Assalamu'alaikum warahmatullahi wabarakaatuh
Ambo takana nak kamanulih iko dek harapan bisa manjadi mambantu dunsanak ambo untuak persiapan nanti kok nak kamambaka ikan di malam taun baru, dek libur kan panjang kutiko tu nantik.
Baa kok ikan nan ambo kamukoan, dek kato papa ambo "sisuak kala" mode ko " Piak, banyak2 makan ikan, buliah nak cando urang japang utak gau tu, cek liau" tapikia dek ambo, apo iyo mode tu, atau baa nak carono mahabihan ikan nan banyak dapek mamapeh dek baliau.. hehe..wallahu'alam..
A..jadi mode ko ha, nan biasonyo mode ambo nan ibuk2 multijob ko, ikan ko basimpan di frezer mah, lah co batu we'e. Kok taragak mambakanyo, habih lo ukatu manantiannyo layua. Jadi nan diambo dek pangalaman kohe, babaka sajo langsuang ikan ko, sampai masak ikan nan sabalah ka api ko, ambo baliak langsuang ambo kuas jo bumbu nan dicampua jo santan pakek tambah asam kapeh sangenek.
Bumbu ko buliah sajo apo sajo, bumbu langkokkah, bumbu rang jawakah, nan jaleh dicampuan jo santan pakek + asam kapeh tadi. Kalo nak padeh, langkok tadi tun dicampuan jo lado giliang, pabandiangannyo kok bumbu sa ons nan lado 2 ons (mantap deh) alias padeh...hehe
Baliak ka ikan nan tapanggang tadi, kan lah dibaliak Mr Fishy ko goh, tungguan lo masak nan subaliak laih, kuas lo baliak jo bumbu tadi tun, ops, lupo ciek, jan kuas cat minyak pulo nan dikuasan, tapi kuas ala kito yaitu kuas nan dibuek dari batang sarai nan dipapek pangkanyo sudah tu ditumbuak jadi cando kuas. Fungsinyo masuak, nan rasonyo juo masuak.
Lah masak lo nan subalah tadi, dibaliak pas angek2 tu langsuang lo dikuas jo bumbu tadi.. mode tun sen taruih sampai masiang2 sisi ikan dapek kuas bumbu minimal 2 kali surang.. Jan cameh lo ikan ko ndak masuak raso bumbu tadi, baa dek mantun? karano ikan nan tanpa bumbu apopun jikok dibaka kan dagiangnyo malambuik tuh.. nah pas lah lambuik tu juo sadang angek2 tu dikuasan bumbu kito makonyo bumbu langsuang marasuak ka dalam dagiang ikan samparono mantap marasuak nyo. Kok di pabanyak maolesi tantu batambah taba bumbu nan malakek di kulik ikan ko, batambah mantap lah inyo ka kawan nasi angek manggabun.
Salamaik mancubo.....
Mudah2an bamanfaat...
Wassalam
Rina, 31, batam
