[R@ntau-Net] Tampek baraja patatah-petitih minang

[azmi abu kasim azmi abu kasim]

Assamu’alaikum
w.w 

 

Buya  HMA sarato dunsanak sapalanta nan ambo
hormati.

Ambo ucapkan terimo kasih kapado Buya nanlah
memberikan penilaian   kepado kami nan
ado di Jakarta
tentang pemahaman Adat Minangkabau. Khusus untuak diri ambo sabananyo indaklah
ado nan bak kian, di adat ambo masih sangat mangapalang di Syarak masih jauah
sakali. Sabab baa dek baitu, ibarat pohon buah nan talanting juah itu biasonyo
buah nan ketek-ketek dan karang bagus. Adapun buah nan gadang rancak dan elok
tetap jatuahnyo di dakek batang. Aratinyo bana kok nak mancari buah nan elok  
tantu datang ka ureknyo, kok nak mancari ikan
tantu datang kapasia. Sekalipun nan bak itu izikanlah ambo nak mayampaikan
sapatak duo patah nan tagurik-gurik dihati nan takilan-kilan dimato, ko untuang
ado munfaatnyo : 

Kalau
indak salah manuruik pandapek para ahli Adat, bahwa kato tabagi  4 bagian 
antara lain :

Kato PusakoKato MufakatKato Dahulu batapektiKato Kudian Bana
     Bacari

Masuak
kito kapado kontek nan awak bicarokan di milis nangko, yaitu ,...pandai bakisa 
duduak, bakisa di lapiek nan
salai..pandai bakisa tagak, bapaliang di tanah nan sabingkah ...."   

Kalau ambo indak salah papatah ko asalnyo adolah
marupokan larangan, yang bunyinyo adolah : “kok bakato jangan tarasak-asak, kak
bajalan jangan tarekeh-ekeh, pasang nan jangan urak ungkai, jangan patang pakek
pagi caia tangah hari jadi bubua”. Kuncinyo adolah “Kok duduak jangan bakisa 
kok tagak jangan
bapalaing”. Namun ado jalan kaluanyo, “kok kato kadi asak, kok bajalan
ka ganjua suruik, kok pasang kadi ungkai” atau “jikok duduak kabakisa atau tagak
kabapaling, duduaklah ditangah nan sabingka, tagaklah di tanah nan sabingkah”. 
Artinyo
bana satu kesepakatan nanlah di pabuek akan diadoan perobahan. Dengan alasan
karano pangana indak sakali tumbuah pikiran indak sakali datang. Lalok sakalok
barasian timbua pangana dalam mimpi, ado nan takana nan kiro-kironyo lebih baik
dari nan lah di sapakati.

Duduaklah
di lapiah nan saalai, aratinyo adokanlah parundinglah baliak dengan pihak-pihak
yang berkepentingan, karano nan rajo adalah kato mumfakat nan bana adolah kato
saiyo. Atau tagaklah di tanah nan sabingkah, tanah sabingkah lah bapunyo rumpuik
saalailah bamiliak. Kok cancang biasa balandasan kok lompek biaso basitumpuk,
kok takurung makanan kunci kok tapauih makan lantak. Mako asilnyo di jadikan
sebagai kesepakatan baru atau tambuahan, atau Adendum. 

Dan hal ko masuak kadalam kato nan ka ampek yaitu, “Kato
dahulu batapeti kato kudian bana bacari”.

Sakitu
sajo dari ambo Buya, mohon maaf jiko ado nan salah, kok indak dibarih makan
paek indak dirasuak manjariau, indak dilaeh lakek atok, ambo susun jari nan
sapuluah, batakuakan kapalao ken an satu mohon maaf ambo puhunkan

 

Wasalam,

 

Azmi
Dt.Bagindo



















 --- Pada Sen, 2/3/09, Masoed Abidin <masoedabi...@yahoo.com> menulis:
Dari: Masoed Abidin <masoedabi...@yahoo.com>
Topik: [...@ntau-net] Re: Tampek baraja patatah-petitih minang
Kepada: RantauNet@googlegroups.com
Tanggal: Senin, 2 Maret, 2009, 12:01 PM

Hendra Yth,
Di Jakarta banyak juo urang tuo-tuo kita nan bijak bestari, di antaronyo Angku 
Datuk Parpatieh Guguak, e. Azmi Dt. Bagindo, e. Amir M.S dan sebagainya.. 
Manfaatkanlah ujung usia beliau-beliau itu, dan Insyaallah beliau tidak akan 
kikir dengan ilmunya. Amin.
Wassalam
BuyaHMA
 
--- On Sun, 3/1/09, Hendra Thaher <hendra_tha...@yahoo.com> wrote:
From: Hendra Thaher <hendra_tha...@yahoo.com>
Subject: [...@ntau-net] Tampek baraja patatah-petitih minang
To: RantauNet@googlegroups.com
Date: Sunday, March 1, 2009, 8:04 PM

 Kalu iko iyo sato lo ambo ciek, ingin pulo baraja, banyak tanyo urang ka ambo, 
tapi indak
 tajawek ciek juo doh, mungkin kalau kursus untuak iko mungkin banyak juo 
paminaiknyo.

