Waalaikumsallam Wr Wb ..Herr Muljadi di Germany Mambaco postingan Pak Mul..ndak do lai..galak2 sengeng lo ambo dirumah..ha iyolo mah ambo sadang minum capucino pulo dirumah kini jadi ingek Joke Pak Mul..Kopi Kirg Doughlas..alias Kopi duo Galeh..oh..yo kopi "Starbuck" spesial ambo lah ditarimo ambo kirim jo kapa dari sungai siak ka pelabuhan Hannover tu...lai ado di kafe2 Jerman nan mantereng tu Pak Mul.....pasti adolah yo..ha..ha..ha
Satatntang musik Jazz..ambo yo suko juo tapi nan easy listening..sarupo Al Jerrau dan Goerge Benson Kok lagu Jazzy Minang nan Pak Mul mukasuik dibawah ko..iko lagu Sofyan Yuned kalau ndak salah jo Group Bandnyo Lime Stones Aha..okelah ambo ka mangaku ka Pak Mul Sebagai Forester..nan acok masuak Rimbo..Insya Allah ambo lai indak manembak "Ruso Batino" tu do kok dapek ruso nan sabana ruso..iyo lai pernah ambo mah katiko jadi Camp Manager di Hutan Pangkalai Kasai-Belilas Riau (Perbatasan Riau-Jambi )...tahun 1997..dijarek dek panduduak katiko tu..tu ambo bali saikua Rp 60.000,- nan dagiang padeknyo ambo sayat tipih2 jo dendeng ambo bumbui jo merica dan katumba plus bawang putiah lalu ambo buek dagiang asap..dari Magrib sampai subuah maasok dagiang ruso ko di Camp..baok pulang di goreng dek "Ruso Batino" ambo nan setia di rumah..mudah2an Insya Allah ambo "Ruso Jantan" Forester..setia lo ka inyo..Amin Lamak bananyo Pak Mul...dagiang asok ruso ambo ko..lakek tangan ambo bana mambuek dagiang ruso asap ko.. Ikolah..seni bakarajo jadi Forester..kadang2 ambo mamanciang di sungai banyak dapek Ikan Bauang..ndak ado lai salasai lo di camp ambo buek ikan asok atau dikenal jo ikan salai, tibo di rumah digulai padeh jo pucuak ubi dek "ruso batino" ambo rasonyo Pak Mul..uedaannnnn tenan...szeeeerooohhhh..bana...lekker kecek Ajo Suryadi di Balando nan sadang di Padang kini Lah Pak Mul lah maratok ambo tu dibiliak pangakuan...lai tadanga dek Pak Mul tu (iko bagarah sajo kan Pak Mul..diakhir pakan) Salamaik akhir Pakan Pak Mul..dikedingan benua biru..nan suhunyo sadang Drop bana kecek kawan ambo nan diplomat di Jerman (Berlin) sampai suhu ko dilua minus 20 derajat keceknyo..iyo tu Pak Mul...di ambun pagi sajo pagi 14 Derajat..lah manggia ambo, yo ndak bisa ambo mambayangkan suhu sampai minus 20 derajat di Jerman tu..mudah2an Pak Mul lai sehat2 sajo jo keluarga disinan..kecek kawan ambo..kok ndak tahan jo suhu bantuak iko, bisa kalua darah dihiduang (Mimisan) Samba Pak Mul akhir pekan yo terencana bana mah...ambo pikia pak Mul seorang nan suko jo seni kuliner juo Oke Pak Mul..jaan lupo KAFEE KIRG DOUGHLAS..he..he Wass-Jepe (44, Pku) ________________________________ Dari: Muljadi Ali Basjah <[email protected]> Kepada: [email protected] Terkirim: Jumat, 23 Januari, 2009 18:58:47 Topik: [...@ntau-net] Re: LAGU MINANG KLASIK (Arensemen Ulang Dengan Apik) Ass.Wr.Wb. P'JePe! Ambo,ta-cangang2 mambaco korehan P'Jepe, sambia mangagatok kacang goreang, mahiruik Cappucinno hangek. Mbo pandang kalua...., manambuih jendela kaco 3-lapih........tampak turun salju sa-gadang2 tinju.... jatuah dari langik. Rimbo2 pinus putiah sadoalahnyo,dek disalimuiki salju, dinginnn........ Intermezzo saketek, karehkan volume amplifire saketek. Tagalak sengngeng, sambia manikmaiti musik dari saparangkek alat2 audio, satu dari hobbies ambo. Tasengeng, bukan dek lyrik lagu bahaso Portueguese aliran bossa nova brasileira siaran radio-digital SwissJazz nonstop 24jam/hari. Parintang hati kalau sadang karajo, sadang santai, 'mbo danga musik umumnyo Jazz atau Clasiccal. Diantaro album ambo, ado juo koleksi FREE JAZZ, untuak mausia mintuo nan indak ado, mausia klient/kawan nan manggaduah, paliang indak mangajuikkan, anak2 mudo nan suko musik hiruak pikuak alira co Heavy METAL dll. Pokoknyo kalau lam ambo puta lagu2 Free Jazz nan stakakatto sarangkek pamusik m, alun 15 minik, lah bakirok sen tamu2 terhormaik itu. Baliak ka pangka carito, baa mangko ambo tasengeng..... dek maejo/mangana baliak tulihan P'JePe, nan mangisahkan sabagian mosaik dari biographie 'liau, sebagai FAN FANATIK Ciak Uniang ELLY KASIM (Maaf uni Elly, Mul juga fan Uni Elly lho, sayang lah lama kito ndak basuo, terakhir di Marburg)yang terkontaminasi Ciak Uniang sacaro lansuang atau indaknyo, dari mande P'JePe. Nan ambo sengngengkan, bukan alirannyo, tetapi baa mangko bukan lyrik lagu Tetty Kadi nan berjudulkan "Sepasang Rusa" Dek P'JePe, sebagai Forester nan profesional,walaupun baitu, tantu/mungkin ado pengalaman P'JePe manembak/tatembak ruso batino dirimbo, sangajo tak sangajo. Batanyo ambo P'JePe:"Baa mangko bukan judul lagu "Taluak Bayua" nan primer takana, bukan sabaliaknyo "Sepasang Ruso, ....kanai tembak batino, lari jantannyo.....????". Sapatuiknyo, forester itu ado juo nan sasek,risiko-professi sbg. forester, biaso. DiGerman iko ado juo, sasek foresternyo, tatembak batinonyo....... tantu iyo.............. lari jantannyo. Wassalam Pak JePe, jujurlah sen lah koo saketek.....ado........ indak. tatembak ruso batino.....??? Angap sen amboko sabagai Pendeta Katholik, P'JePe sabagai Ummaik Katholik nan "maakui doso". Ha ha, sabanta lai, weekend P'JePe, menu siangko tumih kuchai bakinco jo tahu cream/lunak korea, so'un (mie putiah nan dari umbi kaladi) jo kaldu udang tomyam Thailand. Sebagai topingnyo, ikan teri nasi medan, jo bawang goreng + daun bawang + saladri di-irih haluih, samba lado goreang itu wajib. Bisuak, dagiang jawi mipih goreng lambok, balado sirah. Jo bungo lobak bauuok, tantu iyo samba blacan medan pandampiangnyo. Akaik mungkin maco picak imitasi {ancovi gadang laweh tanpa kapalo), goreng masiak, kinco jo lado bakeh kuali samba tarasi, tantu salapeh baranang jo sauna. Salamaik weekend, P'JePe. Muljadi,German BTW, lagu minang nan ambo suko bana itu, nan saketek Jazzy temponyo" "usahhhhhhhhhhhhhh.......dikananglah juooooooooooooooooooo...... janjiiiiiiiiiiiiiii kito nan lamoooooooooooooooo....." Bukan "tatembak ruso batinonyo co P'JePe" P'Jepe. -------- Original-Nachricht -------- > Datum: Fri, 23 Jan 2009 14:01:49 +0700 > Von: "Jupardi" <[email protected]> > An: [email protected] > Betreff: [...@ntau-net] LAGU MINANG KLASIK (Arensemen Ulang Dengan Apik) > Berselancar lebih cepat dan lebih cerdas dengan Firefox 3 http://downloads.yahoo.com/id/firefox/ --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
