Three Tumb Up !!! untuak Pak Nofrin, Pak Saaf dan Sanak di MPKAS Ikolah karajo nan hawo (energinyo) positif
Positif itu adalah kerja keras baik pamrih maupun tanpa pamrih dengan penuh dukungan dengan satu misi "Loko Uap itu harus kembalii ke Ranah Minang" Salut ambo.... Lah ambo sigi poto Pak Nofrin tentang "Mak Itam" ko..yo sabana gagah Itam Pakek..Jadul bana..bakesan "magis" Kok ditangah galok malam kalam tagak mak Itam ko (tanpa lampu penerangan)..ondee raso "Monster" bantuaknyo..bagarah stek ha Artinyo..gagah bana..Loko Uap ko ..kok diliek jaman kini Kuno, Antik,Warna eksotis Itam pakek (Dark Black) Iko mambangkikkan "kenangan batang tarandam" ambo wakatu ambo ketek tahun 70 an di Aia Tawa (bekas rumah ambo dulu kini Hall FKT-UNP) Ambo jo kawan-kawan ketek-ketek nan suko palala ado duo tampek strategis kami mancaliak Mak Itam liwaik Nan partamo Sambia mandi-mandi dan mamanciang di Jembatan KA belakang Minang Plaza Dikaki jembatan nan tonggaknyo beton kami mamandang-mandang Mak Itam ko, dari bawah dari sampiang Nan kami tunggu masinis maegang tali sahinggo babunyi klaksan Mak Itam (bunyinyo..tampil beda...memudahkan urang maidentifikasi kalau Mak Itam lah sadang lewat di aia tawa) Nan Kaduo Mesjid Al Azhar dan seputarannyo dulu tanah lapang semak belukar tampek jawi berkeliaran, dimuko ko ado gapura tanduak kabau (lah dibongka) Di tanah lapang ko ado kadai tampek parantian Padati jo Kabau nan babelok manggaleh dari Padang-Pariaman, kawan ambo sebaya apaknyo punyo padati Padati ko mambaok Karambia, atok rumbio dan hasil bumi lainnyo dari daerah Pariaman sekitarnyo kok baliak dari Padang ka Pariaman mambaok galeh barang kelontong (sembako) sarupo gulo, minyak goreng, sabun cuci batangan dll, iko maso ketek nan bahagia juo dek ambo pai ka Pariaman katiko libur sakolah naik padati jo kawan ambo tu...yo sabana mambakeh dek ambo naik padati kabau ko..dari Padang-ka Pariaman..sungguh mengasyikan bajalan lambek2 jo padati sambia menikmati sagalo pemandangan...antah bilo lai mancubo naik Padati..dari Padang ka Pariaman...mungkin tinggal kenangan sajo lai, indak saruman Mak Itam nan ka datang tantu awak bisa banostalgia...apo paralu lo dihiduikan baliak jalur wisata Padang- Pariaman naik Padati..antahlah...ambo raso indak kamungkin...bialah tingga kenangan sajo dek ambo. Jadi sambia kabau ko Istrirahat, kami duduak-duduak diateh padati tu, manunggu Mak Itam liwat dimuko Rindam (Kini Batalion Infanytri), iko lah agenda rutin kami bamain-main wakatu ketek awal 70 an manonton Mak Itam liwat, ado kalakuan kami nan saketek babahayo, sabalun Mak Itam lewat direl tu kami latakan Paku gadang nan dirakekan jo palangkin, antah baa pemikiran kami wakatu tu..tapi karajo ko lah turun temurun dek anak-anak ketek dulu *sabalun kami ketek masih he..he) , jadi iko lah kebiasaan anak2 di aia tawa dulu, tujuannyo paku gadang ko bia pijak tu kami jadikan Pisau..kok lah digiliang Rel Mak Itam biasonyo tapalantiang indak talatak di Rel tu lai sibuk kami mancari paku tu disepanjang Rel, kok basuo bantuaknyo ado nan picak tempang..alun pijak bana bamacam2...nah paralu diulang baliak mamicakannyo agak tipih tunggu baliak mak Itam liwat, nan paku alun samparono picak kami latakan baliak di Rel sambia dirakekan jo palangkin nan kami cukia dari jalan raya nan ba aspal atau..palangkin ko kami ambiak dari dorom2 bakeh urang nan sadang mamabaka palangkin untuak ka jalan (ado-ado sajo yo kalakuan ambo ketek..tapi nan jaleh ambo sanang bana maso ketek ambo..banyak petualangan..laut, batang aia, parak nipah, muaro diseputaran aia tawa abih kami kincah..malala bamain-main) Kok naik Mak Itam..tahun 70an bajalan-jalan jo Rang Gaek dan keluarga ambo lah ambo caritokan dulu..yo seruuu abisss, nan ditunggu Mak Itam ko masuak lambah Anai, masuak lubang kalam jo diateh jembatan..disikolah bentangan lembah anai nan rancak lamak