________________________________ Dari: "Rasyid, Taufiq (taufiqr)" <[email protected]> Kepada: "Rasyid, Taufiq (taufiqr)" <[email protected]>; [email protected] Terkirim: Jumat, 20 Februari, 2009 14:47:37 Topik: [...@ntau-net] Re: Kopi Sicincin- BU LA U- Baju marekan Mak Ngah , Soal kopi ko salain kopi Sicincin, nan tampak lah diusahokan agak modern dan punyo kemasan nan agak mantap adolah kopi dari Tanjuang Alam Tabek Patah- Batusangka. Tapi nan diusahokan sacaro tradisionil dan acok dibali kakak ambo kok ka Kiktenggi adolah nan dirandang rang Koto Baru- Salo ( Dihilia Surau Labuah- Panampuang / babateh jo Tilkam). Amai –amai ko baririk manjua nyo didakek kapalo janjang Pasa Ateh nan ka Janjang Gantuang. Masih dengan kondisi setengah abad nan lalu ……. Kopi dijunjung/disimpan dalam tanki belek silender gadang…ditaka/diliter, dibungkuih jo “karisiak” Dalam porsi ketek ado kopi iko nan lah dibungkuih macam lapek jo kurisiak itu dikabek jo tali pisang. Ukurannyo pun sekitar gadang lapek juo. Isinyo sekitar untuak duo-tigo galeh kopi. Sabalun ado berbagai shampo jo ajinomoto nan rami tagantuang dilapau rang awak dikampuang….bungkuih kopi iko lah nan balirik tagantuang macam itu Bungkuih karisiak terbukti menimbulkan aroma tersendiri bagi kopi itu.... karano ado rang Cino di Jawa yang mengusahakan kopi semi tradisionil iko, untuak pembungkus manggunokan pembungkus khusus, karateh bercampur daun sahinggo ado aroma khas dikopinyo. Beda jo kebanyakan kemasan plastik yang menghilangkan aroma khas berbagai makanan. Walau kenyataannyo urang suko jo nan awet alami ... baa mangko kito agak tasengeng mancaliak : KURISIAK NAK JADI DAUN ???? Selain kopi mungkin BU-LA-U cukup akrab jo ingatan makNgah, tapi kini barang itu cukup langka dipasaran apolai di Swalayan Utama. Kini rang padusi labiah familiar manggunokan Bayclin untuk pemutih cucian.\ Untuak nan kurang familiar : Bulau dikotaknyo tatulih Blue- keping kecil segi empat atau tepung biru yang dicampur ke air sebagai bilasan terakhir kain sesudah dicuci sebelum dijemur Kapatangko industri rumah nan mambuek bula-u itu masih tampak dijalan antaro Galuang jo Kubang Putiah. Kabanyo mereka memasarkan produknyo dipelosok Sumbar- Riau ( Pasia Pangiraian & Kuantan) Dulu baju sikola jo baju ganiah walau lah duo-tigo taun dipakai... tetap jernih indak manguniang kalau rajin mambulau tiap dicuci. Bahkan baju ”marekan” /kain blacu yang berwarna off-white dan agak kasar menjadi bersih dan jernih kalau rajin mambulau nyo. Untuak nan alun tau : Baju ganiah adolah baju putih lengan panjang yang sudah populer ditampek awak sabalun ado baju koko. Beda dengan koko, bajua ganiah tanpa krah dan tanpa sambungan/jahitan dibahu. Sambungannyo ado disiku. Mungkin kato ganiah ko asal katonyo jernih. Ungkapan lain untuak pemakaiannyo adolah : ” Co ganiah mukonyo.... kanai hariak dek pulisi dipasa tadi” Mukasuiknyo mukonyo jadi pucek dek kanai ariak. Kain ganiah selain untuak baju biasonyo dulu dipakai rang padusi untuak bahan ”mukena” bahkan acok juo untuak kain kapan. Kalau kain Marekan labiah taba dan agak kaku saketek dibandiang kain ganiah Baju ganiah merupakan casual-shirt tempo dulu karano bisa dipakai sesekali kapasa atau wirid di musajik bahkan nan baru bisa dipakai pai baralek. Baju marekan adolah work-clothing... dipakai untuak karajo disawah jo diladang. Model bajunyo nyo tetap samo, Cuma kalau baju ganiah bawahnyo sarawa Jawa /batik. Sedang baju marekan bawahnyo sarawa galembong mirip sarawa silat dengan bahan dan warna yang sama. Selain warna marekan yang khas off-white untuak pakaian kasawah, warna lainnyo adolah hitam dan sedikit warna biru. Warna biru kurang populer karano dianggap mirip jo seragam rang pinjaro. Dek acok dipakai kasawah biasonyo kaki sarawa barubah jadi kecoklatan sedang lutuik ka ateh jadi broken white warnonyo . Maso dulu alun ado kaos atau rajutan lain untuak CD, sahinggo marekan acok juo dipakai sabagai sarawa kotok inyiak-inyiak jo amai-amai. Kalau kini ado sarawa HAWAI, sarawa kotok inyiak ambo dulu nan sampai kalutuik itu disabuik sarawa kotok nabi, bahannyo biasonyo kain Silungkang motif petak mirip kain kasua maso itu. Itulah sekelumit curito tantang kurisiak, ganiah jo marekan..... Jadi kok ado nan dikecekkan urang : Kurisiak nak jadi daun....bukan co ganiah mukonyo doh...tapi mungkin merah padam.....he....he... Salam St. RA 53+ Pamer gaya dengan skin baru yang keren. Coba Yahoo! Messenger 9.0 baru sekarang! http://id.messenger.yahoo.com --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
