Maa Angku Azmi Dt.Bagindo, Iyo sabana taicia ambo jo kato Minang "Talenta" ko, indak tahu ambo aratinyo. Paniang ambo maagaki, apolah kironyo arati kato Bahaso Minang "talenta" tu. Ambo cari dalam Kamus Inyiak M. Thaib St. Pamoentjak, 1935, indak basuo. Ambo cubo takok-takok, kok mungkin salah ijo atau salah baco "talanta" atau "talunto" atau "talunto-lunto" karano mungkin aslinyo tatulih "ta-lam-nun-ta" dalam Huruf Malayu atau Huruf Jawi kato urang. Tapi indak mungkin "talanta" karano "talanta" dimalayukan biasonyo manjadi "talantar", sadangkan "talunto" manjadi "talantur" ditulih "ta-lam-nun-ta-ra", atau bahkan "ta-ra-lam-nun-ta-ra".
Sudah tu takana pulo gaya kami katu SMP ketek-ketek, 1946-47, naiak-turun koretapi dari Biaro ka Bukittinggi, "naiak talen" jo "turun talen". Aratinyo gayanyo batunggu koretapi bajalan dahulu sudah tu baru naiak jo gaya "naiak talen". Kalau ka turun, masih bajalan koretapi tu alah turun, "turun talen" namonyo. Pendeknyo kalah kondektiur jo gaya talen kami. Baitulah malagakkan ego wakatu ketek-ketek. Kasudahannyo, ambo cubo lo takok-takok uwok saketek lai, mungkin koh iko katoasiang nan diadaptasi ka Bahaso Minang? "Talent" manjadi "talenta"? Ruponyo iyo, kato "talenta" masuak Bahaso Minang malalui Bahaso Indonesia diadaptasi dari Bahaso Asiang, "talent" (bakat) manjadi "talenta" tu. Baitulah kironyo pakambangan kato-kato dalam bahaso. Lapeh angah ambo sasudah mancaliak KBBI (Kamus Besar Bahasa Indonesia) ... Salam, Inyiak Sunguik --Sjamsir Sjarif --- In [email protected], azmi abu kasim azmi abu kasim <azmi_libra_kenc...@...> wrote: > > > Assalamualaikum w.w. > > Dunsanak sapalanta nan ambo hormati, > > Sebagai informasi, beberapa hari kemaren ko yaitu 15 - 16 Maret 2009 ambo > mendapek keharmatan dapek Undangan hadir dalam acara Minang Talenta 2009 di > TVRI. Acara ko terlaksana ateh keraja samo TVRI, pemerintahan Sumatera > Barat, dan BK3AM Jakarta. Acarako diadokan tentu dalam rangka mencari dan > meransang bakat penyanyi-penyanyi muda Minang Mudern. Dan beko > malam berlanjut Semi Final antara pemenang yang dari SUMBAR dan pemenang dari > DKI Jakarta. Dan Grand Final akan diadokan pada tgl 23 Maret 2009. Menuruik > ambo hal ko sangat bagus mudah-mudahan dapek melahirkan penyanyi-penyanyi > baru yang berbakat dan bernuansi Minang, sakitu sajo informasinyo, mohon maaf > jikok ado kesalahan dan terima kasih > > Wasalam, > Azmi Dt.Bagindo --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