dicaliak...ibaraiknyo mamanjokan mato awak bana mamandang Lembah Anai dari Mak Itam. Terakhir ambo naik Mak Itam tahun 1986, katiko ambo Praktek Kerja Lapangan di Hutan Randublatung dan Cepu, Di Hutan Jati Cepu ado Loko Uap nan masih berfungsi dan manjadi KA Wisata, kami barombongan Mahasiswa fahutan IPB nan sadang PKL naik Mak Itam Bakuliliang sekitar Hutan jati Cepu alami nan alah dikelola sajak jaman Balando dulu ..yo..asyik taraso bana "Roh" jaman Balando dulu, ditambah lo banyak Menner2 Opa-opa dan Oma-Oma nan datang banostalgia ka Hutan Jati ko Itulah saketek pengalaman nan mambakeh ambo jo Mak Itam ko, kini ka Datang..raso ka ambo cabiak hari ko, ingin naik mak Itam ko Batanyo ambo ka pak Nofrin...baa gerbong nan ka dielo Mak Itam ko Pak..lai gerbong Jadul juo..gerbong nan sasuai inyo elo wakatu baoperasi Tantu ndak macing do Pak Nofrin..jiko nan dielo Mak Itam ko gerbong modern..bantuak Lokomotif KA Diesel nan baoperasi bulan puaso kapatang Sarupo Mak Itam KA Wisata di Hutan Cepu tu...gerbongnyo kuno juo... Mudah2an lai ado tasiso gerbong jadul ko di Simpang Haru atau Stasiun2 KA nan gadang seperti Padang Panjang, kok lah buruak mungkin bisa direnovasi baliak Intinyo Mak Itam "Black Monster" maelo anaknyo nan lamo lah hilang... Mari kito tunggu kedatangan Mak Itam nan pernah melegenda di Sumbar Once More ..Three Tumb Up .....The Great Job Pak Nofrin..... Wass-Jepe ________________________________ From: [email protected] [mailto:[EMAIL PROTECTED] On Behalf Of Yulnofrins Napilus Sent: Wednesday, December 03, 2008 2:09 PM To: RantauNet2 Milis; MAPPAS; Milis SMA1Bkt; IPMPP; [EMAIL PROTECTED]; Gebu Minang; [EMAIL PROTECTED]; MPKAS Subject: [EMAIL PROTECTED] Foto "Mak ITAM" yg akan pulkam sore ini... Assalamualaikum ww Adi Dunsanak kasadonyo, Mungkin banyak juga yg belum tahu bentuk Mak Itam yg sering kita diskusikan selama ini dan insya allah akan pulkam dan berangkat sore hari ini dari Ambarawa, silahkan klik Foto Mak Itam E1060 <http://www.west-sumatra.com/index.php?option=com_ybggal&Itemid=27&pdisp =photographer&picid=3491&uid=64> ini atau melalui link berikut: http://www.west-sumatra.com/index.php?option=com_ybggal&Itemid=27&pdisp= photographer&picid=3491&uid=64 Mari sama-sama kita doakan, agar proses perjalanan pulang ini tidak ada kendala yang berarti. Rencana Uji Coba 20 Des 2008 yg sekaligus Peresmian jalur Padang - Anai - Pdg Panjang - Singkarak - Solok - Sawahlunto, hingga saat ini tidak mengalami perubahan. KAI Sumbar lagi ngebut menyelesaikan perbaikan bantalan rel dan jembatan, termasuk pengecatan jembatan. Hampir semua kontraktornya terpaksa diimport dari Jawa yg sudah terdaftar resmi di PT KAI. Sekali lagi, KA Wisata yang kita canangkan bukan lah KA dg Loko Uap saja. Tetapi kita masih punya 20 unit Loko Diesel yg belum dioptimalkan di Sumbar. Loko Uap hanya penambah "bumbu" dan rute tertentu saja... Katanya, kalau kurang bumbu masakkannya, biasonyo indak basalero do makannyo...:) Saat ini juga sedang berlangsung lobby-lobby dilevel atas sana agar RI-1 atau RI-2 atau salah satunya bisa mampir utk KA Wisata 20 Des nanti. Tetapi bisa juga dipercepat atau bisa juga diperlambat. Itu sudah diluar kekuasaan kita lah. Kita tunggu saja mana baiknya... Disamping kepada Alm. Pak Chaidir Latief, Pak Saaf dan semua kawan2 yg terlibat mendukung, apapun bentuknya, kita perlu berterima kasih juga kepada para Dunsanak dan para Sumando kito (krn bbrp alasan, maaf tak perlu ambo sebut satu persatu) di Dephub dan PT KAI yang sudah "pasang badan" utk KA di Sumbar ini agar bisa bangkit kembali. Krn di internal mereka, prosesnya juga tidak semudah kita melihat hasilnya sekarang. Semoga amal baik beliau-beliau tsb diberi ganjaran yang setimpal oleh Allah SWT. Amin. Semoga berkenan. Terima kasih. Wassalam, Nofrins http://mpkas.west-sumatra.com --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
