Sanak Jepe,
Tarimo kasih banyak. Carito dibawah iko rancak bana utk dikumpuakan jadi
carito2 ttg Nostalgia Mak Itam di Sumbar. Ado yg tertarik dijadikan buku? KAlau
gak diforward ke media sajo agar nan mudo2 kini tau kenapa emosi kito bisa
terlibat dalam mengembalikan MAk Itam iko ke habitatnyo lagi di Sumbar.
Ttg gerbong jadul, kito dari MPKAS belum bicara lebih jauh. Tetapi 2 thn
lalu, itu yg kita harapkan agar "cocok bana" jo Loko Uap tsb. Tetapi
bertahaplah. Dg "ledakkan" Mak Itam ini, mudah-mudahan akan lebih banyak pihak
"ikut turun" membantu dan sponsor agar gerbong2 lama tsb bisa direnovasi lagi.
Wako Sawahlunto di salah satu media sudah menyampaikan akan menghidupkan
gerbong2 tua tsb utk itu.
Ini juga kenapa kita ajukan dan dukung sekali ide rencana berpakaian ala
tahun 30an pada saat Uji Coba yg juga peresmian jalur Padang - Anai - Padang
Panjang - Singakarak - Solok - Sawahlunto pada 20 Des nanti.
Akhirnya KAI Sumbar sudah pesan 50 pasang pakaian Pegawai KA ala jaman
Belanda dulu lengkap dg topi dan asesorisnya atas perintah Direktur PT KAI.
Wako Sawahlunto jg sudah pesan pakaian khusus utk itu.
Utk 20 Des iko bisa sajo barubah. Krn bulan akan ado RI-1 dan RI-2 ke Sumbar.
Tetapi dipercepat sblm 20 Des nampaknya akan sulit. Kito tunggulah. Kita merasa
perlu keterlibatan beliau2 ini, jika memungkinkan utk banyak hal seperti dampak
publikasi dan promosi gratis, dampak dukungan sponsorship, dll...
Skln menjawan pertanyaan konco ambo Datuak (Yumetra), nan kasato ikuik,
silahkan sajo daftar disiko. Mudah-mudahan Rang Dapua, MAPPAS, MPKAS bisa bantu
koordinir utk itu.
Mohon maaf baru baleh krn ambo masih Workshop utk asok dapua bbrp hari iko di
Mercure Ancol. Biasonyo ado Bu Sekjen nih yg PR Mngr nya dulu yang bantu
ngurusin kito disiko he..he...
Ok, sekian dulu. Tarimo kasih.
Wassalam,
Nofrins
www.nofrins.west-sumatra.com
Jupardi <[EMAIL PROTECTED]> wrote:
v\:* {behavior:url(#default#VML);} o\:* {behavior:url(#default#VML);}
w\:* {behavior:url(#default#VML);} .shape {behavior:url(#default#VML);}
st1\:*{behavior:url(#default#ieooui) } Three Tumb Up !!! untuak
Pak Nofrin, Pak Saaf dan Sanak di MPKAS
Ikolah karajo nan hawo (energinyo) positif
Positif itu adalah kerja keras baik pamrih maupun tanpa pamrih dengan penuh
dukungan dengan satu misi “Loko Uap itu harus kembalii ke Ranah Minang”
Salut ambo….
Lah ambo sigi poto Pak Nofrin tentang “Mak Itam” ko..yo sabana gagah Itam
Pakek..Jadul bana..bakesan “magis”
Kok ditangah galok malam kalam tagak mak Itam ko (tanpa lampu
penerangan)..ondee raso “Monster” bantuaknyo..bagarah stek ha
Artinyo..gagah bana..Loko Uap ko ..kok diliek jaman kini Kuno, Antik,Warna
eksotis Itam pakek (Dark Black)
Iko mambangkikkan “kenangan batang tarandam” ambo wakatu ambo ketek tahun 70
an di Aia Tawa (bekas rumah ambo dulu kini Hall FKT-UNP)
Ambo jo kawan-kawan ketek-ketek nan suko palala ado duo tampek strategis kami
mancaliak Mak Itam liwaik
Nan partamo
Sambia mandi-mandi dan mamanciang di Jembatan KA belakang Minang Plaza
Dikaki jembatan nan tonggaknyo beton kami mamandang-mandang Mak Itam ko, dari
bawah dari sampiang
Nan kami tunggu masinis maegang tali sahinggo babunyi klaksan Mak Itam
(bunyinyo..tampil beda…memudahkan urang maidentifikasi kalau Mak Itam lah
sadang lewat di aia tawa)
Nan Kaduo
Mesjid Al Azhar dan seputarannyo dulu tanah lapang semak belukar tampek jawi
berkeliaran, dimuko ko ado gapura tanduak kabau (lah dibongka)
Di tanah lapang ko ado kadai tampek parantian Padati jo Kabau nan babelok
manggaleh dari Padang-Pariaman, kawan ambo sebaya apaknyo punyo padati
Padati ko mambaok Karambia, atok rumbio dan hasil bumi lainnyo dari daerah
Pariaman sekitarnyo kok baliak dari Padang ka Pariaman mambaok galeh barang
kelontong (sembako) sarupo gulo, minyak goreng, sabun cuci batangan dll, iko
maso ketek nan bahagia juo dek ambo pai ka Pariaman katiko libur sakolah naik
padati jo kawan ambo tu…yo sabana mambakeh dek ambo naik padati kabau ko..dari
Padang-ka Pariaman..sungguh mengasyikan bajalan lambek2 jo padati sambia
menikmati sagalo pemandangan…antah bilo lai mancubo naik Padati..dari Padang ka
Pariaman…mungkin tinggal kenangan sajo lai, indak saruman Mak Itam nan ka
datang tantu awak bisa banostalgia…apo paralu lo dihiduikan baliak jalur wisata
Padang- Pariaman naik Padati..antahlah…ambo raso indak kamungkin…bialah tingga
kenangan sajo dek ambo.
