Ungkapan "... duduak bakisa di lapiek nan salai... tagak bapaliang di tanah nan sabingkah ...."
ambo danga partamu kalinyo di Medan nan Bapaneh, Bukittinggi, wakatu Dwi Tunggal Sukarno-Hatta muloi ratak tahun 1957. Lah labiah satangah abad sampai kini masih tampak tabayang-bayang di ambo Pak Hatta duduak tacongang-congang mandanga papatah-patitiah tu. Itulah impressi nan ambo dapek wakatu itu, antah baliau rusuah ataukoh sabak tapi indak tampak di ambo baliau galak. Ambo tagak hanyo babarapo meter dari tampek duduak Baliau di Medan nan Bapaneh, jaleh di ambo ireh-aia-muko Baliau di bulakang kacomato nan unik Pak Hatta nan pakai Kupiah Beka. Hati ambo nan masih remaja maso itu, juo ikuik gundah gulana, lah raso tabayang: "Cewang di Langik tando ka Paneh, Gabak di Hulu tando ka Hujan ...." Dalam pengalan kaduo tahun 1959 Pak M. Natsir maagiah assignment untuak ambo manulih untuak manarangkan tanyo Urang Banyak wakatu itu, "Bagaimana Sikap Bung Hatta?", hati ambo luluah lantak karano kami jauah di Rimbo Gadang, indak ado referensi. Sasudah duo halaman draft ambo, Pak Natsir mambaconyo, pun tampak sabak, dan tampaknyo lah tahu Baliau ambo indak sanggup manaruihkan assignment nan sabarek ko.... Baliau mintak tambahan karateh, Baliau mintak ambo duduak tambah dakek ka Baliau untuak manulih apo nan ka Baliau diktekan nan takana dalam hati pulo, tanpa referensi. Wakatu itulah ambo baraja bara kulimeknyo Pak Natsir manulih. Baco, edit, suruah baco baliak, edit, baitulah baulang-ulang, tiok kato dipatimbangkan. Tugeh nan diagiahkan ka ambo tadi tu baliau taruihkan tiok malam, ampek malam batutuik-turuik, ambo manulih dikte, baliau mancoret maedit baliak. Sabana kagum ambo maagaki ketekunan dan kulimek baliau jo kato-kato. Iyo bana "Bak manatiang minyak panuah, bak maelo rambuik dalam tapuang." Salasai tiulisan "Bagaima Sikap Bung Hatta" (duo halaman tu),ambo bacokan sendiri dalam Siaran Malam "Radio Revolusioner Republik Indonesia Studio Banteng" dengan Gelombang 58 meter... Sekedar sekelumit Kisah dalam Pepatah. Salam, --Makngah Sjamsir Sjarif --- In [email protected], "Hendra Thaher" <hendra_tha...@...> wrote: > > Kalu iko iyo sato lo ambo ciek, ingin pulo baraja, banyak tanyo urang ka ambo, tapi indak tajawek ciek juo doh, mungkin kalau kursus untuak iko mungkin banyak juo paminaiknyo. > > Salam. > Hendra Thaher > > Sent from my BlackBerry® > powered by Sinyal Kuat INDOSAT > > -----Original Message----- > From: avenzor...@... > > Date: Mon, 2 Mar 2009 03:56:37 > To: <[email protected]> > Subject: Re: Bls: [...@ntau-net] Re: SERI NAN DI LUA TAMPURUANG 57: OBAMA BERANI > MENANTANG VESTED INTEREST DI AMERIKA > > > Assalamu'alaikum Buya HMA, > > 1. Salam kenal dan hormat ambo ka Buya. > > 2. Sabagai urang gadang dirantau, ambo yo bana sanang mambaco papatah-patitiah Buya. Kok buliah, ambo baniaik bana untuak baraja nyo. Baa caronyo yo Buya? > > Salam, > ricky avenzora > Powered by Telkomsel BlackBerry® > > -----Original Message----- > From: Masoed Abidin <masoedabi...@...> > > Date: Sun, 1 Mar 2009 17:56:03 > To: <[email protected]> > Subject: Re: Bls: [...