Waalaikumsalam w.w., Sanak Lembang Alam, Sanak Suryadi dan para sanak sa palanta, Makin lamo kito bahas masalah namo jo gala ko makin jaleh bahaso kito urang Minang memang indak punyo pola nan baku, bukan hanyo dalam soal namo dan gala, tapi nampak dek ambo juo dalam banyak hal, bahkan dalam doktrin ABS SBK sarato palaksanaannyo, nan alah lamo kito kunyah-kunyah dalam RN ko. Iko mungkin ado baiaknyo, untuak manunjuakkan kito sangaik 'fleksibel', tapi mungkin juo ado kurang baiaknyo, yaitu saroman urang indak ado pagangan dalam hiduik basamo.Praktis kito hiduik surang-surang dan sakalompok-sakalompok, nan manuruik pak Darul 'bisa samo-samo bakarajo, tapi indak bisa bakarajosamo'. Paliang kurang ambo iyo agak risau juo saketek dalam hal iko, karano dunia maso kini basanda ka 'jejaring', ka 'network'. untuak bisa batahan hiduik. Rasonyo iko bana nan kurang dek kito-kito urang awak. Mudah-mudahan kasan ambo ko salah. Amuah indak amuah tapaso juo kito mambandiangkan kito-kito ko jo suku-suku lain, nan nampak dek ambo alah ado samacam 'pepakem' nan baku, sahinggo indak susah bana kito dari namonyo untuak manakok apo baliau tu dari Aceh, Batak, Melayu Riau, Jambi, Palembang, Sunda, Jawa, Dayak, Bugih, Ambon , Manado, Bali, NTT, NTB, atau malah Papua. Baa kok kito atur saketek soal ko ? Tapi timbua baliak masalah 'klasik' Minangkabau: sia nan ka maatur ? Wassalam, Saafroedin Bahar (L, masuk 72 th, Jakarta; Tanjuang, Soetan Madjolelo) "Basuku ka Ibu; banasab ka Bapak; basako ka Mamak". Alternate e-mail address: [email protected]; [email protected]
________________________________ From: Lies Suryadi <[email protected]> To: [email protected] Sent: Wednesday, March 11, 2009 7:07:59 AM Subject: Bls: RE - Re: [...@ntau-net] Re: namo urang Minang Mamak Sutan Lembang Alam jo dundanak kasadonyo, Tarimo kasih ateh postingannyo. Nan menarik ideologi di baliak pemberian namo dek rang gaek ka anaknyo. Dalam etnis lain ado pamali KEBERATAN NAMA. Misalnyo di Jawa, ado namo anak nan dituka dek rang gaeknyo karano dianggap "barek". Si anan "dijua" dulu ka tetanggano saharago ciek talua, sudah tu dituka namonyo. Di Minang apokoh ado kepercayaan co itu? Malah namo2 anak Minang maminjam namo presiden Rusia, Gorbachev, bagai. Barek2 namo urang awak ko, tapi lai indak banyak nan sakik2 wakatu ketek dek manyandang namonan barek2 tu? Salam, Suryadi --- Pada Rab, 11/3/09, Muhammad Dafiq Saib <[email protected]> menulis: Dari: Muhammad Dafiq Saib <[email protected]> Topik: RE - Re: [...@ntau-net] Re: namo urang Minang Kepada: [email protected] Tanggal: Rabu, 11 Maret, 2009, 6:24 AM Assalaamu'alaikum wa rahmatullaahi wa barakaatuhu Pak Saaf jo dunsanak Suryadi, Iko ado lo file lamo pakaro namo-namoko Wassalamu'alaikum, M.D.Saib St. Lembang Alam Asal: Koto Tuo - Balai Gurah - Bukit Tinggi 58 th / Jatibening - Bekasi -------------------- Dari file taun 2003 basuo caritoko, untuak parami-ramian lapau.... APOLAH ARATI NAMO Panah ambo bakatauan jo surang urang awak padagang di Baliakpapan, nan mampakanalkan ( maaf, kato-kato nan iko indak asli bahaso Minang do) anakno banamo John Kennedy. Iyo tasengeang kacuik ambo mandanga namo tu. Agak batandiang jo namo kawan ambo katiko sakola di Banduang saisuak, kabatulan urang Batak, nan banamo Washington. Iko adolah gajalo baru nan indak dapek diambek dikalangan urang awak, baeksperimen jo namo anak. Gejala baeksperimen jo namo anak itu bukan baru tajadi kini atau kudian-kudianko sajo tapi alah baransua-ransua tajadi sajak urang gaek awak di taun 40 - 50 an manamoi awak. --- --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
