Waalaikumsalam w.w. Sanak Lembang Alam dan para sanak sa palanta, Ambo marasokan apo nan Sanak Lembang Alam rasokan, sambia batanyo-tanyo dalam hati dima koh lataknyo masalah, mako sulik bana mampasatukan partai-partai nan badasar Islam ko. Mau indak mau tantu tapaso kito mambukak sejarah lamo, dari sejarah pacahnyo partai Masyumi dan tagaknyo partai NU, sampai pacahnyo PKB maso kini. Ujuang-ujuangnyo kan iyo masalah kurisi jo rasaki juo, bukannyo masalah Rukun Iman dan Rukun Islam. Tapi ado juo sisi positifnyo nampak dek ambo, yaitu pacah balahnyo partai-partai Islam indak sandirinyo baarti pacah balahnyo umat Islam. Partai kan indak persis samo jo umat. Hal itu nampak dari kenyataan mulai dakeknyo pimpinan dan kaum mudo NU jo Muhammadiyah. Jadi, mirip bak kato Nurcholish Madjid dalam tahun 1970-an dahulu : 'Islam yes, partai Islam no'. Dalam ukuran ketek,rasonyo masalah tu juo kito hadapi jo Minangkabau. Ambo sandiri alah lamo batanyo dalam hati, baa mako sulik bana mampasatukan urang awak, Minangkabau ko ? Tiok diajak bapikia pado tataran Minangkabau 'nan sabatang panjang', babaliak juo kaji ka nagari surang-surang.Akibaiknyo, mungkin indak banyak di antaro kito nan biasa manarangkan baa bana nan Minangkabau tu sacaro manyaluruah. Bahkan marumuskan apo nan kito mukasuik jo ABS SBK -- sabagai jati diri Minangkabau -- sajo alun juo bisa dituntaskan sampai kini.Alah balapia-lapia kito adokan pembahasan manganai ABS SBK ko, akhirnyo kan tasakek di masalah hukum kekerabatan jo hukum waris, nan ujuang-ujuangnyo kan soal harato pusako, hampia saroman jo panyabab masalah suliknyo mampasatukan partai Islam di ateh. Syukur Alhamdulillah, buku Christine Dobbin tantang kaik-bakaiknyo masalah ekonomi, Islam, jo gerakan Paderi, sarato buku pak Sjafnir Aboe Nain, alah maagiah pencerahan tantang asa muasa timbuanyo doktrin ABS SBK tu. Tapi baa juo, iduik bajalan taruih, parubahan tatap tajadi, baiak kito suko atau indak suko. Kanyataan hiduik punyo dinamikanyo sandiri. Susahnyo, sulik bana maajak urang awak ko untuak mancaliak kanyataan tasabuik , tamasuak untuak maadokan panalitian tantang baa sabananyo kanyataan di nagari kito tu, khususnyo parubahan sikap dari nan mudo-mudo. Tiok kito ajak mancaliak 'das Sein', diirik juo ka 'das Sollen', sahinggo ambo dapek kesan bahaso kito nikmat bana ba-'wishful thinking'. Wassalam, Saafroedin Bahar (L, masuk 72 th, Jakarta; Tanjuang, Soetan Madjolelo; Lagan, Kampuang Dalam, Pariaman.) "Basuku ka Ibu; banasab ka Bapak; basako ka Mamak" Alternate e-mail address: [email protected]; [email protected]
________________________________ From: Muhammad Dafiq Saib <[email protected]> To: [email protected] Sent: Friday, April 10, 2009 7:47:06 AM Subject: [...@ntau-net] Re: SERI NAN DI LUA TAMPURUANG 63: APA MAKNA HASIL PEMILU 2009 BAGI KITA ? Wa'alaikumussalaam wa rahmatullaahi wa barakaatuhu Pak Saaf jo dunsanak sa palanta di sabalik bumi Allah, Ado nan maiboan ati kalau di ambo, karano indak basatuno suaro umat Islam. Mudah-mudahan iko jadi palajaran untuak maso nan ka tibo. Saandaino PKS, jo PPP, jo PAN, jo PKB, jo PBB, jo PBR, jo PKNU basatu (ditambahlo jo PMB), mako marekalah nan saharusno manang. Tahun 2004 iko pulo nan ambo sadiahkan, banyak suaro umaik Islam tabuang sio-sio katiko itu. Kini bahkan akan labiah jaleh pulo lai, sabab manuruik pamahaman nan ambo dapek, partai nan indak mamanuahi saraik, kurang dari 2.5% suaro, mako suaro mareka akan hilang lanyok sajo. Paralu bana pamimpin-pamimpin umaik Islam ko basatu. Wa'tashimuu bi hablillahi jamii'an wa la tafarraquu (bapacik areklah kalian kapado tali Allah - jaan bapacah balah...) (Ali Imran - 103). Mudah-mudahan untuak nan katibo....... Wasalamu'alaikum Muhammad Dafiq Saib St. Lembang Alam Suku : Koto, Nagari asal: Koto Tuo - Balai Gurah - Bukit Tinggi 58 th / Jatibening - Bekasi 2009/4/10 Dr.Saafroedin BAHAR <[email protected]> Assalamualaikum w.w. para sanak sa palanta, Walaupun bukan merupakan hasil definitif, namun hasil 'quick count' sampai saat ini sudah dapat menunjukkan kecenderungan pilihan yang dilakukan oleh Rakyat Indonesia yang sangat majemuk. Syukur Alhamdulillah. Suara Indonesia, Friday, 10 April 2009 --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
