Sanak Suryadi jo urang lapau sekalian, Ambo tiok pulang yo lewat Dubai pulo, dari Monrovia, ibokota Liberia naiak pesawat UN ka Accra, Ghana. Dari Accra ka Dubai naiak Emirates. Transit di Dubai, lalu naiak Emirates pulo ka Jakarta. Ambo memang alun pernah kalua dari Airport, biasonyo sampai di Dubai jam 5.00 pagi, jam 9,00 alah tabang pulo ka Jakarta.
Dari Accra ka Dubai, yo banyak urang hitamnya, jo babaju jubah bawarna warni. Kadang2 takicuah bagai awak dek inyo, awak sangko muslim juo, tapi kaluang nyo ado salib.Tapikia dek ambo, kok pakaian ko inyo pakai dan jalan di Mall di Jakarta, baalah kecek urang yo, ambo caliak sarupo baju daster bagai bantuaknyo, kadang warna nyo padiah padiah. Baru masuak ka ruangan tunggu utk ka Jakarta, mulai lah raso di Indonesia awak, banyak urang Indonesia nyo khususnyo para TKI bapakain saragam. Mungkin bia gampang agennyo manandoi. Ado juo nampak rombongan baru pulang umroh. Pernah ambo duduak di sabalah cewek, inyo langsuang batanyo: "Mas, agennya siapa sih?". Pertanyaan khas TKI. "Maksud kamu?. Tantu jo logat minang ambo jawek. " Masak sih agen gak tahu?' Itu lho yang membawa kesini". Alun sempat ambo manjawek, inyo mangecek baliak " Trus, majikannya baik gak? Berapa sich di bayar satu bulan?. Akhirnyo ambo jalehkan lah bahaso ambo kasawah di Afrika, ndak karajo di Arab atau Uni Emirates Arab do, dst. Tapi ambo TKI juo. Tanggal 17 April bisuak ambo ka pulang pulo ka Indonesia, karano jadwal Emirates dari Dubai Jakarta barubah, ambo lamo transit di Dubai. Ambo tibo di Dubai Sabtu pagi jam 5.00, sadangkan Emirates ka Jakarta barangkek jam 4.00 pagi hari Minggu nyo. Kok ado urang lapau nan sadang ka sawah di Dubai, buliah lah kito basuo, awak cubo pai ka Desa nyo Emirates Arab, baa pulo lah kehidupan atau desanyo. Kalau Dubai, iyo lah banyak awak caliak beritanyo di tipi atau internet. Wassalam, Don lk, 47 th kurang 3 bln. ________________________________ From: Lies Suryadi <[email protected]> To: [email protected] Sent: Friday, March 20, 2009 9:08:46 AM Subject: Bls: [...@ntau-net] Fwd: DUBAI Iyo lain rancak nagari urang, lain lo kamek nagari awak. Lain lo lamak Amak Si Doland lainyo, kampuah ubi parancih. Lain lo ringan tangkai pangkua, asiang lo barek tangkai pena. Ambo pernah sakali singgah di Dubai ko, dalam perjalanan jo Aeorflot vlieg maatschappij dari Jakarta ka Moscow. Wakatu masuak ka ariport tadanga banyak "urang mandoa" dalam bahaso Arab. Ambo lah manampuang tangan sajo maamin. Kudian baru tahu bahaso itu pengumuman pesawat take off jo landing. Ampia ditinggakan Aeroflot ambo nan nak cigin manuju ka Shremetevo airport, Moscow. Batua gambaran nan dipostiangan di lapau ko: negara2 arab lah dilanda sistem ekonomi kapitalis. Bahkan labiah hebat lo dari Eropa lai, dari ma kapitalih ko mulai tumbuah. Prinsipnyo: balanjolah! balanjolah! paikan kepeang sabanyak2nyo! Kalau di kota Dubai jo Abu Dhabi iyo bakilek. Tapi di desa2 nun jauh di pelosok2nya a kolah nan tajadi. TV2 Eropa acok menayangkan anak padusi maiduang kuciang di Arab nan dijua dek ayahnyo ka laki2 tuo kayo pambayia utang. Antahlah. Salah satu prinsip utamo sistem kapitalih: MEMPERTAHANKAN SENTIMEN PASAR. Aratinyo....nafsu balanjo urang banyak ko taruih dijago. Ado surang kawan ambo (padusi) nan lah kanai pinyakik barek dek mitos sentimen pasar ko. Ampia tiok hari nyo ajak kawan2 ka pasa: "Eh ke pasar yuk, lagi diskon besar2an", kecek e. Jawek ambo: "Diskon tu tatap ado di toko2 mah 365 hari sataun". Bak kecek2 artetek di Kompas kapatang "Menimbang sistem kapitalis". Salam, suryadi =============== -~----------~----~----~----~------~----~------~--~--- --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
