Assalamu'alaikum ww, Dunsanak di Palanta, izinkan awak bacarito sakiro pangalaman makan siang ari ko. Awak caritoan dek mungkin nan makan sakali ko taraso lain dari nan biaso. Sabanto ko awak makan io sabana bapaluah jo batambuah, indak sajo nasi nan batambuah sayua Perancis kariang sarato baluik itam kariang juo sato malangkok I makan siang ari ko di rumah makan "Jajak Mintuo" dakek ka simpang rumah ambo di Jln Yos Sudarso Rumbai. Dari menu makan nan dipasan yaitu ikan ketek-ketek bantuak ikan danau nan sagadang jari nan digoreng masiak. Aroma nyo arun, badaruak jo badaram kalo di kunyah sarato rono agak cikalaik (dek bagoreng masiak) tapi nan raso indak paik sainggonyo katiko dikunyak saroman makan karupuak. Nasi dibumbui dek lado nan io sabana khas nan awak alun paranah mancubo lai do, ladonyo bagoreng tapi raso lado nyo ado agak ka lado matah juo. Sambia manyuok nasi nan paluah bainciaan pulo, a io taraso sero. Dek taraso lamak babae tambuah 2 pakai tambuah sayua 2x nan ciek kariang nan sakali lai bakuah pakai jariang jo lado sirah. Dek nasi lai juo baru nan maco alah abih bamintak pulo tambuah baluik balado mudo. Ado ciek ka istimewaan dari goreng baluik iko, nan biaso rono baluik bagoreng sakarek itam sabalah manguniang, tapi nan sakali ko indak, rononyo itam kacukalaik an saroman itamnyo ikan salai sudahtu digorennyo juo masiak tapi indak paik walau rononyo bantuak anguih.
Jadi itulah pangalaman makan siang iko nan ijankan tulang nan ka tasiso kapalo baluik sajo lucuih kasadonyo, mako tinggalah lado mudo jo kuah-kuah sajo. Nampaknyo io balapehan salero dek memang lah agak lamo taniaik untuak mancubo makan disiko dek ingin bana mancubo a sabananyo nan dimukasuik samba khas Sulik Air nan manjadi trade mark dek RM Jajak Mintuo iko. Insya Allah jiko indak ado aral malintang bisuak siang ka dicubo baliak jo menu nan lain nan alun di makan ari ko. Jikok ado dunsanak nan ka sato jo awak mari bagabuang di meja nan samo, soal bayia mambayia ijan cameh insya Allah untuak nasi saparuik aman tu nyo. Setek lai tambahan, ruponyo tibo di kantua ado pulo nan punyo rasaki yaitu rageh nan santiang mamantak sainggonyo alah padiah sajo mako nyo tau baso inyo lah sato pulo mancubo sari makan siang awak ariko, tapi sayang saketek dek taraso padiah reflek sajo lah balapia pulonyo. Wassalamu'alaikum ww Batuduang Ameh (40) "4 Rancak 5 Lamak Bana" --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
