Assalamualaikum ww Betul mak Abraham Ilyas tambo dengan sejarah harus dibedakan bahkan telah ada tudingan bahwa sejarah Minangkabau tenggelam kedalam 98% mitos yang sulit dipertanggung jawabkan secara Ilmiyah Namun demikian ada juga beberapa penulis yang telah berani menampilkan tarikh atau tahun hingga tulisan mereka sudah bolehlah disebut telah bernilai sejarah yang tentu saja hasil karya mereka ini perlu di-uji secara Ilmiyah dihadapan para pakar sejarah lain-nya Suai sanak Cori dulu di Istano Pagaruyung sisilah ko ado pulo dipampangkan walau alah anguih tapanggang tantu bisa kito bukak kitabnyo, kok kitab indak pulo basuo kito cari murik gurunyo kok guru lah mati pulo kito cari tunggua panabangan-nyo Sanak Aldi di Denpasar Bali salam hangat dari Riau Duri Petropolis……. Minangkabau arati’e Manang pado Fi'ia kabau Takalo maso kalo nantun, nagari alun banamo Minangkabau, syarak alun mandaki dari Ulakan, urang alun banyak nan basandi ka Kitabullah, rang kampuang alun tantu hukum ma-adu ayam, kok dibukak si tambo lamo sajak nabi kito nan barumpun di tanah Makah nan batambangan ka Madinah majulai ka-tanah Masia bacebang katanah Aceh manurun ka Ulakan Pariaman mandaki di Pamankapeh manatap di Pamanciangan Baa takalo maso itu, nagari alun banamo Minangkabau, dusun banamo dusun Guntuang, Andaleh namo tanah'e, urang malukah diateh pagu manangguak ditangah padang, kok malukah diateh pagu mancik jo cacak nan bamakan kok manangguak ditangah padang kalo sipasan nan bapanggang Halal jo haram alun babedo sah jo bata alun dikaji sunaik paradu alun basabuik, adaik banamo jahiliah, babaua indak bago nikah, sia gadang sia malendo sia tinggi sia maimpok, sawah indak bapamatang palak indak babintalak, hukum syariat alun balaku, parangai sarupo jo binatang kabau, sajak dari nan ngenek alun tumbuah gigi inggo nan gaek nan lah tangga gigi. Masuaklah maso nantun, ajaran Rasulullah, kok hala jo haram lah babateh, sunaik paradu lah disabuik-an, sah jo bata dikaji ciek2, sabalun babaua, nikah daulu, adaik nan ta-pabuek disigi jo Kitabullah Lamo jo lambeknyo, dek gunuang tumbuak kabuik, bukik lancaran paneh, lurah himpunan batang, kualo himpunan kapa, mako tasabuik nagari nangko nagari "Manangkabau" arati'e anak nagari nan manang pado fi'ia kabau Dek barakaik ajaran Rasulullah nan turun dari tanah Makah bacebang hinggo ka-tangan Tuangku Shekh Abdul Rauf bajawek ka-tangan Katik Pono nan bagala Tuangku Shekh Burhanuddin nan badiam di Ulakan Pariaman Mandaki syara' ka-luhak nan tuo disambuik kapangkuan Rajo Alam nan bagala Rajo Alam Sulthan Alif Muayatsyah hinggo basibak ka-luhak Agam jo Limo Puluah taruih karantau laweh Kuwantan Inderagiri sasimpang jalan Gunuang Sahilan hinggo nagari Siak Gasib lapeh kasubarang Nagari nan Sambilan, mako sajalan adaik jo sarak Kok saisuak anak kamanakan baralek kawin, saraik nan ampek manjadi limo ba-inai, ba-hiyeh, basandiang, ba-arak ba-bunyi2an, ba-akaik nikah palangkok sara', baru buliah di-sarumahkan, itulah adat nan bapakai sara' nan mangato, lah babezo kito dari fi'ia kabau, nan sakandang indak bago nikah, manang-lah kito pado parangai kabau dinagari nan banamo Ranah Manangkabau Adaik manurun syara' mandaki Adaik ba-sisampiang syara' ba-tilanjang Adaik basandi syara' syara' basandi Kitabullah Adaik mangato syara' mamakai Wasalam armansamudra
Get your preferred Email name! Now you can @ymail.com and @rocketmail.com. http://mail.promotions.yahoo.com/newdomains/aa/ --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---