Pak Darul, ambo satuju. Karano kito nan alah baumua ko alah talongsong jo namo nan ado di ijazah, kito 'ABS SBK'-kan sajo dalam 'signature' 'e-mail', sarupo ambo tulih di bawah ko, sahinggo urang tahu apo suku dan gala ambo, walau indak ambo pakai tiok hari. Supayo tambah langkok, ambo rencanakan untuak manambahkan nagari asa niniak muyang ambo, di Lagan, Kampuang Dalam, Pariaman.
Nan bakabaratan untuak mamakainyo, yo indak baa-baa. Samo sakali indak ado kawajiban. Wassalam, Saafroedin Bahar (L, masuk 72 th, Jakarta; Tanjuang, Soetan Madjolelo) "Basuku ka Ibu; banasab ka Bapak; basako ka Mamak". Alternate e-mail address: [email protected]; [email protected] ________________________________ From: Darul M <[email protected]> To: [email protected] Sent: Wednesday, March 11, 2009 1:06:32 PM Subject: [...@ntau-net] namo urang Minang Pak Saaf Manuruik ilmu nan pak Saaf (kanti apak Saaf) ajakan di bangku kuliah, bahaso nan banamo adaiak tu kan adolah kebiasaan nan dipatahankan dalam jangko lamo. Jadi dimulai dan dibiasakan. Baa jikok panulihan namoko awak muloi dan biasakan sajo dilingkuangan awak dulu, misano di lingkuangan rantaunet ko. Nan awak bisa mangatahui urang nan pernah dirantaunet. Dimuloilah dari kini, sia nan namuah sajo. Salam Darul M 55 Semarang From:[email protected] [mailto:[email protected]] On Behalf Of Dr.Saafroedin BAHAR Sent: Wednesday, March 11, 2009 12:01 PM To: [email protected] Subject: Re: Bls: RE - Re: [...@ntau-net] Re: namo urang Minang Waalaikumsalam w.w., Sanak Lembang Alam, Sanak Suryadi dan para sanak sa palanta, Makin lamo kito bahas masalah namo jo gala ko makin jaleh bahaso kito urang Minang memang indak punyo pola nan baku, bukan hanyo dalam soal namo dan gala, tapi nampak dek ambo juo dalam banyak hal, bahkan dalam doktrin ABS SBK sarato palaksanaannyo, nan alah lamo kito kunyah-kunyah dalam RN ko. Iko mungkin ado baiaknyo, untuak manunjuakkan kito sangaik 'fleksibel', tapi mungkin juo ado kurang baiaknyo, yaitu saroman urang indak ado pagangan dalam hiduik basamo.Praktis kito hiduik surang-surang dan sakalompok-sakalompok, nan manuruik pak Darul 'bisa samo-samo bakarajo, tapi indak bisa bakarajosamo'. Paliang kurang ambo iyo agak risau juo saketek dalam hal iko, karano dunia maso kini basanda ka 'jejaring', ka 'network'. untuak bisa batahan hiduik. Rasonyo iko bana nan kurang dek kito-kito urang awak.. Mudah-mudahan kasan ambo ko salah. Amuah indak amuah tapaso juo kito mambandiangkan kito-kito ko jo suku-suku lain, nan nampak dek ambo alah ado samacam 'pepakem' nan baku, sahinggo indak susah bana kito dari namonyo untuak manakok apo baliau tu dari Aceh, Batak, Melayu Riau, Jambi, Palembang, Sunda, Jawa, Dayak, Bugih, Ambon , Manado, Bali, NTT, NTB, atau malah Papua. Baa kok kito atur saketek soal ko ? Tapi timbua baliak masalah 'klasik' Minangkabau: sia nan ka maatur ? Wassalam, Saafroedin Bahar (L, masuk 72 th, Jakarta; Tanjuang, Soetan Madjolelo) "Basuku ka Ibu; banasab ka Bapak; basako ka Mamak". Alternate e-mail address: [email protected]; [email protected] --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
