Mancaliak sakileh, duobarih indak baspasi: > Nofend > Ayahnyo "Dara Jingga" ambo sangko Angku Nofend lah punyo anak gadih banamo Dara Jingga :)
Rancak pilihan carito nan dikatangahkan, tagalak-galak bakun Nyiak Sunguik mambaconyo manjalang subuah ... Kok adaptasi manyabuik namo ko indak di lidah Urang Awak sajo doh. Katu ambo baraja Bahaso Arab sari, Guru ambo Urang Arab mankleim nan Shakespeare ko sabananyo Urang Arab, namonyo "Sheikh Zubir" keceknyo. Takana pulo di ambo Urang Eropah manyabuik Ibnu Sina manajadi Avecina. Kok namo-namo manuruik bantuak atau ciri-ciri badan, dalam Carito Cindua Mato pun ando Panyamun di Bukik Tambun Tulang nan banamo Datuak Salah Cangkuang, nan tinggi duduak pado tagak... Walaupun "Datuak" adolah gala terhormat, namun dalam masyarakat bawah tanah banyak pulo dibari macam-macam ajektif nan lucu-lucu atau nan ukan-ukan, baik manuruik bantuak badan atau manurui kacobeh. Banyak namo-namo nan digiah rancak dek ayahbundonyo, tapi diantro kawan-kawan sapamainan diubah sasuai jo lidah mareka. Kawan ambo maso ketek banamo Zulkarnaini, tapi kawan-kawan maimbauannyo Karanai, sadangkan nan di bawah umuanyo maimbauannyo Tan Karanai. Baitu juo Harmaini manjadi Ramai atau Si Ramai. Ado ciek lai, Urang Awak (atau Melayu, Indonesia umumnyo) indak pandai manyabuik kato nan punyo satu sukukato (syllable). Jadi namo-namo "baru" saroman Ros (diambiak dari bungo ros atau mawar) dan Des (diambiak dari Desember) sarik manayabuinyo. Ros bavariasi manjadi Roih (Ro-ih), I-roih, Si-roih, Ci-oih. Sadangkan Des manjadi Ides, Ideh, atau Dedeh nan maulang suku kato nan umum di Sunda, misanyo Is manjadi I-Is, Ri manjadi Ri-ri. Anak adiak ambo di Kampuang diagiah namo Boy, tapi kawan-kawannyo maimbauan Boboi, lah gadang dipaluruihnyo namonyo mandjadi Mat Boboi. Sadangkan ayahnyo Rivai Sjarif, adiak ambo, acok ambo imbaukan pendek satukato "Riv" tapi di murik-muriknyo di SMA baimbauan Pak Arif... Kalau maagiah "o" dibulakang namo, ambo kagum jo Pak Hasjim Jalal, kawan ambo dari Ampek Angkek. Dalam lingkungan keluarga, anak-anak baliau ado nan dipanggiakan "Dano", "Nino", dan "Dino". Di Ampek Angkek, saroman kabanyakan Urang Agam Tuo, kami mangecek ba"ano-ano" (untuak possessive pronoun). Jadi, dalam panggilan dalam keluarga baliau tu, sabanno Dano tu kapendekan dari Udano, Nino kapendekan dari Unino, dan Dino kapendekan dari Adino (Adiakno). Kok tabaco postiang ko dek Pak Hasjim atau anak baliau Dinopati Djalal tantu lah tagalak sengeng pulo baliau dari jauah karano iko carito alun panah tabatiak di tampek umum sabalunnyo, premiere di Lapau ko ... Salam, --MakNgah Sjamsir Sjarif www.usindo.net/hambo --- In rantau...@yahoogroups.com, "Nofend Marola" <nof...@...> wrote: > > Dek ado nan batannyo pakaro/carito Cindua Mato nan di tanggapi dek Kanda > Suryadi, sampai tasasek pulo ambo ka rumah si Edri (ES. ITO), Dan Brownnya > Indonesia/Minangkabau dengan karya Negara Kelima sama Rahasia Meede. > > Tasalek ka sebuah Karya ITO nan bajudul "Cindua Mato dan Shakespeare-isme > Orang Minangkabau" seperti nan ambo kopi dibawah ko, bagus... > Ambo lewaik iko juo, dan mungkin si Sutan Mangkudun nan dimakasuik duduak di > Palanta. > > Apo iyo pa Darah Tinggi Sutan?? Kurangilah makan dagiang, apolai dagiang > kambiang... > > Heheheheee.. > > Nofend > Ayahnyo "Dara Jingga" > ================ > > by e.s. ito ~ January 17th, 2009 > > Ini bukanlah tulisan serius yang bisa dijadikan acuan karya tulis ilmiah. > Jangan pula berharap tulisan ini bisa dijadikan acuan data pemilih oleh > lembaga survei politik yang serakah. Ini hanyalah tulisan yang berawal dari > kegundahan adik sumando saya Sutan Mangkudun pada saat mempersiapkan nama > untuk calon bayi yang masih bersembunyi di kelambu perut ibunya. Seandainya ... ..............[bakuduang - bukan bajilbab]......... --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---