Panah ambo mangumbara anam minggu di Meksiko, 1986. Tigo minggu ambo ambiak kurusuih kilek intensif Caro Sipanyol di Guernavaca. Sudah duo minggu kurusuih, ambo cuti sikola saminggu untuak mamaparaktekkan Caro Sipanyol tu, sudah tu baliak saminggu lai untuak manaruihkannyo.
Dalam pajalanan ambo naiak bus dari Mexico City ka Oaxaca (9 jam pajalanan bus) ambo mangalami "tasasak bacudik'an" ko. Wakatu barangkek dari Mexico City nan ambo ingin tahu dahulu ado WC di Bus tu atau indak. Tampaknyo lai, sananglah hati. Ambo duduak di muko sabalah supir. Lah duo jam bajalan taraso ketel panuah. Ambo caliak ka bulakang, WCnyo bakunci. Ambo baliak ka tampek duduak di muko, tahan-tahan saketek, mudah-mudahan oto ko baranti di stoplat nan mungkin dilalui. Tapi oto ko indak baranti-baranti juo. Paluah kalua, Meksiko nagari angek lo, ketel rasonyo raso ka malatuih! Dalam kurusuih duo minggu tu, ruponyo lupo mamparajai baa mananyokan ka pai karaia. Hilanglah aka. Sudah tu ambo tagak, ambo agiah signal ka MakSupir sambia mangecek Sipanyol babuek-buek: "Senior, Emergencia, Por Vapor!" sambia tangan kida mauruik-uruik kaniang nan bapaluah, tangan suok manunjuak-nunjuak ka pisak sarawa... :) Sopir maklum, inyo maangguak-angguak elok-elok, ambo aratikan "Jadih, sabanta lai lah!" Alah agak sabanta-duopbanta, di tampek nan agak langang, tapi lapangan tabukak, baranti lah bis ko. Pintu dibukakkannyo. Ambo tanyo "Adonde?", dima? Inyo signal sambia mainguahan iduangnyo kateh, ambo tarjumahkan dalam hati, "Pai se lah kalua, kok dima-dimanyo!". Jadi ambo ka lua, pai ka bulakang bus, bapatiak tagak sajo. Tapi apo nan tajadi? Labiah saparo dari panumpang ruponyo mangikuti ambo ka lua, baiak laki-laki, ataupun padusi. Nan padusi, maronggoh tabirik-birik dima tampek nan ka dapek. Nan laki-laki mancudia' dima sajo, indak tahu mungkin arah kiblat bagai. Tapi nan populer rami iyo lah Ban Oto nan marasai kanai kacureh! ... :) Salam, --MakNgah Sjamsir Sjarif --- In [email protected], jupardi andi <jupardi...@...> wrote: > > Jadi masalah WC ko sanak Suryadi..ingek lo ambo dirimbo..teka teki kawan..inyo batanyo ka ambo nan ma muko balakang batang kayu nan gadang-gadang tagak di rimbo tu..yo agak paniang lo ambo manjaweknyo..dicaliak muko pohon ko raso itu nan dibalakang baitu sabaliknyo > kasudahannyo dek kawan ambo dijawek atau diambiak kesimpulan maa muko batang kayu..ko..ma balakang batang kayu > > Balakang batang kayu..depend on situation..maksud inyo > kok tasasak bacudik'an (istilah sanak)..ba tembakan bantuak ka ban oto tu..nah itulah balakang pohon tu > jadi intinyo..balakang pohon ko..bisa barubah2..satiok saat ..dima bacdik'an disinan lah balakangny > > Wass-Jepe > Lagi di luar kota > > ________________________________ > Dari: Lies Suryadi <niadil...@...> > Kepada: [email protected] > Terkirim: Selasa, 3 Februari, 2009 23:28:12 > Topik: Balasan: [...@ntau-net] Re: Apo Sabananyo nan Salah di Kito ? > > > > He he Pak Saaf, soal baun WC ko takajuik ambo kapatang > wakatu di Depok. Ambo naiak taksi sambuang angkot dari > kota sampai ka Depok...Akhirnyo tapasah ambo ka > Terminal Bus/Angkot Depok. Wah....ruponyo baun > pesing/kajamban bajadi2 di situ... Ruponyo nan ma nan > tasasak bacudik'an sajo di ban bus/angkot nan > tagak.Alah bagalimang sadonyo...Ambo kiro itu "WC" > tagadang mah di Jakarta.... > > > Salam, > Suryadi > --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
