OGOH-OGOH KUCIANG KA NAIK By : Jepe
Nah iko istilah baru lo nan ambo dapek dari kawan ambo nan samo-samo
manjadi parantau mancari iduik dinagari urang, kito sabuik sajo namonyo
Buyuang Palala atau disingkek manjadi BP alias Be Pe, tapi sabalunnyo
ingek BP jadi ingek tukang gedor gawang lawan alias nan batugeh
mancetak gol di Timnas PSSI awak si Bambang Pamungkas nan popular
dipanggia Bepe juo. Tapi wakatu piala AFF Suzuki patang nan dijuarai dek
Vietnam sacaro dramatis, baa kok Bepe ko mandul kini dalam urusan cetak
mancetak gol nan manjadi tugeh utamonyo sebagai ujuang tombak PSSI nan
lah malang malintang salamo ko.
Nampaknyo kemandulan si BP dalam mancetak gol ko paralu kironyo agak
banyak mah mamakan toge, kacang ijau, buah-buahan nan manganduang
vitamin E maningkekan kesuburan atau paralu ndak inyo bakonsultasi jo
Ikang Fauzi nan manjadi bintang iklan On Clinic. Dek mandul si BP baa
lai yo lah susah bana kini Timnas PSSI awak manjadi nan paliang Te O Pe
di kawasan Asia Tenggara.
Kito lupokan lah dulu si BP ujuang tombak tu, ancak ambo bakuhampe lu
maota jo si Bujang Palala nan punyo istilah yo raso-raso pernah ambo
mandanga tapi lah agak lupo-lupo tangguang "Ogoh-ogoh kuciang ka naik"
Jepe
Oi..Yuang Lala (maksudnyo Buyuang Palala..bia lamak sajo mandayu manyapo
konco mbo ko), yo agak lain mbo danga istilah angku tu, galak sengeang
diujuang bibia waden mah dek nyo, cubolah angku jalehkan senek ka ambo
apo tu mukasuik "Ogoh-ogoh kuciang ka naik
Bepe
Jadi bantuak iko lo mah Yuang Jep, waden sabananyo ado niek ka pindah
karajo katampek lain, biaso lah Yuang Jep nan mato ko kadang-kadang yo
condong ka nan rancak, dicaliak laman urang labiah ijau rumpuiknyo dari
laman awak, kok disigi bana tanyato masih ancak ijau laman awak
Jepe
Laman nan mah angku piliah, laman urang juo nan raso-raso kalabiah ijau
rumpuiknyo dek angku
Bepe
Tapi yo tagoda bana waden Yuang Jep jo laman urang lain nan ijau tu,
raso-rasonyo indak lo mangicuah laman tu yo rancak, ado garak ati den ka
pindah kasinan tapi yo itu tadi Yuang Jep baru Ogoh ka Ogoh kuciang ka
naik
Jepe
Baa sabananyo Yuang Lala ogoh kuciang ko..jalehkan senek sajo
Bepe
Cubolah angku paratian Yuang Jep kakobeh kuciang paliharoaan kito katiko
naik ateh rumah, sabananyo ka naik ateh rumah masih sanang juo
bamain-main dilaman jadi bimbang jo ragu kuciang ko naik.,
.bamain., .naik, bamain, dek inyo ndak pandai mangecek tu
maogoh-ogoh sajo marauang dilaman, tiok disuruah masuak pintu kaditutuik
lai inyo ragu juo, tiok disapo inyo baleh maraung-raung manjo.
Kasudahannyo kanai simbek lai..ha..ha..ha, tutuik pintu.
Jepe
Jadi dek kanai simbek ko kuciang tantu manjadi-jadi raungannyo tu Yuang
Lala dilaman rumah
Bepe
La iyo la (iko kecek Tika Project Pop nan diterjemahkan La Iya La dek
Yuang Lala), samakin manjadi raungnyo, nan awak lah ibo lo dek basimbek
inyo tadi mabuak ogoh-kaogoh naik ate rumah tapi ndak jadi, nan kuciang
ko kandak ati e pintu ko tabuka awak mancaliak manjo kainyo dipalapeh se
main dilaman, kandak ati lainnyo kadimasuak ka rumah awak
gendongnyo..bajadi mah kuciang ko manggili ikua e ka badan awak
mambujuaknyo masuak karumah sambia digendong manjo.
Jepe
Ooo..mantun Yuang Lala, jadi angku mabuak ogoh ka ogoh bantuak kuciang
naik ate rumah untuak pindah karajo nan raso-raso ka lamak tampek lain
tu
Bepe
Iyo angku Yuang Jep, mabuak raung ka rauang sajo waden, tampek kini raso
kalamak lah betah waden, nan tampek nan ditawarkan urang tu mabuak nden
raungkan sajo raso-raso kanaik waden ka ateh rumah urang nan manawarkan
karajo ko...yo itu tadi ogoh ka ogoh sajo.
Jepe
Ko bantuak itu, angku Yuang Lala bia ndak maraung ogoh ka ogoh, iyo
paralu bana mah urang nan manawarkan karajo nan labiah lamak ko,
digendong bana angku, baa gak ati
Bepe
Onde Yuang Jep, tatakok bana dek angku mah, ambo ogoh ma ogoh kuciang
naik ate rumah tu sambia marauang dilaman minta paratian bana supayo
ambo digendong, kalau bantuak itu kan jaleh bana rasonyo Yuang Jep kok
iyo laman tu ijau bana alias gaji gadang tu fasilitas lamak lo, tantunyo
waden raso digendong manjo bana bantuak kuciang tu naik ka ateh rumah
Jepe
Mantap mah angku ma "ogoh-ogoh" tu, nan angku tageh bin lincah tu
professional lo karajo dibidang angku, lalu ciek lai salamo ko ambo
paratian karir angku lai maju mah dari pado paruik angku nan lai
data-data sajo. Kok ado urang maago angku karajo tampek nan lamak dari
kini sarancaknyo di ogoh-ogoh bantuak kuciang naik ate rumah, bae sajo
marauang manjo lu, waden yakin dek angku bakualitas, kemampuan angku
ndak paralu diragukan lai urang nan malamar angku bakarajo tampeknyo
muak mancaliak raungan angku, inyo gendong bana lai masuak
Bepe
Ha..ha..batua Yuang Jep..waden tahan gengsi snek lu, bia kuek posisi
tawar menawar waden....
Jepe
Tapi ingek Yuang Lala..kok lai buliah ambo bapasan
Bepe
Apo tu Yuang Jejep
Jepe
Jaan balamo-lamo marauang dilaman tu,,,masuak angin kanai simbek beko,
kok bantuak itu pacah main dek nyo lai tahu angku nan ambo mukasuik
Bepe
Ilang kesempatan ameh ko kan dek balamo-lamo bana batangkok
Jepe
Ah topek bona ma..Yuang Lala...
Pekanbaru, 14 Januari 2009
JEPE
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: [email protected]
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
<<inline: image001.jpg>>