Salam.Hendra Thaher

Sent from my BlackBerry®
powered by Sinyal Kuat INDOSATFrom:  avenzor...@yahoo.com
Date: Mon, 2 Mar 2009 03:56:37 +0000
To: <RantauNet@googlegroups.com>
Subject: Re: Bls: [...@ntau-net] Re: SERI NAN DI LUA TAMPURUANG 57: OBAMA 
BERANI  MENANTANG VESTED INTEREST DI AMERIKA
  Assalamu'alaikum Buya HMA,

1. Salam kenal dan hormat ambo ka Buya.

2. Sabagai urang gadang dirantau, ambo yo bana sanang mambaco papatah-patitiah 
Buya. Kok buliah, ambo baniaik bana untuak baraja nyo. Baa caronyo yo Buya? 

Salam,
ricky avenzoraPowered by Telkomsel BlackBerry®From:  Masoed Abidin 
Date: Sun, 1 Mar 2009 17:56:03 -0800
 (PST)
To: <RantauNet@googlegroups.com>
Subject: Re: Bls: [...@ntau-net] Re: SERI NAN DI LUA TAMPURUANG 57: OBAMA 
BERANI   MENANTANG VESTED INTEREST DI AMERIKA
Manolah Suryadi nan di ateh angin,
....pandai bakisa duduak, bakisa di lapiek nan salai...
pandai bakisa tagak, bapaliang di tanah nan sabingkah ...."
Perseimbangan dan pertentangan menandakan adanya dialektika...
kemampuan melakukan
 perimbangan tentulah di dalamnya tersimpan dinamika...
Baa gak ati urang nan di ateh angin tu kini....

Nan paralu...,
pandai malatakkan sasuatu pado tampeknyo...,
.....dikurangi sio-sio, dilabiehi ancak-ancak ...."
salanjuiknyo ....
"..nan elok dipakai, nan buruak dibuang..."
karanonyo, indak sagalo nan bungkuak buruak..., kok pandai malatakkan banyak lo 
gunonyo...

Nan musti bana dijago tantulah sasuai jo bimbingan petatah (untuk menatah) dan 
petitih .... adalah ; 
...."nan babarih babalabeh, nan baukue nan bajangko...., mamahek manuju barih, 
tantang bana lubang katabuak....,manabang manuju pangka, malantiang manuju 
tangkai....,tantang bana
 buah karareh, kok manggayuang iyo bana putuih, kok maumban iyo bana 
rareh....., aratinyo tidak ada main coba-coba, asal ikut, harus dengan 
perhitungan, jelas visi dan misinya, ada pula kekuatan mencapainya, dan lebih 
penting ada amanah yang diembannya....

Wassalam
BuyaHMA (L.74 di p[adang no kini)

  (yang bisa dijadikan titian)

--- On Sun, 3/1/09, Lies Suryadi <niadil...@yahoo.co.id> wrote:
From: Lies Suryadi <niadil...@yahoo.co.id>
Subject: Re: Bls: [...@ntau-net] Re: SERI NAN DI LUA TAMPURUANG 57: OBAMA 
BERANI  MENANTANG VESTED INTEREST DI AMERIKA
To: RantauNet@googlegroups.com
Date: Sunday, March 1, 2009, 1:06 PM

Batua bana tu, Sanak Ardha, Sanak di lapau kasadonyo, kan alah basuo mah 
undang2 rang tuo kito: Rajo Guguak, Rajo Barangan,Katigo Rajo Ampalu,Nan 
bungkuak amboak ka pasangan,Nan luruih ambiak ka alu.
Baa tu Buya Mas'oed Abidin? Lai di garih makan pahek ambo tu? Tapi samantang 
pun baitu, hati2 pulo kito: Alah ka hulu Rajo Guguak,Iliakan molah Kampuang 
Surau,Dek ulang rayu kayu bungkuak,Sampai malaleh kuduak
 kabau. Wassalam,Suryadi   
--- Pada Ming, 1/3/09, adha jamil <adha.ja...@gmail.com> menulis:
Dari: adha jamil <adha.ja...@gmail.com>
Topik: Re: Bls: [...@ntau-net] Re: SERI NAN DI LUA TAMPURUANG 57: OBAMA BERANI 
MENANTANG VESTED INTEREST DI AMERIKA
Kepada: RantauNet@googlegroups.com
Tanggal: Minggu, 1 Maret, 2009, 8:47 PM

Assallamualaikum Wr Wb..Pak Saaf..Pak Suryadi..jo sanak palanta nan 
dihormatiAdo pepatah nan ma agiah gambaran nan patuik dipunyoi dek surang 
pemimpin nan bijak jo berwibawa : Gunuang penghadang anginlurah pahimpun 
aiabintang panunjuak arahbulan panantu
 hari kabau parancah sawahkudo palajang bukikanjiang kawan ba burubaruak 
pamatiak kelapa tukang pantang mambuang kayunan bungkuak ka bingkai bajaknan 
luruih ka papan tuainan sajari ka pasak suntiang ..mungkin banyak nan 
lain.. Wassallam        

 
         Coba Yahoo! Messenger 9.0 baru 
 Lengkap dengan segala yang Anda sukai tentang Messenger


       
 

  
 








     







      Berselancar lebih cepat dan lebih cerdas dengan Firefox 3
http://downloads.yahoo.com/id/firefox/
--~--~---------~--~----~------------~-------~--~----~
=============================================================== 
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di: 
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama 
- DILARANG: 1. Email attachment, tawarkan disini & kirim melalui jalur pribadi; 
2. Posting email besar dari 200KB; 3. One Liner
=============================================================== 
Berhenti, kirim email kosong ke: rantaunet-unsubscr...@googlegroups.com 
Daftarkan email anda yg terdaftar disini pada Google Account di: 
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---