Ass.Wr.Wb. P'JePe!
Ambo,ta-cangang2 mambaco korehan P'Jepe, sambia mangagatok kacang goreang,
mahiruik Cappucinno hangek.
Mbo pandang kalua...., manambuih jendela kaco 3-lapih........tampak turun salju
sa-gadang2 tinju.... jatuah dari langik. Rimbo2 pinus putiah sadoalahnyo,dek
disalimuiki salju, dinginnn........
Intermezzo saketek, karehkan volume amplifire saketek. Tagalak sengngeng,
sambia manikmaiti musik dari saparangkek alat2 audio, satu dari hobbies ambo.
Tasengeng, bukan dek lyrik lagu bahaso Portueguese aliran bossa nova brasileira
siaran radio-digital SwissJazz nonstop 24jam/hari.
Parintang hati kalau sadang karajo, sadang santai, 'mbo danga musik umumnyo
Jazz atau Clasiccal.
Diantaro album ambo, ado juo koleksi FREE JAZZ, untuak mausia mintuo nan indak
ado, mausia klient/kawan nan manggaduah, paliang indak mangajuikkan, anak2 mudo
nan suko musik hiruak pikuak alira co Heavy METAL dll.
Pokoknyo kalau lam ambo puta lagu2 Free Jazz nan stakakatto sarangkek pamusik
m, alun 15 minik, lah bakirok sen tamu2 terhormaik itu.
Baliak ka pangka carito, baa mangko ambo tasengeng..... dek maejo/mangana
baliak tulihan P'JePe, nan mangisahkan sabagian mosaik dari biographie 'liau,
sebagai FAN FANATIK Ciak Uniang ELLY KASIM (Maaf uni Elly, Mul juga fan Uni
Elly lho, sayang lah lama kito ndak basuo, terakhir di Marburg)yang
terkontaminasi Ciak Uniang sacaro lansuang atau indaknyo, dari mande P'JePe.
Nan ambo sengngengkan, bukan alirannyo, tetapi baa mangko bukan lyrik lagu
Tetty Kadi nan berjudulkan "Sepasang Rusa"
Dek P'JePe, sebagai Forester nan profesional,walaupun baitu, tantu/mungkin ado
pengalaman P'JePe manembak/tatembak ruso batino dirimbo, sangajo tak sangajo.
Batanyo ambo P'JePe:"Baa mangko bukan judul lagu "Taluak Bayua" nan primer
takana, bukan sabaliaknyo "Sepasang Ruso, ....kanai tembak batino, lari
jantannyo.....????".
Sapatuiknyo, forester itu ado juo nan sasek,risiko-professi sbg. forester,
biaso.
DiGerman iko ado juo, sasek foresternyo, tatembak batinonyo.......
tantu iyo.............. lari jantannyo.
Wassalam Pak JePe, jujurlah sen lah koo saketek.....ado........ indak. tatembak
ruso batino.....???
Angap sen amboko sabagai Pendeta Katholik, P'JePe sabagai Ummaik Katholik nan
"maakui doso".
Ha ha, sabanta lai, weekend P'JePe, menu siangko tumih kuchai bakinco jo tahu
cream/lunak korea, so'un (mie putiah nan dari umbi kaladi) jo kaldu udang
tomyam Thailand. Sebagai topingnyo, ikan teri nasi medan, jo bawang goreng +
daun bawang + saladri di-irih haluih, samba lado goreang itu wajib.
Bisuak, dagiang jawi mipih goreng lambok, balado sirah. Jo bungo lobak bauuok,
tantu iyo samba blacan medan pandampiangnyo. Akaik mungkin maco picak imitasi
{ancovi gadang laweh tanpa kapalo), goreng masiak, kinco jo lado bakeh kuali
samba tarasi, tantu salapeh baranang jo sauna.
Salamaik weekend, P'JePe.
Muljadi,German
BTW, lagu minang nan ambo suko bana itu, nan saketek Jazzy temponyo"
"usahhhhhhhhhhhhhh.......dikananglah juooooooooooooooooooo......
janjiiiiiiiiiiiiiii kito nan lamoooooooooooooooo....."
Bukan "tatembak ruso batinonyo co P'JePe" P'Jepe.
-------- Original-Nachricht --------
> Datum: Fri, 23 Jan 2009 14:01:49 +0700
> Von: "Jupardi" <[email protected]>
> An: [email protected]
> Betreff: [...@ntau-net] LAGU MINANG KLASIK (Arensemen Ulang Dengan Apik)
> Ass Wr Wb
>
>
>
> Sanak di Palanta RN
>
>
>
> Diantaro babagai diskusi sanak, ijinkan juo ambo bacarito atau malempa
> pandapek saketek ka palanta ko, jadi sahubungan postingan tulisan ambo
> cako "Cinta Mematikan", ambo atau dunsanak lain tantu pado umumnyo
> sangaik suko dan menikmati lagu-lagu minang klasik nan dibuek dek
> seniman berkelas ranah minang dulunyo, lagu dengan kekuatan lirik yang
> dalam nan dibaokan dek Elly Kasim, ambo ndak ka bacarito apo dan
> bagaimana Cik Uniang awak nan lah ba umua 64 Tahun ko, lah banyak
> ditulis dek urang tantang si "Kutilang Emas" dari ranah minangko, kok
> masuak awak ka lapau saiber tinggga ketik/searching Elly Kasim..sambuah
> bana tentang Cik Uniang awak ko
>
>
>
> Bagi ambo nan lah tabiaso talingo jo hati ambo mandanga lagu-lagu Minang
> Klasik nan dibaokan dek Elly Kasim sajak awal tahun 70 an ambo baumua
> sakiro 6 tahun, itu dek pengaruh mande ambo nan penggemar berat Elly
> Kasim, kok lah Elly Kasim banyanyi atau diputa dek RRI Kota Padang yo
> namuah laruik Mande ambo mandangannyo malalui Radio Transistor Philip
> nan kami punyo katiko tu, ibaraiknyo Abak ambo dicuekin mande ambo mah
> kok lah mande ambo ko mandanga lagu Elly Kasim jaman saisuak he..he..he,
> jadi bagi ambo Elly Kasim yo indak ado duonyo penyanyi wanita dari ranah
> minang nan mambaokan lagu-lagu minang klasik nan dalam liriknyo tu..lagu
> itu kok Elly Kasim nan banyanyi iduik "roh dan Jiwa" dari lirik-lirik
> tu, kok putuih cinto..lagunyo..iyo lah raso takana lo awak dulunyo
> putuih cinto...kok kecewa barek anak gadih, ditingga Udanyo nan lah
> bajanji, kok awak danga lagu tu (Tulisan ambo cako), nan ambo yo
> tabayang bana..atau mambayangkan baa bana gadih ko duduak tamanuang di
> taluak bayua tampek inyo malapeh pujaan hatinyo pai marantau, nah
> ditaluak bayua juo inyo mananti....apo nan tajadi "iyo ramuak hati jo
> jantuang" gadih ko..taraso bana ambo "roh dan jiwa" senandung Cik Elok
> ko mambaokan lagu tu...