@ntau-net] Re: SERI NAN DI LUA TAMPURUANG 57: OBAMA BERANI > MENANTANG VESTED INTEREST DI AMERIKA > > > Manolah Suryadi nan di ateh angin, > ...pandai bakisa duduak, bakisa di lapiek nan salai... > pandai bakisa tagak, bapaliang di tanah nan sabingkah ...." > Perseimbangan dan pertentangan menandakan adanya dialektika... > kemampuan melakukan perimbangan tentulah di dalamnya tersimpan dinamika... > Baa gak ati urang nan di ateh angin tu kini.... > > Nan paralu..., > pandai malatakkan sasuatu pado tampeknyo..., > ....dikurangi sio-sio, dilabiehi ancak-ancak ...." > salanjuiknyo .... > "..nan elok dipakai, nan buruak dibuang..." > karanonyo, indak sagalo nan bungkuak buruak..., kok pandai malatakkan banyak lo gunonyo... > > Nan musti bana dijago tantulah sasuai jo bimbingan petatah (untuk menatah) dan petitih .... adalah ; > ..."nan babarih babalabeh, nan baukue nan bajangko...., mamahek manuju barih, tantang bana lubang katabuak....,manabang manuju pangka, malantiang manuju tangkai....,tantang bana buah karareh, kok manggayuang iyo bana putuih, kok maumban iyo bana rareh...., aratinyo tidak ada main coba-coba, asal ikut, harus dengan perhitungan, jelas visi dan misinya, ada pula kekuatan mencapainya, dan lebih penting ada amanah yang diembannya.... > > Wassalam > BuyaHMA (L.74 di p[adang no kini) > > (yang bisa dijadikan titian) > > --- On Sun, 3/1/09, Lies Suryadi <niadil...@...> wrote: > From: Lies Suryadi <niadil...@...> > Subject: Re: Bls: [...@ntau-net] Re: SERI NAN DI LUA TAMPURUANG 57: OBAMA BERANI MENANTANG VESTED INTEREST DI AMERIKA > To: [email protected] > Date: Sunday, March 1, 2009, 1:06 PM > > Batua bana tu, Sanak Ardha, > > Sanak di lapau kasadonyo, kan alah basuo mah undang2 rang tuo kito: > > Rajo Guguak, Rajo Barangan, > Katigo Rajo Ampalu, > Nan bungkuak amboak ka pasangan, > Nan luruih ambiak ka alu. > > Baa tu Buya Mas'oed Abidin? > > Lai di garih makan pahek ambo tu? > > Tapi samantang pun baitu, hati2 pulo kito: > > Alah ka hulu Rajo Guguak, > Iliakan molah Kampuang Surau, > Dek ulang rayu kayu bungkuak, > Sampai malaleh kuduak kabau. > > Wassalam, > Suryadi > > > --- Pada Ming, 1/3/09, adha jamil <adha.ja...@...> menulis: > > Dari: adha jamil <adha.ja...@...> > Topik: Re: Bls: [...@ntau-net] Re: SERI NAN DI LUA TAMPURUANG 57: OBAMA BERANI MENANTANG VESTED INTEREST DI AMERIKA > Kepada: [email protected] > Tanggal: Minggu, 1 Maret, 2009, 8:47 PM > > > > Assallamualaikum Wr Wb.. > Pak Saaf..Pak Suryadi..jo sanak palanta nan dihormati > Ado pepatah nan ma agiah gambaran nan patuik dipunyoi dek surang pemimpin nan bijak jo berwibawa : > > Gunuang penghadang angin > lurah pahimpun aia > bintang panunjuak arah > bulan panantu hari > > kabau parancah sawah > kudo palajang bukik > anjiang kawan ba buru > baruak pamatiak kelapa > > tukang pantang mambuang kayu > nan bungkuak ka bingkai bajak > nan luruih ka papan tuai > nan sajari ka pasak suntiang > > ..mungkin banyak nan lain.. > > Wassallam > --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
