Assalamu'alaikum wa rahmatullahi wa barakaatuhu
Dari File tahun 2003, pakaro cipuik ko juo
Re: [RantauNet.Com] Gulai Cipuik
Muhammad Dafiq Saib
Sat, 21 Jun 200321:28:49-0700
Assalamu'alaikum wr.wb.,
Ambopun takana pulo maso ketek-ketek saisuak, katiko ayah ambo almarhum masih
ado. Acok pulo amak ambo mambuek gulai cipuik ko. Iyo heboh kami kalau makan
katiko itu. Tapi mungkin amak ambo amuah mamasak-an cipuik ko iyo bana untuak
ayah ambo sajo, sabab sapaningga baliau indak panah lai kami makan gulai
cipuik.
Tahun 70an akhir ambo malakukan panalitian/pametaan geologi untuak kaparaluan
sakola di daerah Sijunjuang sampai kanagari Aia Angek, labiah kurang 15 kilo ka
arah timur dari kota Sijunjuang nan dicapai katiko itu jo bajalan kaki sabab
indak/alun ado jambatan manyubarangi sungai Sukam di Sijunjuang tu. Di Aia
Angek ko ambo manompang tingga (sakalian mambaia makan) di rumah warga, mantan
pulisi nan panah dinas di Bukiktinggi. Pado suatu makan malam, samba talatak
agak kurang pado nan biaso. Dibaono ambo maota-ota, bahaso di Bukiktinggi biaso
urang makan cipuik, kecekno. Ambo kecek-an iyo. Dulu katiko ketek ambopun lai
panah mamakan, tapi kudian-kudianko alah indak panah. Kini lai amuah juo
kiro-kiro mamakanno, tanyono pulo. Raso ati ambo, amuah, jawek ambo. Kok kiniko
bana ado gulai cipuik tu disiko lai lanteh angan mamakan, tanyono pulo. Mungkin
lai, kecek ambo. Mako dikaluakanlah dek urang rumah baliau tu gulai cipuik.
Ondeh, iyo sabana lamak sarato
heboh mancucuik-ino. Tapi sajak itu, indak panah pulo ambo ulang lai mamakanno.
Kalau di rantau ajo buyuang ado pulo urang mamakan cipuik ko nan labiah gadang,
ampia sarupo keong di awak, escargo mareka sabuik namono. Kalau lah makan
escargo ko si Michel jo si Jean-Paul indak nampak lo di mareka 'mintuo' lalu
doh.
Wassalamu'alaikum wr.wb.
Lembang Alam
zul amry <[EMAIL PROTECTED]> wrote:
Sanak Arman Yth :
Justru disinan seronyo gulai cipuik tu , wakatu mancucuik
jo
mahiruik tu , baa kaba sanak di Riau tu kini lai aman se
Kok logat sanak kadongarannyo sarupo campuran Piaman jo
pikumbuah
apo ado interaksi kaduo nagori tu di kelurga sanak .
Wassalam : zul amry di bali
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