>
>
>
> Kok nan laki-laki tantu duetnyo nan ambo suko yaitu almarhum Tiar Ramon,
> kok Zalmon..maratok-ratok bana..ibo hati deknyo he..he..he
>
> Kok iduik panuah ratok sajo..energi nan dipancarkannyo cendrung energi
> negative
>
>
>
> Jadi satantang lagu Minang Klasik nan liriknyo sangaik dalam ko, kini ko
> yo lah basemak peak sajo kok ambo danga, lah kanai kupak bana
>
> ambo mandanga lagu2 ko di oto siti, bis kota padang jo irama house musik
> atau musik tekno..bahonjak-honjak..oye..oye..oye..all right..its time
> disco baby..co itu arensemen gaya baru nan indak bakantatuan di kupak
> dek urang lagu2 ko..maaf kok ambo sabuikan panyanyinyo Wisye Prana Dewi,
> ambo dek tahu katiko mambali kaset Elly Kasim jo Tiar Ramon di Blok A
> Pasa Raya..ado kaset si Wisye ko..jo lagu2 Minang Klasik nan diaransemen
> gaya musik house/tekno tu
>
>
>
> Cubolah sanak bayangkan nan lagu ko Kabau Padati ciptaaan Syahrun Tarun
> Yusuf atau nan dikenal namo singkatan Satayu, lagu ko mancaritokan
> parasaian urang awak marantau nan nasib alun juo bapihak, dikampuang
> maelo bajak, pai marantau maelo padati, indak batuka baruak jo cigak,
> iduak ndak lapeh kanai lacuik..iyo saban ibo ati kok bantuak iko nasib
> kito, ambo ingek kalimat dari Mak Ngah nan ampia samo makna jo lagu ko
> "BAJU LAH BAREK DEK PANUMBOK" ..pai marantau. Nah lagu ko dikupak jo
> musik geleng-gelleang gedek nan balonjak-lonjok tu..tantu ilang makna
> dan roh dari lirik lagu Satayu ko...
>
>
>
> Kok..ka ba house..haouse atau ba tekno-tekno juo lagu Minang ko dibaok
> untuak tujuan mancari kepeang (bukan seni), aposalahnyo dibuek sajo lagu
> minang baru, bukan mangupak-ngupak lagu Minang klasik ko,
>
>
>
> dari uraian ambo diateh alangkah rancaknyo lagu Minang klasik ko
> diaransemen ulang musiknyo dengan apik nan rancak, bantuak Erwin Gutawa
> begitu hebat dan rancaknyo ba aransemen ulang lagu Koes Plus dalam album
> Salute to Koes Plus, penyanyi nan mambaokannyo berkelas bantuak Ruth
> Sahanya, fadli Padi, Duta Sheila on 7 dll.
>
>
>
> Baa Pak Nof, Pak Saaf dan sanak lainnyo nan punyo hubungan dan jaringan
> di Jakarta baik jo seniman Minang (Cik Uniang) maupun jo pengusaha atau
> saudagar Minang nan sukses di rantau sarupo Bapak Rainal, kito ajak bana
> duduak barundiang Erwin Gutawa untuak maarensemen lagu Minang Klasik
> awak ko mumpuang Cik Uniang awak masih ado, dibicarakan bana baik dari
> konsep seni maupun dari segi komersilnyo, dibuek konser dikeluarkan
> albunnyo bantuak rwin Gutawa maaransmen lagu Koes Plus tu.
>
>
>
> Lagu-lagu minang klasik nan kuek jo lirik ko..disampiang iramanyo
> berseni, familiar jo talingo urang awak bahkan suku lain, tantu kok
> diarensemen ulang samakin bernilai seni tinggi. dari pado mabuak kanai
> kupak sajo lagu klasik ko jo musik nan batele-tele tu.
>
>
>
> Itu sajo wacana nan ambo angkek di Palanta Rantau net ko, talabiah ta
> kurang ambo minta Maaf
>
>
>
> Wass-Jepe
>
> (Pku, 43)
--
NUR NOCH BIS 31.01.! GMX FreeDSL - Telefonanschluss + DSL
für nur 16,37 EURO/mtl.!* http://dsl.gmx.de/?ac=OM.AD.PD003K11308T4569a
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: [email protected]
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
