Assalaamu'alaikum wa rahmatullahi wa barakaatuhu Satantangan Hantu Bulau. Salain dari jinih hantu nan bakasta tinggi sarupo nan dikecek-an angku Taufiq, agak-agakno golongan hantu nan ciek adolah nan capek tangan. Acok ambo mandanga saisuak katiko urang 'manyumpah', "...nan ka dicakiak hantu bulau juo lah no, indak pasai-pasai no manyeso den.." Jadi tamasuak kaahlian hantu nan ciek ko adolah mancakiak (tantu jo tangan). Sudah itu ado pulo ciek lai kapandaianno, mamiciak. Mamiciak ko tantu jo tangan juo. "Dia go mangko abih kulabu jangek gau? Dipiciak hantu bulau?" jano urang batanyo katiko mancaliak anak gadih atau sia sajo kulabu-kulabu jangek no. Nan biasono kulabu-kulabu ko buliah jadi juo dek talakak, tarantuak katiko lalok.
Nan hantu aru-aru spesialisasino iyo ma aru biru. Mambuek urang lupo jo dirino, konon. Carito urang dilarian hantu aru-aru ko ambo danga lo katiko ambo pai maraun dari Medan manuju ka Parapat, lalu dakek Gunuang Sinabuang. Bacaritolah pamandu kami nan bahaso puncak gunuang Sinabuang ko sati, dihuni dek urang bunian. Alah banyak urang nan hilang indak babakeh di gunuang tu, jano. Baa jano agamo awak pakaro hantu-hantu tamasuak hantu aru-aru ko? Di dalam al Quran dicaritoan kabaradoan mukaluak Allah nan banamo Jin. Jin jo manusia ko diciptakan Allah untuak manyambah kapado Allah. Jin ado dan panah baurusan jo nabi-nabi (sarupo nabi Sulaiman). Di dalam al Quran ado ciek surek (surek ka 72 banamo surek Jin). Di antaro ayat-ayat dalam surek tu disampaikan Allah bahaso iyo ado manusia nan bakawan jo Jin. Namun pitaruah Nabi SAW, malarang awak untuak bakawan jo jin ko, sabab rugi awak, ano batubuah haluih, awak batubuah kasa. Jin nan kapia, dek no bakawan jo setan iyo katuju bana lo dino manggaduah urang-urang nan amuah digaduah. Urang-urang nan mudah picayo sudah itu biko digiriangno untuak sasek. Bahaso ado urang nan dilarian mukaluak, nan antah ka awak sabuik hantu aru-aru atau apo sajo ka ateh batang dadok, memang bisa sajo tajadi. Kan iyo manakuik kaji du? Mako ka awak diajaan pulo di al Quran supayo minta palindungan kapado Allah, nan adolah Rabb dari alam gadang / rayoko. Minta palinduangan dari kajaek-an mukaluak ciptaan No. Dari kajaek-an nan dikarajoan di wakatu malam. Dari kajaek-an tukang sihia. Dari kajaek-an urang nan hasad jo dangki. Minta palinduangan ka Allah nan adolah Rabb dari manusia. Rajo dari manusia. Tuhan dari manusia. Dari aru biru nan manjadian awak salalu ba ueh-ueh (was-was) dek ulah parangai manusia. Nan babisiak masuak ka dalam hati manusia. Dek parangai golongan jin jo manusia. Ikolah duo surek pendek tarakhir dalam al Quran. Kadang-kadang jin ko bakarajo sacaro kasa. Kadang-kadang jo caro aluih. Pokokno dima kajino nan ka lalu. Sakitu pulo dulu katambahno. Biko disambuang pulo/ Wassalamu'alaikum M.D.Saib St. Lembang Alam Asal: Koto Tuo - Balai Gurah - Bukit Tinggi 58 th / Jatibening - Bekasi On Sat, Feb 21, 2009 at 9:26 AM, Rasyid, Taufiq (taufiqr) < [email protected]> wrote: > > > Bialah sakali komen sajo dek ambo soal bulau jo Aru dan Ganiah ko... > > > "Hantu Bulau" Mungkin aktualisasi untuak hantu/makhluk menakutkan dan > punya power luar biasa yang merupakan kasta tertinggi. > > > > > > --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
