Dunsanak di palanta Rantaunet. Terutamo angku-angku sarato anak-kamanakan ataupun cucu nan cadiak-cendokio. Assalamulaikum W.W. Syukur alhamduliilah ambo lai ditarimo pulo manjadi anggota komunitas urang awak di dunia maya iko. Umua ambo kini alah melewati usia harapan hidup rato-rato urang Indonesia (nan 64,4 tahun). Jadi kok "dilogikakan" sebagai warga negara Indonesia maso kini, mako ambo harus tahu di diri, yaitu ambo indak punyo hak basuaro lai karano alah 72 tahun usia. Ambo pansiunan guru, nan manatap di rantau Palembang. Nagari asa Ambo Sitalang nan Barajo Surang, suku Tanjuang kecamatan IV Nagari Kabupaten Agam. Ambo dibao dek angku doto Abraham ka lapau rantaunet@googlegroups.com, mulonyo hanyo baniat manjadi pambaco sajo. Ambo agak gamang ka manyampaikan judul atau pandapek karano mungkin dianggap nak manggurui nan mudo-mudo pulo, yang lah labiah tinggi sakolah, dan lah jauah rantaunyo dari ambo. Kini niat itu tapaso ambo "interupsi" dan maaf kan nan ba umua kurang dari 64,4 tahun karano ado kajadian luar-biaso nan tajadi di kampuang ambo Sitalang dan paralu bana dicari penyelesaiaanyo. Iko caritonyo nan ambo danga dari Urang Pasa.
*UAN 2009 SMU Sitalang diikuti 104 murid, yang lulus ujian hanya 3 orang siswa*. Sebagai pansiunan guru, ambo maraso kajadian iko merupokan KLB atau Kejadian Luar Biasa nan paralu dicari penyebabnyo dan sia nan batangguang jawab. Tangan mancancang, bahu mamikua untuak penanggung jawab kajadian iko. Indak mungkin musibah iko ditimpokan ka murid do. Kacuali kalau murid itu alah kurang gizi ka sado alahe dan tantu Dinas Kesehatan batangguang jawab. Kok di Japang tajadi nan sarupo iko, penangguang jawabnya alah malakukan harakiri atau bunuah diri, *malu, malu dan malu sabananyo malu.* Karano awak urang Islam tantu haram bunuah diri, mako usul ambo kok lai ado Dunsanak nan manjadi anggota DPRD Sumbar/Agam di palanta iko atau punyo relasi tolong disampaikan usul agar wakia rakyat itu *membentuk Tim atau Komisi Pencari Fakta*. Sudah itu hasilnyo dilaporkan ka Gubernur atau Bupati sehinggo kajadian nan mamalukan iko indak ka taulang baliak. Jauah sabalumnyo (tahun 2005) ambo alah manulih tentang masalah nan sarupo iko. Kajadiaan nan mirip sarupo iko sarato pemecahan masalahnyo alah ambo tulihkan tahun 2005 di http://nagari.or.id/index.php?moda=palanta&no=76 (dibaco 338 orang) dan http://nagari.org/palanta.php?no=75 (dibaco 558 orang) Tapi antah baa, pejabat-pejabat Sumbar itu indak pernah membaco berita di internet atau alah basikap bak si Malanca nan basikap iyokan nan diurang lakukan nan di awak (maurus pariwisata sajo nan banyak pitihnyo ?). Noor Indones St. Sati, 72 th. --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---