Ahaaa......Ahaaa........Ampiang Badadiah......... Mungkin carito Ibu Hanifah tu bisa dipakai dek nan mamakannyo. Tapi jauah dipalosok nagari, jauah di dusun-dusun, urang-urang gaek awak jo tekunnyo mamiliah sipuluik nan ka manjadi ampiang. Dipiliahnyo padi sipuluik nan rancak-rancak, dikatamnyo paditu manggunokan ani-ani. Ani-ani nan lah lusuah, salusuah umua induak-induak tu. Diambieknyo ciek-ciek padi nan lah baneh, kudian dikatamnyo. Dipindahkannyo untaian padi, satangkai demi satangkai dari tangan kanan ka tangan kirinyo hinggo panuah tangan kirinyo jo malai-malai padi. Tampak manggambuang urek-urek darahnyo dibaliek kuliknyo nan samakin tipih. Sasudah malai paditu lah agak banyak, dibaonyolah ka gubuaknyo nan reot. Paditu dirandangnyo, ditumbuaknyo jo lasuang baindiak. Dikumpuanyo bareh katan nan lah mamicak akibaik tumbukan urang tuo tu. Kudian ditumbuaknyo baliak padi nan alun tatumbuak. Samakin lamo samakin lamah tumbukannyo. Dan akhianyo, batu lasuang dikakehnyo, ditampi, dan ditumbuaknyo baliak. Aaaah, suaro tuonyo tadanga lamat-lamat. "Padi tu lah jadi ampiang" ungkapnyo di dalam ati. Kini dicaliaknyo pitihnyo di "kurapai" nan lah lusuah. "Cukuik, cukuik.....", tapi cukuik untuak apo awakpun indak tau. Tanyato, nan dimukasuik cukuik nyo urang gaek awaktu adolah cukuik untuak pambayia oto ka kota, untuak manjua ampiangnyo nan dibungkuihnyo jo kain marekan nan biaso dijadikannyo "lap" di gubuaknyo. Di tawarkannyo ka babagai restoran, cafe, rumah makan-rumah makan nan ado di kota, tapi indak saketek nan mamandang sinis ka urang gaektu. Ditawarkannyo jo harago nan miriang, tapi dek pambali tatap sajo bakarek pulo harago tu. Mako jadilah transaksi diantaro konsumen jo produsen, tapi....tatap sajo haragonyo sangaik-sangaik miriang. Dari pado indak tajua, urang gaek tu tapaso manjuanyo. Namun, haragonyo tanyato .....cukuik untuak ongkos baliak ka gubuaknyo sarato makan saminggu. Tapi, samangaiknyo tatap tinggi. Sasampai di rumah, takana dek rang gaektu bahaso kabaunyo alun diparah. Mako dibasuahnyolah ambiang susu kabaunyo. Diambiaknyo embe tampek susu, lalu diparahnyo kabaunyo lambek-lambek. Satalah panuah, embe tu. Lalu pailah inyotu ka balakang rumah, diambiaknyo ladiang, ditabangnyo buluah nan ado di balakang rumahnyo. Dipotong-potongnyo manjadi babarapo buah. Dibarasiahkannyo ciek-ciek buluah-buluahtu. Sasudahtu baru rang gaektu pai ka dalam gubuaknyo sambia mambao embe-embe nan lah panuah jo susu kabaunyo, baitu pulo diambiaknyo buluah-buluah nan lah tapotong babarapo buah tu. Lalu, ....dituangkannyo aia susu tu kadalam tabuang-tabuang buluah nan lah barasiah. Jo ati-ati dimasukkannyo aia susutu ciek-ciek ka dalam tabuang tu. Lalu ditutuiknyo tabuang-tabuang tu jo karisiak daun pisang nan lah ado di dalam gubuaknyo. Kudian tabuang-tabuangtu disandakannyo di dindiang gubuaknyo. Dipadiakannyo babarapo hari. Baru, sasudah tu, dikumpuakannyo tabuang-tabuang nan lah baisi aia susu kabau nan lah mambaku. Dimasukakkannyo ka dalam karanjang. lalu jo susah payah dijunjuangnyo karanjangtu manuju ka kota. Tanyato parasaiannyo samo katiko manjua ampiang, haragonyo tatap miriang. Tapi, jo sanyum dikulum, rang gaekko pun pulang ka rumahnyo, jo harapan ......mudah-mudahan ado nan ka dijuanyo di kota sasudah pitih di tangan indak basiso. Samantaro ampiang di cafe lah tasanyum pulo, sabab kawan lamo lah datang, untuak bakumpua basamo badendang ria jo susu nan lah banamo dadiah. Tapi, tantu sajo gulo merah sabagai dunsanak ampiang jo dadiahtu. Makanan khas nan manjadi harapan baru urang kota. Tapi,....... di dalam cafe tadanga suaro babisiak........"apo tu ni?".. "Ampiang-badadiah", jawek uni.
Wassalm, Tan Lembang (L, 52+) Lembang, Bandung --- On Thu, 4/16/09, hanifah daman <[email protected]> wrote: From: hanifah daman <[email protected]> Subject: [...@ntau-net] AMPIANG DADIAH To: [email protected] Date: Thursday, April 16, 2009, 7:11 AM AMPIANG DADIAH Mandanga kato ampiang dadiah Tabayang kisah kami katiko ABG Sangkek itu kami (aden, izur dan eni) Jalan-jalan ka pasa Bukiktinggi In dak takana di den li Apo nan kami cari katiko itu Nan jaleh tiok kapasa Kami pasti singgah babalanjo Mungkin bali sate mak ciak Mungkin bali miso di bawah jam gadang Atau bali soto bang karto Akhirno katiko paruk alah taraso litak Badan alah taraso panek Kami singgah di kadai soto bang Karto Katiko alah dapek tampek duduak nan kososng Kami caliak sakuliliang Nampak dikami urang makan sesuatu nan asing Kami saliang pandang dan saliang batanyo " Apo nan dimakan urang dun du ? " " Awak balilah " Kami sorak i palayan di kadai dun Kami kecekkan Kami nio saroman nan dimakan urang dun Sambia manunjuak ka mangkuak urang " Ooooo ampiang dadiah " jawek palayan Katiko alah tibo pasanan kami Langsuang kami cubo Den saliak si eni jo si izur Kancang suokno kateh Tibo di den agak lambek suok Ndak kaden makan, mubazir Den makan, paruikden den maloyo Ndak tahan den baun jo raso dadiah Den ansua sen lambek-lambek Akhia no abih juo Dek baselang selingi jo makan soto Salamo gon aden iyo indak suko susu Balain jo kaduo adiak den Bubuak susu di tambah gulo Dimakanno bantuak mamakan sagun Tu mah dek cangok makan susu mantun Bi santiang dan bi lincah no dari den Bengkulu, 16 April 2009 Hanifah Damanhuri --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
