DYEK BK 12 lah masuak, iko tantu tantang Pendidikan di Nagari awak, nan memang mambuek urang gaek kalinpasiang ko lah tibo tahun ajaran barjaan kan Univ , untuak sakolah S3 sajo (SD, SMP dan SMA)..ndak tangguang lo biaya nan harus disiapkan dek masyarakat badarai..alun lai baa kecek si BK "Uang Pantik"
Kito2 baharok ditahun 2009 kaateh mudah2an biaya pendidikan samakin murah tarutamo di S3, sahinggo..urang macam si Upiak Leba ko indak banyak bamanuang sadiah lai mamikiakan biaya sakolah. Ambo yo laruik jo maso lalu..batua bana DYEK, ibaraiknyo dulu.."Maha lo pituluik dari biaya sakolah"..mmm..sebuah metafora yang sangat pas.. Dulu urang gaek kito..laloknyo..lamak..bakaruah tiok malam..indak ado manggigau..bamimpi buruak tangah malam dek kalimpasiang mamikia biaya sakolah, karajonyo indak batunggang tunggik kasinan kamari mangureh kepeang untuak sakolah, pai karajo kaki tatap dikaki, kapalo tatap dikapalo Urang Tuo kini, Lalok acok manggiggau jo bamimpi buruak dek mahanyo biaya pendidikan, karajo tunggang tunggik mangurehkan cari kepeang,nan kaki ka kapalo nan kapalo kakaki..dek basitungkin mancari kepeang untuak biaya sakolah nan maha kini ko Aha si BK S Ampek yo..ndak baa tu do bilo2 jampang lah jadi urang santiang, hebat dan Te o Pe di Pasa Tu,... ndak ka lamo2 bagai do di nagari tu.urang .maagiah gala Dr. HC (Doctor Head of Cowboy =)) Wass-Jepe ________________________________ Dari: Dedy Yusmen <[email protected]> Kepada: [email protected] Terkirim: Kamis, 12 Februari, 2009 07:24:56 Topik: [...@ntau-net] BK (12) : Malaok Tabaok BK (12) : Malaok Tabaok Acok malah jalan ka baruah, ma tau kok tantu nan ka diaru, urang malaok, awak tabaok. Caliak malah sanak tak sudah, bajalan nak ka naiak kok di lendo urang ka baruah, di bae jalan babelok kok indak namuah urang maagiah lalu, dibao pulo bajalan turun awak yo nan dari bawah, bilo pulo ka batambah corak. Co mantun bana tapikia di Upiak Leba, anak surang si Upiak Banun nan jolong gadang manih nampak di urang, mato bulek co limau kalek, ba-alih manggulepa co ulek bulu babarih rapek.. Rambuik panjang itam , tinggi iyo sadang, sadang kaateh atau sadang ka bawah lah ko rangan, nan pantiang ati sanang, maklum anak surang tungga loyang. Sambia ba-pikia-an dalam malinteh liwaik si Buyuang Koboy Buyuang Koboy Oi Piak baa mamanuang co Sipatuang Upiak Leba Oi Tuan...iyo sabana tarang tampak muko co kulik alang, kama.. Tuan Buyuang Koboy Ibaik pulo Kau mambaleh kato kini yo. Co iko no go ah. Baa Kau Piak, baa nan taraso, banyak manuang nan tampak Upiak Leba Itu lah Tuan, tapikia barek di Ambo, paja sadang ka jolong gadang, sakolah sadang paralu mangko ka tapampang, pangana lai namuah dibaok kancang, tapi ko nan ’pa-irik’ nyo iyo lah kurang. Tuan tau kini, bara lah pitih kalua untuak sikola, indak bisa sarimih duo rimih doh, indak ado nan perai, bali pituluik iyo lai murah , ongkoih sikola mangko nan maha. SPP yo ndak ado, tapi pitih kursus lah, arus ikuik pulo tu mah, uang bangunan lah, macam-macam men. Dulu jaman awak maha pulo bali pituluik dari bayia sikola. Buyuang Koboy Paja nan ma Piak, bilo Kau punyo anak, balaki men alun lai.. Upiak Leba Tuan...palupo mah, si Upiak Banun anak Tek Kai tu’ah, kan jo Ambo kini Tuan, dek alah taniaik Ambo ikuik mambantu manyakolahkannyo. Utak si Banun ko lai namuah tapi itulah panaruihan sakola nan indak ado di gaeknyo. Ambo baok ka pasa ko subaliah bisa Ambo sikolahkan, tapi co iko pulo lah kajadiannyo. Buyuang Koboy Indak usah pusiang lah kau Piak. Banyak urang nan sakola sampai sarjana, master, doto, ’S tigo’ kicek urang, a li tu ’ha.. dapek propesor ge nyo, tapi parangai nyo indak jauah co awak nan urang pasa ko gai doh. Uaden sampai ’S Ampek’ aniang-aniang senyo, nan pantiang Uaden ndak pernah manyusahkan urang banyak Upiak Leba Manyusahkan baa Tuan urang sikola tu.. Buyuang Koboy Liek di Kau Piak, Kapalo Pasa ko sikola tinggi. Wakia pasa ko, sikola tinggi. Mak Pati , Guru si Upiak Banun tu, dokterandes nyo, banyak dokternyo tumah, tinggi juo sakolanyo tu. Urang-urang tu manyusahkan se karajonyo, mintak iko-itulah, suruah itulah, pai ka sikola mukasuik ka mancalaiak anak baa rapor sakolanya, kanai gesek untuak pelok-an atok sakola pulo wak. Pai ka kantua pasa, kurang pitih sangenek, pamelok-an banda kicek Pak Kupalo, kanai pantik men sadonyo, kama pai kama marasai, co kanai palak di tangah labuah Uaden taraso Upiak Leba Kalau itu kan lah wajib di Tuan nyo itu, kalau ka perai se sadonyo di rumah men lah Tuan bakaruah. Buyuang Koboy Kan lah jaleh di Kau tu Piak, kalau ka perai lo kau sakola tu, ajaan-lah surang anak Kau tu di rumah Upiak Leba Baitu bana Tuan.. Buyuang Koboy Co itu lah di kau Piak. Batua indak ado nan perai kini doh, biakan se-lah anyo ka badoso-nyo, nan pantiang usahokan anak Kau tu sakola lanjuik, sakola bukan untuak anyo ebaik mancari Iduik, tapi sakola supayo nyo tau a sabana nan Hiduik Upiak Leba Oi ebaik Tuan, co urang makan sakola nampak, jadi a tadi nan’ S Ampek’ tu Tuan Buyuang Koboy Sakola Sampai SD Sajo Upiak Leba Oi ...Alai.. DYEK Jakarta, 120209 Mulai chatting dengan teman di Yahoo! Pingbox baru sekarang!! Membuat tempat chat pribadi di blog Anda sekarang sangatlah mudah. http://id.messenger.yahoo.com/pingbox/ --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
