Kok MakNgah sore patang pai ka San Jose (45 miles dri Santa Cruz) ado tugeh di Alum Rock School District mahadoki rapek guru-guru jo urangtua murid anak Indonesia nan dalam IEP (Independent Edducation Program). Sabalun pai rapek tu, singgah lunch dahulu di "Ori Deli" (tokoh makanan dan restoran Indonesia nan manjua macam-macam produk Indonesia dan Bulando). Untuak lunch dek taguluik, MakNgah mintak kesukaan di Lapau tu, Petis Tahu jo Lontong.
Untuak tambahan suplai kabinet, disemba lo petis dalam jar, kok bilo takana buek surang se di rumah. Semba patai 3 bungkuih, Marquisa Pohon Pinang (dari Brastagi, kesukaan MakNgah) 3 boto, temu lawak, beras kencur, serbat jahe. Ado lo roti sipadeh (ginger bread) dari Bulando. Ado ciek lai ado teri nan lah bagoreng indak balado dalam jar, indak bakapalo lai, tampaknyo masiak gurih, mailia lo salero. Tapi tibo dirumah, digatu-gatu, eh agak manih, agak patah lo salero. Bialah beko diolah baliak diagiah lado bilo paralu. Kok indak ado PATAI di kulkas, rasono ado nan kurang dalam bahan salero MakNgah nan katuju patai nan panah mamperkenalkan moto di Lapau ko: "Kok ado nan indak katuju PATAI jo JARIANG, Elok baranti jadi Rang Minang ... " Salam, --MakNgah --- In [email protected], hanifah daman <iffa...@...> wrote: > > Cako pulang sikola, singgah di RM di simpang. Uni bali gulai ikan rayo, tempe > balado campua maco. Sabalunno uni alah manenteng peyek kacang. Tingga mambuek > uok buncis. Kalau hari rabu gon singgah sen ka lapau. Panek wak sampai di > rumah mamasaklo. Kalau alah ilang panek, njik bisuak di goreng maco bada, > diladoi. Bisuak pagi tingga mambuek talua mato sapi. Bilo2no di buek samba > cangkuak, taragak sangaik. Rina, cubo tanyo mas rina, baa caro mambuek peyek > kacang? Kalau ayam pop dun pandai ndak rina mambuek? Ooii rang mudo nan > kabakumpua di kubang, labiahkan makan martabak yo. Salam. Hanifah > > rinapermadi wrote: > > Assalaamu’alaikum warahmatullahi wabarakaatuh, > > > > > > Tagarik hati nak ka manyusun menu untuak malam ko, > > > > 1. > > Pucuak ubi batumbuak campua jo kincuang basantan jalang > > sen > > 2. > > Teri janiah aluih2 balado sirah jo potongan tempe ketek2 > > 3. > > Karupuak jangek > > 4. > > Es salasiah jo timun > > > > Uni Bed nan baru turun gunuang, apo menu hariko Ni? > > Ni Hifni di nagari sabarang, apolah menu Uni kini tu? > > Uni Ipah apo menu Uni malam ko? > > Da Jepe lai ado sungai nan di jajak I di rantauprapat tu > > kini? Bagi2lah caritoe plus kulinernyo kini.. > > Mak Ngah, aa nan takileh dari cabinet Mak Ngah kini duu?? > > Nofend, aa nan taidang di meja makan kini duu?? > > > > Anggap se ambo seorang peneliti nan sadang manaliti apo nan > > dimasak urang rantau ko..hahaha > > > > Wassalam > > Rina, 32, batam > > --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
