Assalamualaikum jo Tarimo kasih Angku Suryadi, Lah kalua lo nan padek-padek sakaranjang ketek lai. Kasadakkaan ambo mambaco isi pantun nan ciek ko. Iyo sansai awak kok sarikayo taraso paik ...
> 75. > Sarai sarumpun tapi tabiang, > Tumbuah di parak rang Situjuah, > Kalang bajo bakaik-kaik, > Sajak bacarai jo Nan Kuniang, > Sapantun budak carai susu, > Sarikayo dimakan paik. Tapi, sudah dipatuik-patuik ungkaian sampirannyo, ado nan agak tacongang-congang ambo; kurang paham ambo apo arati "Kalang bajo". Kok "kalang" lai tahu ambo, baitu juo "bajo" lai maklum. Tapi, "kalang bajo"? Mancaliak lingkuangan sampiran pantun ko, Sarai sarumpun di tabiang Parak Rang Situjuah tu, mungkinkoh "Kalang Bajo" ko samacam tanamanan juo nan tumbuah dakek-dakek Sarai" tu? Manuruik ambo, mungkin. Tapi alun panah ambo mandanga kato tu. Tapi mungkin pulo koh agak takulicau angku Suryadi saketek dalam mambaco dan mantransliterasikan Huruf Malayunyo? Mungkinkoh huruf "mim" tabaco "ngain"? Mungkinkoh "kaf-lam-mim" tabaco "kaf-lam-ngain" "sahinggo "Kalam" tabaco "Kalang"? Kok dapek tolong pareso baliak tulisan asli huruf Malayunyo. Kamungkinan, "Kalang bajo" [duo kato] ko aslinyo satu kato, "Kalambojo". Memang "Kalambojo" ko tanaman nan tumbuahnyo manjala bakaik-kaik. Kok Sarai jo Kalambojo rasonyo sasuai kapuran jo sawoknyo tapi kok sarai jo kalang bajo mungkin kok ratak kapurannyo Salam, --MakNgah Sjamsir Sjarif --- In [email protected], Lies Suryadi <niadil...@...> wrote: > > > Assalamualaikum Buya, Pak Azmi, jo Datuak Endang, > > Iyo Buya, jo Pak Azmi, sarato Datuak Endang nan ka manjawek tanyo Uni Hifni > ko nyeh ko. Kecek Uni kito ko, banyak nan mudo kito nan ndak SREG lai jo > pantun ko. > > Kok dek ambo amuah lalai makan dek manyasok makna pantun ko. Mbo tambahlah > gak babarapo bait lai, tangguang 'barandam' mah, kuyuik bana lah nan jadi....: > > 18 > Panjang joroknyo Batu Mandi, > Tampak nan dari Pulau Pandan, > Kok tak takuik kami ka mati, > Diguntiang hati dikirimkan. > > 22. > Daguah-dagah buni padati, > Dibao anak rang Tarumun, > Kaluah-kasah manahan hati, > Dibao lalok bakalumun. > > 41. > Tumbuahlah pandan di tangah laman, > Diambiak sahalai lapiak, > Kalau runtuah Gunuang Pasaman, > Batu balah bungo diambiak. > > 48. > Mantialau di bawah batang, > Baminyak cando bulunyo, > Makin dialau makin datang, > Buruang lah jinak dahulunyo. > > 49. > Baminyak batang timbakau, > Ambiak pangaik gagang bungo, > Kok jinak elok dicakau, > Pado manjadi lia lamo. > > 54. > Balayia tantang Taluak Kasai, > Kapa mamuek daun padi, > Aia mato salamo carai, > Kok sumua elok tampek mandi. > > (mati lah waden Mandeh oiii!!!!; Suryadi) > > 59. > Balayia biduak rang Kajai, > Maminteh biduak rang Sumpu, > Di adiak sayang tagadai, > Bak inai di ujuang kuku. > > 64. > Anyuik pariuak batali rumin, > Panuah baisi galo-galo, > Tuan sapantun kilek camin, > Di baliak gunuang tampak juo. > > (oiii...rang kampuang! Japuik lah ambo pulang baa; Suryadi) > > 73. > Urang malukah maningkalak, > Indak rotan katayo lai, > Jikok basumpah sadang galak, > Indak urang picayo lai. > > 75. > Sarai sarumpun tapi tabiang, > Tumbuah di parak rang Situjuah, > Kalang bajo bakaik-kaik, > Sajak bacarai jo Nan Kuniang, > Sapantun budak carai susu, > Sarikayo dimakan paik. > > 77. > Juragan tagak managun, > Maliek kapa nak babelok, > Balam nan indak namuah turun, > Kironyo umpan kurang elok. > > 78. > Sirauik si rajo inang, > Ambiak parauik sangka balam, > Lauik salaweh tampuak pinang, > Duo baleh kapa di dalam. > > 119. > Bolai di bawah rangkiang runtuah, > Urek manjelo ka subarang, > Lah buliah cindai panjang tujuah, > Tabuang kain kasah jarang. > > (jan baibo ati bana nan ma mainnyo nan tak jadi...he he ; Suryadi) > > 163 > Baruang-baruang urang Piaman, > Lah sudah takarang kasau, > Taguah-taguah pagang padoman, > Badai ka turun jo langkisau. > > 254 > Mudiak'an labuah nan panjang, > Manjinjiang sarang tampuo, > Geraikan rambuik nan panjang, > Ka tuduang kito baduo. > > (Sanak Jepe....sansai badan ambo..he he!; Suryadi) > > Alah dulu tu, talitak badan ambo....hehe. > > Wassalam, > Suryadi > ============ --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
