PARAGEDE UBI
Tibo giliran suku kami
Manyalanggarokan alek
Manjapuk anak daro
Karano marapulai
Barasa dari suku kami
Alek bukan sumbarang alek
Rumah Gadang baralek gadang
Rombongan anak daro
Baundang untuak tigo jamba
Jamba untuak rombongan anak daro
Bukan sumbarang jamba
Jamba istimewa
Tibo di ayam
Dimasak apo sajo
Ayam bapotong ampek
Tibo di dagiang
Salain dendeng
Dagiang dipotong sagadang tinju
Ikan nan di pangek
Ikan nan sapanjang satangah meter
Indak tingga paragede ubi
Paragede ukuran jumbo
Sapiriang isi no duo
Sia nan nio
Menu no apo
Tingga babisiak ka sipangka
Nan mangawankan makan bajamba
Paragede ubi jumbo
Tabuek dari ubi Cingkariang
Mangkon suasana mambuekno ha
( Nan batanyo jo manjawek urang no baganti yoh)
T: Kak Ni, ma ubi nan kadikubak go ?
J: Tu di katidiang, di biliak dapua
Ambiaklah sal
T: Kasadono go kak Ni ?
J: Tanyoanlah ka tek Rapik
Baa jano ?
T: Tek Rapik kami kubaklah ubi gon ?
J: Kubaklah, sakian urang nan ka tibo
Lai cukuk du ubi awak ?
T: Alah cukuk nampakno go
Baa gaek udo ?
J: Taraso di den cukuk du
Kubaklah li
T : Aih takana di den
Banyak sangaik kodak nan dipajang di simpang
Nan rancak banyak
Nan ganteng sambuah
Ado nan tuo
Ado nan mudo
Paniang pulo kapalo
Nan ma nan ka dipiliah beko
J: Di den si anu di den
Ano alim, baradaik pulo
Dari kaluarga tanamo
Sajak dahuluno
T : Sia dikau Sal?
J : Si Adrian senlah di den
Sia tau jadi bintang pilem pulo
Rang kampuang awak
T : Sia nan ka manggoreng kantang go ?
J : Iduk anlah api, bialah awak nan manggoreng
T : Sia nan kamalinyak kantang goreng ?
J : Tanang senlah, salasai di kami du beko
T : Gaek udo, bara banyak bumbu no go ?
J : Agak anlah dulu nak den caliak
T : Sagiko gaek udo ?
J : Banyak mek marica no du, kurangi senek
T : Bawang goreng ja daun suk no alah go ?
J : Alah taraso di den
Kacaukanlah ka ubi nan alah balinyak dun
Rasoi, alah cukuk taraso ?
Tek Rapik, cubolah bumbu jo garamno ha
T : Kunyiang talua alah bamasuakkan cako du ?
J : Alah, alah langkok
T : Bara gadang paragede awak go ?
J ; Alah go sagadang iko ?
Baa gaek udo ? alah go gadangno ?
T : Aih baliak wak ka kodak cako
Kalau nan politikuih dun baa du kiro-kiro ?
J : Di jua no wak biko
Cliak menah nan dulu
Lai takana di no awak gon ?
T : Jadi sia nan ancak nan awak piliah go ?
J : Di den nan cako juolah si Adrian
T : Lai katantu dino caro bakampuang du ?
J : Nantik pulo awak pikia an
Kok ado sanak wak nan jadi bintang pilem
Kan dapek pulo awak agak sagetek du
Kampuang awak bisa lo masuak tipi
He he he
T : Oih alah kuniang no go ?
Gadang bana sorak kalian
Aaa du nan kalian ota an ?
J : He he he he he
Bengkulu, 14 Januari 2009
Hanifah Damanhuri
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: [email protected]
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
