Sanak Nofend yth. Karono namo ambo saketek alah tasabuik, ambo komentari beberapa hal sbb : 1. Masalah ikua bajelo-jelo sabananyo bukan masalah dalam dunia permilisan, karono merujuk thread diskusi. Hal iko handaknyo dapat dimaklumi untuak thread diskusi. Kadang urang langsuang mambukak postingan terakhir, nan lain dihapuih surang. Tapi kalau komentar-komentar singkat, iyo buliah agak tegas saketek. 2. Nan manjadi masalah paliang gadang di RN ko adolah ado masalah nan diulang-ulang taruih, walaupun alah jaleh jawaban dan penjelasan tantang itu diberikan. Mungkin iko paguno bagi peserta baru, tapi bagi peserta lamo tantu maraso maleh. Untuak itu, sabagaimano disingguang saketek oleh Miko, ado fasilitas search engine di yahoogroups.com. Sia nan kurang jaleh suatu masalah dapek manokok kato kunci, dan langsuang kutiko itu juo dapek sado postingan nan takaik masalah itu. 3. Kalau pun indak, urang dapua dapek menjadi moderator nan tegas, nan dapek membatasi diskusi-diskusi yang tidak perlu "secara substansial". 4. Sebagai contoh ambo sampaikan, sebagian besar masalah adat di milis iko alah dijawek atau diberi penjelasan oleh urang nan buliah saroto patuik. Contoh masalah harato pusako tinggi, sistem pewarisan, dll dapek diliek di : http://groups.yahoo.com/group/RantauNet/message/67535, http://groups.yahoo.com/group/RantauNet/message/64371, http://groups.yahoo.com/group/RantauNet/message/66470 Jadi buliah dipagunokan search engine tu untuak mandapekkan informasi. 5. Kemudian mengenai jargon-jargon bahasa, indak sado bahaso itu sasuai maksud dan penempatannyo di dalam budaya masyarakat masing-masing daerah. Contoh dulu pernah ambo sabuikkan istilah HAM, tantu indak dikenal dalam budaya Minang nan mungkin labiah mangharagoi harkat manusia di dalam kebudayaannyo. Juga istilah wakaf dll dalam kaitannyo dengan pusako tinggi. Mungkin juo istilah punah, walau ambo babeda saketek jo Dt. Bagindo, sabananyo indak tapek digunokan dalam terminologi keluarga, karono warih nan ambo tarimo: indak basijari basitompok, indaklah basapinjik basaganggam. 6. Secara khusus masalah nasab, ambo saketek babeda pandangan pulo dengan beberapa guru, seperti dapek diliek dalam diskusi ambo jo Rahima babarapo wakatu yang lalu. 7. Ambo mengkhawatirkan diskusi ABSSBK akan cenderung pada pemahaman terhadap pencampuran ataupun persekutuan antaro agamo dan adat. Kok alah tibo nan itu alah fanatik bana awak atau Kejawen pulo awak, sasuai nan pernah Dt. Perpatiah Guguak khawatirkan kapado ambo. Akibaiknyo adolah lendo-malendo, sipak-manyipak, atau pengaruh-mempengaruhi. Walaupun ABSSBK, paralu mindset nan dapek memperlakukan kaduonyo, sahinggo sasuai awak jo tuntunan agamo dan sasuai pulo jo kebiasaan masyarakat kito. Ambo pernah menyampaikan postingan lamo mengenai hal iko, nan tantu sasuai pemikiran maso itu. 8. Ambo taringek ukatu di Madinah, di masajik Ijabah. Ditarangkan sejarah tampek itu, ado 3 permintaan Rasulullah, 2 diijabah dan 1 ditolak oleh Allah SWT. Aa nan ditolak itu, yaitu keinginan Rasulullah agar umat beliau di belakang hari dapek disatukan pandangan dan pemahamannya dalam berIslam. Baitu komentar dan saran disampaikan. Talabiah takurang mohon dimaafkan sanak. Wassalam, -datuk endang
--- On Fri, 3/27/09, Nofend St. Mudo <[email protected]> wrote: Waalaikumsalam Mak Datuak Bagindo. Nan ambo tangkok dari pertanyaan Nyiak Sungik adolah, jikok kito mambaco di webgroup, mako akan sangaik panjang sekali kito turun kabawah untuak mambaco postingan atau tanggapan berikutnya, iko disebabkan saat kito mareply, kito tidak membuang email2 nan bajelo2 sabalunnyo, sahinggo sangaik bajelo2 ka bawah, jadi salamoko disarankan sesuai dengan footenote dibawah, manguduang disatiok postingan nan panjang dan atau jiko ingin menanggapi per paragraf, mako di jawab dibawah yg akan ditanggapi, atau mengutip email sabalunnyo yng memang alah mak datuak lakukan, cuman dek tabaok email sabalunnyo yang kadang sampai 5 replyan nan tabao panuah. Memang nampak, email2 dari mah datuak sabalunnyo tekirim beberapa kali, partamo dari email @rantaunet, nan kaduo dari yahoo, iko ambo pahami mungkin dek mangirim pakai email nan di @rantaunet.org mak datuak indak yakin bahwa mail tersebut terkirim, sahinggo maulang baliak pakai yahoo dek karano, email yang kito pakai di gmail/rantaunet tidak akan mengirimkan ke inbox kito apo yang sudah kito kirimkan, dan email mak datuak lewat @rantaunet.org lai taruih sampai ka kami2 di palanta ko. Sebagai salah satu rang dapua, ambo sangaik sanang dan apresia si nan tinggi tentang topik nan diangkek kini, walau sabalunnyo topik iko akan selalu dibicarakan dipalanta dengan kehadiran member baru, dan kebanggan ambo juo kapado Ura Ricky, nan ambo tau salamo ko baliau bergerak dibidang pertanian sesuai nan ambo pahami salamo bakarjo di banda Aceh ko. Untuak uda Ricky, Bravoo... kami manunggu pemahaman2 selanjutnyo. Ndak lupo juo terhadap pak Saaf, sahinggo diskusi tentang iko labiah barisi dan tabukak, ambo harapkan pak saaf selalu dengan ide2 baru perihal iko, sehingga kita atau kami nan mudo2 ko benar2 memahami apo nan tajadi dan apo sabananyo adat Minangkabau tersebut. Bundo Evy, Mak Datuak Endang nan alun nampak, pertanyaan buk Ifah nan selalu membuka jawaban2 nan sangaik emmbantu pehaman kami, minimal ambo, juo dunsanak2 nan ado dipalanta ko/ Mudah-mudahan penjelasan ambo diateh, bisa saketek menjelasakan ka Mak datuak bagindo, sabalun tukuak tambahnyo dari Katua Bandaro Atek Langik, atau bandaro Online. Wassalam Nofend St. Mudo --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
