Manolah Mamak Sutan Lembang,
Tarimo kasih jo resep no ko, Agak no ampia samo prinsip no ko jo masak "Oku" nan di Manado tan, Tapi alun pernah ambo manciboan jo patin laih, biaso no jo sembilang lauik atau ikan karang. (Timun atau kaarapu) Bialah ambo cuboan dek patin lai banyak disiko ko.. trus murah lo. Wassalam Rina, 32, batam From: [email protected] [mailto:[email protected]] On Behalf Of Muhammad Dafiq Saib Sent: Sunday, March 08, 2009 7:30 AM To: [email protected] Subject: UOK IKAN PATIN Re: Bls: [...@ntau-net] Re: SAMBA CANGKUAK dan Mahligai Hidup Assalaamu'alaikum wa rahmatullaahi wa barakaatuhu Sasuai lo ambo jo pangaratian cangkuak samo jo uok sarupo nan dikecek-an nyiak Sunguik ko. Agak saroman jo uok awak, kanti-kanti urang Jawa manyabuik 'ungkep' walau agak balain, sabab indak balatak-an di ateh nasi nan sadang ka masak do. Ado resep nan buliah pulo dicubo dek nan pakar mamasak untuk uok caro rang Jawa (ungkep) sarupo dibawahko; Uok ikan patin Ikan Patin nan barek 500 gram 2 ikua, dikarek anam, tamasuak kapalo Bumbu-bumbu Daun bawang perai 5 tangkai, irih ketek-ketek Daun ruku-ruku saganggam Bawang merah 6 siuang, irih aluih Bawang putiah 3 siuang, irih aluih Lado merah 10 buah digiliang haluih (kalau nak padeh buliah ditambah jo lado kutu) Daun kunyik ampek alai Daun limau 4 halai Sarai limo buah Limau ketek-ketek (jeruk limau jano urang di pasa) 3 buah Tomat masak duo buah dipotong dadu ketek-ketek Garam Minyak goreng satu setengah sendok teh Mambuekno Bawang perai nan alah diirih, daun ruku-ruku, bawang merah jo putiah nan alah diirih aluih, lado merah nan alah digiliang, garam, dicampuaan / diaduak. Ditambahan ayia limau ketek-ketek. Ikan patin nan alah dipotong-potong dipacampuaan. Masuak-an sabagian bumbu ka bagian dalam ikan patin tarutamo ka kapalono. Sadioan kuali atau pariuak nan ado panutuik rapek tapi ado saketek lubang angin. (kini ado pariuak stainless steel jo panutuik kaco). Susun ampek alai daun kunyik leba manutuik-i dasar pariuak. Masuak-an minyak goreng ( di ateh susunan daun kunyik) Latak-an sarai nan alah ditumbuak (dimemarkan) basilangan di ateh daun kunyik Latak-an daun limau utuh, baserak Latak-an / potongan tomat ketek-ketek, baserak Masuak-an ikan patin nan alah bacampua jo bumbu daun bawang / lado / garam basusun-susun ka dalam pariuak. Tutuik jo tutuik nan ado lubang angin saketek. Jarangan di api ketek salamo sajam Catatan Paratian bana bahaso indak ado sato ayia saketek juo do. Sasudah tajarang sakitar duo puluah minik alah heboh baun dapua jo uok ko, tapi ikan patin no alun matang jadi jaan di gaduah-gaduah dulu. Nan bisa dan lamak di uok ko macam-macam. Bisa udang, bisa ikan lain. Cubolah! Ambo alah mangarajoan dan mancubono Wassalamu'alaikum M.D.Saib St. Lembang Alam Asal: Koto Tuo - Balai Gurah - Bukit Tinggi 58 th / Jatibening - Bekasi On Sun, Mar 8, 2009 at 1:03 AM, hambociek <[email protected]> wrote: Nah, lah batambah juo pangaratian "Cangkuak" ko. Dengan keterangan Angku Dr.Suheimi, tampaknyo "cangkuak" ko samo aratinyo jo "Uwok" di Ampek Angkek, memasak atau maangekkan sesuatu, apokoh sayua, sambalado, dll, diateh nasi nan sadang ditanak dengan mampagunokan tenaga "uap" tu. Jadi, mancangkuak samo jo mauwok, [meng-uap?, asakato "uap", "steam" bukan "kuwok"], atau to steam. Sadangkan di Semenanjung, ado "pekasam" nan tampaknyo samo jo "cangkuak" awak ko. Sudah tu ambo ragu kalau "cangkuak" awak samo jo "cangkok" Jawa, [setek, dari stek} misanyo mangulipaki kulik dahan limau ssudah tu dibungkuik jo tanah, sudah tu indaklamo tumbuah ureknyo, nanti dipotong dan ditanam: Cangkokan. Manganai lukisan bantuak "karadu" Angku Nofend apokoh karadu ko samo jo "Ikan Tarubuak"? Iyo maha agak "busuak" saketek, tapi rasonyo lamak. --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
