Alhamdulillah Mak Ngah lah mambaco carito dilua biasonyo, maklum anak rimbo..
Mungkin dunsanak-dunsanak lain lah panah mandanga carito maso saisuak tu (mudah-mudahan maso kini indak tajadi lai). Apokah dunsanak panah mandanga, tulang tangan atau tulang-tulang kaki nan basobok bapisah-pisah dek rang rami di ujuang sungai dek ulah "binatang atau makhluk nan indak jaleh bantuaknyo?", nah iko tajadi bana di daerah kami wakatu sakitar taun anampuluahan. Salalu tajadi. Ado nan manyabuik dek ulah inyiak (rimau). Ado pulo nan manyabuik dek ulah urang bunian. Allahualam. Satantangan namo madang namo kayu-kayu nan di rimbo awaktu, memang bana...... indak kulik manih indak kayu nan lain , yo....kayu-kayu gaektu banamo MADANG (kalau indak salah namotu dek ulah baumua sangaik tuo, yo Mak Ngah?).. Tan Lembang panah mambaco buku nan bajudua "TASAPO di RIMBO PANTI". Nah, ikopun cukuik langkok juo carito manganai antu bunian tu. Tapi, kalau dunsanak ingek, taun-taun saisuak (antahlah kini?), banyak pantangan di kampuang untuak manyabuik sasuatu. Labiah-labiah bilo ari lah agak kalam. Jaan mamintak tampian jo suaro kareh, jaan pulo malangkiangkan suaro manyabui kato kambuik (sabangsa kantong nan dibuek dari kumbuah/tanaman nan tumbuah di rawa, dapek juo dibuek dari pandan baduri), jaan manyabuik katidiang (karanjang nan dibuek dari rotan), dsb. Manuruik carito, itu adolah namo-namo rang bunian tu. Ado carito lain wakatutu, tapi unik, dari tatanggo sabalah rumah di kampuang. Wakatutu ari lah agak kalam. Inyo (wakatutu inyotu masih gadih, umua sakitar limo baleh) mancari uminyo (ibu), antah dima uminyo wakatu itu. Turunlah inyotu dari rumah. Kabatulan rumah-rumah di kampuang masih banyak nan pangguang. Dipanggianyo uminyo di lua rumah. Namun, uminyo indak juo mancogok.. Alhasil, sasudah sakian lamo indak muncua-muncua, tau-tau nampak dek nak gadihtu uminyo di bawah batang manggih. Uminyo tasanyum, dan mamanggia nak gadihtu. Sananglah ati nak gadihtu. Sabab lah basobok jo uminyo. Dihampirilah uminyo. Tapi, uminyo samakin manjauah. Taruih dikajanyo uminyo tu. Namun, uminyo tatap manjauah. Dikaja...dikaja...dikajanyo taruih......Samantaro di ateh rumah, dunsanak-dunsanaknyo lah heboh, nak gadih lah hilang. Malamtu juo dilakukan pencarian......Akhianyo anak gadihtu basobok juo.......tapi basobok di dalam hutan rimbo nan indak bapanghuni saincek manusiapun. Nah, siaaaaatu nan mambao? Mak Ngah jo dunsanak pasti tau jawabannyo. URANG ALUIH.....SI BUNIAN. Banyak carito lain, iko mungkin paralu sabagai PERBENDAHARAAN anak kamanakan awak nan indak mandapek palajaran di sakola tantang CARITO-CARITO GAIBko. Dikatokan indak mungkin taajadi, tapi.....iko-ko suatu kajadian nan bana-bana tajadi. Allah maha kuaso. Banyak hal-hal dilua tampuruang kapalo awak. Panah mandanga anak gadih tau-tau lah barado di ateh cabang batang kayu nan tinggi? Bagi urang kini mungkin ANEH, tapi wakatu daulu....itutu INDAK ANEH. Panah mandanga urang bisa mailang di baliak ilalang (alang-alang)? Suatu hal nan biaso wakatutu. Bunian atau apo namo urang-urang aluih nan lain, mungkin di lain wakatu awak carito baliak. Carito rantai nan diseret di malam ari. Urang nan basuku tertentu maningga, darah manetes di lantai. Bunyi kacang dikubak kuliknyo di malam ari. Salimuik kain panjang dijujuik-jujuik malam ari di surau, dllllllll. Beko awak carito baliak, tapi mambaconyo haruslah di malam ari. Haaa......ha....ha.....heeee.....heeee........heeee......Hiiiiiiii......hiiiiiii.......hiiiiii.........hiiiii...... Wassalam, Tan Lembang (L,52+) Lembang, Banduang --- On Tue, 4/14/09, sjamsir_sjarif <[email protected]> wrote: From: sjamsir_sjarif <[email protected]> Subject: [...@ntau-net] Urang Bunian To: [email protected] Date: Tuesday, April 14, 2009, 12:36 PM Aaha, Madang, Madang! Kulik Manih disabuik Madang juo ... :) Katu kami baduo bajalan pulang, ka tampek tepatan kami, baliau manunjuak ka pohon kayu kayu nan banyak. "Cubolah tanyo ka Urang Awak", kecek baliau, "Apo namo kayu tu?". Jawabnyo, "Madang!" Baliau tunjuak lo kayu ceik lai nan balain jo bantuaknyo jo kayu nan baliau tunjuak cako. "Kayu nan iko apo namonyo?" Jawabnyo, kecek baliau, "Madang".. Kok ditanyo la ciek lai, jawabnyo "Madang" juo. "Madang ka Madang!", kecek baliau sambia baaiau galak ka ambo.. Salam, --MakNgah Sjamsir Sjarif --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
