nasab. Namun hubungan bapak-anak marupokan nisbah nan sangek jaleh aturannyo dalam Al Qur-an. Namun ambo indak memperpanjang diskusi iko. Mancaliak sero kito mambicarokan masalah suku dalam babarapo hari iko, iyolah cubo menelusuri kode sejarah itu, supayo nak tasusun silaturrahmi di antaro kito badunsanak. Mambaco namo sanak di bawah, tibo pemahaman ambo saketek, bilo hubungan nisbah adolah sampai 2 generasi ka ateh; kok labiah dari itu alun tau ambo dasar-dasarnyo. Termasuk sabananyo ambo saketek mempermasalahkan 'tradisi' mengurai hubungan nan bajelo-jelo, seperti misal: trah silsilah raja sucaro patrilineal, tradisi nasab dalam dunia tarikat untuak susunan guru-guru, dst. Pemahaman ambo alun dalam lai ka masalah itu untuak manyigi rasionalitas di baliak itu. Karono ambo maliek bakeh sejarah, seperti Rajo Pagaruyuang manyarahkan Minangkabau ka Balando, sarato anak TIB indak manaruihkan garih perjuangan ayahanda; sahinggo sabananyo 'daya juang' itu adolah 'tidak genetik'. Ambo raso basuo kito jo pemahaman hadits, bahwa manusia kutiko dilahirkan itu adolah dalam keadaan putih bersih. Tasarahlah kapado urang tuo (dan lingkungan) untuak manjadikannyo Yahudi, Majusi, atau Nasrani. Sangan itu sanak. Talabiah takurang mohon dimaafkan. Wassalam, -datuk endang
--- On Tue, 9/9/08, Fitr Tanjuang <[EMAIL PROTECTED]> wrote: From: Fitr Tanjuang <[EMAIL PROTECTED]> Subject: [EMAIL PROTECTED] Re: BAA STRUKTUR SUKU MINANGKABAU ? To: [email protected] Cc: "zulhendri ismed zul" <[EMAIL PROTECTED]> Date: Tuesday, September 9, 2008, 6:49 AM AslmWrWb Datuk Endang, sayangnyo ambo indak bisa maliek isi milis RGM_GM tu. Kalau arsip di milis rantaunet ko, ambo cubo lah caliak beko katiko adoh wakatu luang. Dalam soal asal namo Tanjuang, untuak samantaro ambo ikuik nan adoh di buku pulo, sampai carito dari muluik ka muluik tu tabukti pulo dek dokumen nan otentik..:) Ciek lai, kalau Bodi jo Guci lah adoh dari awal (bukan ciek nan balain namo), kemungkinan pasangan2 ko adolah ketetapan di nagari Pauh IX Padang sajo. Di Pauh IX adoh 9 suku jo sambilan Tapian, dimano tiok suku mamacik ciek tapian, walaupun isi tapian itu baragam. Sukunyo Koto jo Piliang, Guci jo Caniago, Tanjuang jo Sikumbang, Jambak II jo Jambak VII sarato Malayu nan tagak sorang. Bialah beko ambo tanyo ulang baliak ka adiak ambo nan duduak di KAN tentang sejarah nagari ko jo asal usul sukunyo. Wassalam fitr tanjuang (fitrianto bin Muhammad Rasyid Ismed bin Muhammad Said) lk/33/Albany NY --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