Jadi sambia kabau ko Istrirahat, kami duduak-duduak diateh padati tu,
manunggu Mak Itam liwat dimuko Rindam (Kini Batalion Infanytri), iko lah agenda
rutin kami bamain-main wakatu ketek awal 70 an manonton Mak Itam liwat, ado
kalakuan kami nan saketek babahayo, sabalun Mak Itam lewat direl tu kami
latakan Paku gadang nan dirakekan jo palangkin, antah baa pemikiran kami wakatu
tu..tapi karajo ko lah turun temurun dek anak-anak ketek dulu *sabalun kami
ketek masih he..he) , jadi iko lah kebiasaan anak2 di aia tawa dulu, tujuannyo
paku gadang ko bia pijak tu kami jadikan Pisau..kok lah digiliang Rel Mak Itam
biasonyo tapalantiang indak talatak di Rel tu lai sibuk kami mancari paku tu
disepanjang Rel, kok basuo bantuaknyo ado nan picak tempang..alun pijak bana
bamacam2…nah paralu diulang baliak mamicakannyo agak tipih tunggu baliak mak
Itam liwat, nan paku alun samparono picak kami latakan baliak di Rel sambia
dirakekan jo palangkin nan kami cukia dari jalan raya nan ba
aspal atau..palangkin ko kami ambiak dari dorom2 bakeh urang nan sadang
mamabaka palangkin untuak ka jalan (ado-ado sajo yo kalakuan ambo ketek..tapi
nan jaleh ambo sanang bana maso ketek ambo..banyak petualangan..laut, batang
aia, parak nipah, muaro diseputaran aia tawa abih kami kincah..malala
bamain-main)
Kok naik Mak Itam..tahun 70an bajalan-jalan jo Rang Gaek dan keluarga ambo
lah ambo caritokan dulu..yo seruuu abisss, nan ditunggu Mak Itam ko masuak
lambah Anai, masuak lubang kalam jo diateh jembatan..disikolah bentangan lembah
anai nan rancak lamak dicaliak…ibaraiknyo mamanjokan mato awak bana mamandang
Lembah Anai dari Mak Itam.
Terakhir ambo naik Mak Itam tahun 1986, katiko ambo Praktek Kerja Lapangan di
Hutan Randublatung dan Cepu,
Di Hutan Jati Cepu ado Loko Uap nan masih berfungsi dan manjadi KA Wisata,
kami barombongan Mahasiswa fahutan IPB nan sadang PKL naik Mak Itam
Bakuliliang sekitar Hutan jati Cepu alami nan alah dikelola sajak jaman
Balando dulu ..yo..asyik taraso bana “Roh” jaman Balando dulu, ditambah lo
banyak Menner2 Opa-opa dan Oma-Oma nan datang banostalgia ka Hutan Jati ko
Itulah saketek pengalaman nan mambakeh ambo jo Mak Itam ko, kini ka
Datang..raso ka ambo cabiak hari ko, ingin naik mak Itam ko
Batanyo ambo ka pak Nofrin…baa gerbong nan ka dielo Mak Itam ko Pak..lai
gerbong Jadul juo..gerbong nan sasuai inyo elo wakatu baoperasi
Tantu ndak macing do Pak Nofrin..jiko nan dielo Mak Itam ko gerbong
modern..bantuak Lokomotif KA Diesel nan baoperasi bulan puaso kapatang
Sarupo Mak Itam KA Wisata di Hutan Cepu tu…gerbongnyo kuno juo…
Mudah2an lai ado tasiso gerbong jadul ko di Simpang Haru atau Stasiun2 KA nan
gadang seperti Padang Panjang, kok lah buruak mungkin bisa direnovasi baliak
Intinyo Mak Itam “Black Monster” maelo anaknyo nan lamo lah hilang…
Mari kito tunggu kedatangan Mak Itam nan pernah melegenda di Sumbar
Once More ..Three Tumb Up …..The Great Job Pak Nofrin…..
Wass-Jepe
-~----------~----~----~----~------~----~------~--~---
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
