Assalamualaikum ww.
Tarimo kasih banyak Angku St. Nan Sati , kok rusuah lai bapujuak-tagamang lai bajawek , angek bana pulo ati ambo , lah barampek kito samo gaek nan kaduduak dilapiak nan sahalai , lah sajamba kito namonau tu. Kok ado anak kamanakan nan indak manyapo awak , aaa lah buliah dikato kan indak tau diampeek . Cuma ambo alun lanca mamainkan komputer dan internet ko.
Ambo alah manarimo sambutan dan pasan dari Nyiak Sunguik jo Angku SB. St. Majolelo ,
dan St. Parpatiah kapatang . Dek gadangnyo ati ambo , langsung ambo jawab , Antah apo nan salah , kalua yawaban dari Tim Yahoo Mail ; Pesan anda tidak kami kirim , karena sudah terditeksi hal yang akan merugikan . Iko kini ambo cubo baliak , mudah2an ambo indak dihapus dari keanggotaan yahoo mail ko .
Inggo iko daulu yo angku St. Nan Sati , kok indak ado halangan , barisuak kito taruihkan.
Wassalam dari Inyiak Lako .
Duduak surang basampik-sampik
Duduak basamo balapang-lapang
Kok singkek uleh-mauleh
Kok kurang tukuak-manukuak .
Nyiak Lako di Depok nan ambo amba gadang,
Wa'alaikum salam wr. wb.
Angek hati ambo, dek lah batambah surang lai rang gaek DTP (diateh tujuah puluah) di palanta ko. Nan paliang daulu laia Nyiak Sunguik di Tapi Ombak Nan Badabua, sudah tu Nyaik Lako, baru ambo, mak Sati (tatap "mak" walau cucu nan bainyiak lah 18 urang dan sangenek hari lai, kok lai ka rasaki, ka mulai bapiuik), dan nan paliang mudo Pak Saaf nan baru ka masuak 72.
Ambo peloki snek gala ambo, bukan St. Sati, tapi St. Nan Sati, dek di Sungai Pua, kampuang rang gaek, St. Sati tu gala pusako rang Pisang dan St. Nan Sati rang Koto, dan suku ambo di sinan namonyo Suku Salek Batuang.
Kok pulang ka kampuang bisiakan lah ka ambo, buliah kupidarek wak.
Salam,
|
|
|
mak Sati (L. 72+0+14)
Tabiang |
----- Original Message -----
Sent: Saturday, March 14, 2009 12:13 AM
Subject: [...@ntau-net] ANAK DIPANGKU KAMANAKAN DIBIMBIANG
|
Assalamualaikum ww.
Yth. Rang dapua RNC .
Sabalunnau ambo minta maaf , kok ado kasalahan dalam mangirim tulisanko , karano ambo baru bakanalan jo komputer dan internet , kok ado prosedur nan tak tapanuhi , babarapo kali ambo login , alun ado nan barasie, gagal taruih .
Sasuai jo katantuan RN , untuak kriman carito nan partamuko, ambo harus mamparkenalkan diri labiah dahulu , baiklah :
Namo ketek ambo : H. Julius .
Gala adat : Inyiak Malako Nan Putiah ( daulu bagala Dt. Malako Nan Putiah )
Tampa laie : Bukiktinggi , 1936 ( 73 thn ) .
Nagari asa : Koto Tinggi, Kac. Baso, Kab. Agam , Suku : Malayu .
Karajo : Kini maingah-ingah cucu ( M.Ic. ) , daulu anggota Marinir TNI-AL.
terakhir Guru di SESKO ABRI di Banduang , pensiun 1989 .
Tampat tingga : Pem. Sawangan Permai , Pasir Putih, Sawangan , Depok. 16519 .
Telp/Fax : (0251) 861 3226 . HP : 08151455 5517 .
Demikianlah sakadar parkanalan diri ambo , tatompang salam hormat ambo ka Bpk. DR. Syaafrudin Bahar St. Majolelo, Bpk. M. D. St. Lembang Alam , Bpk. Syamsir Alam St. Sati, Ibuk Hj. Hayatun Nismah Rumzi dan selruh dunsanak warga Rantau Net . Mohon maaf kok salah manyabuikkan namo jo gala .
Wassalam dari : Inyiak Lako, 73, Depok . |
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner
===============================================================
Berhenti, kirim email kosong ke: [email protected]
Daftarkan email anda yg terdaftar disini pada Google Account di: https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
|
