OTA LANGKISAU
Sanak di Palanta
Satolah ambo maota ciek (ciek ?..padohal ota ko banyak)
Dek topic awak di palanta cukuik heboh jo kato Langkisau
Nan ka manjadi namo Mak Itam nagari
awak.
Ingek langkisau..ingek lo ambo carito katiko Abege SMA di
Padang
Tasabuik namo kawan Edi Langkisau..baa dek bantuak itu
namonyo
Baujuang Langkisau…nan si Edi ko..yo tukang balap motor
katiko SMA dulu
Kalau lah membalab inyo jo Honda CB..yo co patuih lari motor
ko inyo buek
Sarupo angin langkisau, mangabuik…wes..ewes..ewes..bablas
lari montor ne
Nan Honda CB nyo ko..bunyi knalpotnyo jaan disabuik
Mambuek si Bolot bin
Pakak batambah Budek
Kalau lah Edi Langkisau..bagaya jo motornyo ko..lewat parewa kota Padang
Tikungan Manis muko SMA 2, puruih makanannyo bana..
Honda CB ko..inyo ujo ..mambalab dari simpang Raden Saleh
Lapeh Raden Saleh..nan bunyi Knalpot Honda ko masih tingga
di Lolong
Dek co angina langkisau juo Pakak knalpotnyo
Masuak tikuangan SMA 2, Edi langkisau..lah bagaya, maredeng
jo CB nyo
Maambiak tikungan..yo santiang indak kalah lo jo Rossi,
Stoner, Pedrosa, Lorenzo
Hayden, Vermulen, Melandri, Toni Ellias caro si Edi
Langkisau manikuang
Nan konco2nyo lah batapuak tangan
dek gahar bana inyo mambalab condo angin langkisau maambiak
tikungan tu
Lah bacarito si Udin kuriak nan ngefan barek si Edi
langkisau dilapau kopi simpang Raden Saleh.
“Dir..dir..tahu waang ndak..talingo si Edi langkisau sabalah
kida tajam sabalah
dibandiangkan talingo suoknyo: kecek si Udin mambuka ota
“Baa bantuak itu Din…talingo kida si Edi Langkisau” si kadir
agak heran batanyo
“Oiii..ndak tahu waang yo..katiko inyo maambiak tikungan SMA
2 sakolah awak
yo maredeang bana si Edi langkisau maambiak tikungan,
sampai tacacah talingo sabalah kidanyo ka Aspal” si
Udin..manjadi ma Ota”
“ha..ha…ha..ado2 sajo waang Din..”si kadir takokah dek galak
“Kok ndak pijayo waang..sigilah talingo kida si Edi
langkisau tu, lah makanan inyo bana
tu tikungan SMA 2 tu jo Honda CB nyo,,maredeang, mancacah
aspal talingo kidanya” si Udin tambah manjadi otanyo
“indak ka den bantah ota waang tu do Din, si Edi langkisau
yo..lah “Setan jalanan” bana
di Kota Padang,
lai ateh namo tikungan jalan di Padang ko..inyo takan abih jo Honda CB nyo tu”
baleh si Kadir
“Lah ndak salah lo si Edi ko dek parewa2 motor kota padang diagiah gala Edi
Langkisau”
kecek si Udin
bantuak itu lah Ota Langkisau dari ambo
nan arati Langkisau ko..lah Padek bana di jalehkan mak Ngah
dan baitu juo
dek sanak-sanak nan lain di Palanta
Jadi sarancaknyo mak Itam awak nan ka Operasi ko jaan lah
diagiah namo Langkisau
Sagitu sajo Ota ambo nan sadang ngemilis sambia manyantuang
kolak labu jo pisang
Nan baagiah gulo saka nan ambo baok
dari Bukik Batabuah – Canduang Ampek Angkek
Salam-Jepe (43, Pekanbaru)
Tantang Gulo saka bukik batabuah bisa diliek carito jo potonyo di blog ambo
silahkan sanak klik
http://jupardi.multiply.com/photos/album/29/GULO_SAKA
___________________________________________________________________________
Yahoo! Toolbar kini dilengkapi dengan Search Assist. Download sekarang juga.
http://id.toolbar.yahoo.com/
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
