Mak Zul Kaha dan sanak Palanta nan ambo hormati. Dek Mak zul mambaok postingan taun 96 yang ma ambiak contoh ka kampuang ambo (Alam Surambi Sungai Pagu) ambo cubo lo tambahkan saketek perihal gala dan suku nan ambo ketahui di kampuang ambo tu, walau dari segi kecamatan kami indak samo lai, tapi dari segi adat, kecamatan ambo masih dalam wilayah "alam surambi sungai pagu" yang mano di wilayah solok selatan tu ado 2 wilayah adat yang diantaranya alam surambi sungai pagu dan rantau duo baleh koto (dulu kec. Sungai pagu dan sangir).
Di Alam surambi, bak kecek dalam tambonyo adolah "surambinyo alam minangkabau" darek indak rantaupun bukan, disiko pado awalnyo hanyo ado 4 suku dengan niniak partamo (nan tasabuik) 60 kurang surang atau jo kato lain 60 kurang aso. Suku tersebut Malayu, Kampai, Panai dan Tigo Lareh, nan tantu asanyo juo daro Bodi Chaniago dan Koto Piliang, tapi alun dapek sejarah asa niniak moyang tu nan jaleh lai. Perihal malakok, gala datuak, alam surambi pado dasarnyo samo persis alam minang lainnyo, dan memamang, datuak ko sangek banyak, bahkan kini labiah banyak dari kutipan dibawah ko, dek karano disiko, buliah indak ado gala datuak nan "dibanam" indak dipakai. Contoh dakek ka kaum ambo Suku Tigo Lareh balahan Pauah Duo, pado awalnyo gala Dt. Bando Labiah (mungkin asanyo dari benda/harato nan balabiah/banyak, tapi kini ndak lai) hanyo cuman surang datuak, dek anak kamanakan semakin banyak, pusako tinggi semakin bakurang, sahinggo kini gala nan samo tersebut alah manjadi 3, barati alah dipacah tigo dalam satu kaum tersebut, dan mungkin 5-10 taun lai akan ado batambah ciek lai. Tetapi, gala2 datuak dikampuang ambo tu memang indak ado nan "icak-icak" do dan rato2 gala tersebut juo indak ado nan bisa diambiak pengertian buruak do, disampiang gala datuak ko, ado juo gala nan diwarisi dek kaumnyo, antaronyo gala Malin dan Katik (Khatib). Tetapi perihal bagala Sutan, memang indak ado kewajiban nan nampak dilingkungan nagari ambo do, diantaro banyak tu mamak2 ambo, indak surangpun nan bagala sutan, tetapi kalaupun ado (dek urang rumah dr darek) jarang juo di pakai, ambo sendiri contohnyo, kebanyakan keluarga ambo, indak tau ambo pakai gala apo lai urang kampuang, gala ambo hanyo tau dek sanak2 di RN sajo. Tetapi, nan selalu jadi pertanyaan diambo ka keluarga/kaum anak ambo, kok lah belasan taun, indak juo punyo datuak kaum tersebut, jadi anak ambo kini indak mempunyai seorang datuak dari suku jambak, koto marapak, 4 angkek, agam do. Pernah ambo tanyo, alsan baliau indak ado nan bisa diwarisi, padahal ambo like, masih banyak anak/kamanakan laki2 dari kaum tersebut, kok dari segi biaya maha mungkin, ambo raso kaum tersebut masih sanggup lah nampaknyo... Salam.. Nan ingin menanggapi pulo.. -----Original Message----- From: [email protected] [mailto:[EMAIL PROTECTED] On Behalf Of Zulkarnain Kahar Sent: 11 Oktober 2008 03:09 To: [email protected] Subject: [EMAIL PROTECTED] ABS SBK - tahukan anada Dunsanak akan takajuik bila tahu sia nan manulih cuplikan artikel dibawahko: Tapi Datuak itu juga tidak istimewa betul, karena seperti saya katakan tadi tiap parui' di tiap nagari punya Datua', dan di sebuah nagari yang berpenduduk dua ratus orang bisa saja ada dua puluh parui'. Jadi yang namanya Datua' itu dulunya juga segerobak kereta api disetiap kampung. Saya lihat daftar Datua di nagari (Alam Serambi) Sungai Pagu ditahun tiga puluhan: lebih dari seratus. Kalau mau tahu silahkan kunjungi http://www.library.ohiou.edu/indopubs/1996/03/04/0035.html Wassalam ZK --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
