Maa Angku Epy Buchari St. Bandaro sarato Rang Lapau nan Basamo, Usaho Angku Epy Buchari dalam topik ko rancak ditaruihkan untuak mangana kelumit sejarah di nagari awak. Ambo alah marancah 2 km Bekas Jalan Koretapi ko di rimbo di tapi Batang Kuantan di Durian Gadang dakek Silukah. Ambo alah sampai pulo ka Loge nan istilahnyo dengan carito-carito tragis labiah takana dalam Tradisi Oral di Kampuang Awak. Banyak carito-carito sadiah masih hiduik takana dek urang misalnya di sekitar Sumpur Kudus nan ambo danga pado akhir tahun 1950han.
Perkenalan ambo jo istilah "Loge" muloi tahun 1944 (ambo baumua 9 tahun) wakatu tu sato mancalaiak arak-arakan di Jalan Batang Katiak - Biaro jo talempong maanta urang ka pai ka Loge. Walaupun diarak-arak jo talempong, tapi tabayang diambo kini, bunyi ta;embp0ong sangat manyadiahkan, wajah-wajah sedih dan pilu taraso bana. Baa ka indak, satiok urang kampuang nan pai ka Loge dibawo Japang wakatu itu indak ado nan babaliak pulang... Istilah "Loge" lah malakok di perbendaharaan kato Awak, antaro lain, "Kanai Loge" (kanai ota, kanai tipu dayo, "Maloge" maota ongong-kosong, "Lah pai ka Loge", hilang indak tahu rimbonyo... Buku partamu nan ambo baco tahun 1946 "Ke Logas Menjadi Budak" masih manjadi angan-angan baa paiknyo penderitaan Romusha wakatu itu. Sayangnyo buku ketek nan ditabikkan di Bukittinggi tu indak panah ado lai basuo. Kok dapek dicari rancak bana. Salah satu buku nan agak baru nan paralu Angku caliak iyolah "And the War is Over" 1986, terjemahan dari titel aslinyo "Dan Perang pun Usai" karangan Ismail Marahimin. Selamat untuak usaho angku di website tu. Salam, --MakNgah Sjamsir Sjarif --- In [email protected], bandarost <epybuch...@...> wrote: > > > Assalamu'alaikumWrWb, > > Dunsanak sa Palanta, > > Ambo bulan-bulan terakhir ko mancubo mangumpuakan jo mangkompilasi > data dan informasi manyangkuik jalan KA nan dibuek di zaman Japang > antaro Muaro-Pekanbaru nan manggunokan tanago romusha jo tawanan > parang Sekutu (POW). Tulisan ko cukuik panjang tadiri dari 6 bagian, > jadi indak bisa do ambo uraikan di siko. > Peristiwa bersejarah nan merupokan bagian dari sejarah Indonesia yang > lokasi kejadiannyo di Sumbar dan Riau dipakirokan mamakan korban > sekitar 2500 urang POW dan 80.000 urang romusha (angko ko agak babeda > antaro satu informasi jo informasi lainnyo. Sepengetahuan ambo iko > adalah jumlah korban nyawa terbesar nan pernah terjadi di Sumbar & > Riau dibandiangkan jo peristiwa apopun nan lain. > Ironisnyo peristiwa bersejarah ko indak banyak diketahui masyarakat di > ranah Minang, Riau ataupun Indonesia, tapi justru dibuekkan monumennyo > di Inggris dan Nagari Balando. > Malalui tulisan ko ambo ingin mangajak pemerintah daerah Sumbar, DPRD, > dan anggota masyarakat untuak mulai mambaliak-baliak kembali sejarah > lamo ko dan mulai manantukan sikap dan tindakan yang tepat untuk > mangenang para korban nan tewas sacaro lambek dan sangat menderita ko, > untuk manunjuakkan adonyo awaerness awak terhadap pangorbanan mereka > nan terkesan sio-sio. > Untuak itu ambo arokkan bantuan dari dunsanak di RN untuk > mengembangkan labiah lanjut langkah awal ko yang bersifat amatir ko > manjadi penelusuran sejarah yang labiah profesional. > Untuak nan berminat silahkan singgah di http://kadaikopi.carpediem123.com. > > Tarimo kasih, maaf, dan wassalam, > > Epy Buchari (L,65-Ciputat Timur) --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
