Assalamu'alaikum Warahmatullahi wabarakaatuh
Pak Budiman nan budiman.. Carito apak ko maingek an ambo maso2 saisuak kala kutiko liburan di kampuang nenek ambo.. Tanaman sipuluik ko memang dek urang gaek2 saisuak salalunyo di tanam di suduik sawah.. Walaupun nenek2 jo Inyiak kito saisuak tu iduik (seperti) marasai cando itu..namun banyak nan indak kito punyoi kini jo suasana kampuang nan kito dapek I kini di rantau.. suasana kampuang nan nyaman sajuak..manyajuak an hati.. Salalunyo mereka tu ambo caliak..saliang sayang manyayangi..gurau bagurau.. panuah gumbira basanang hati.. Mode ndak ado nan kadirusuahan. senyum manih juo di wajah baliau2 tu tiok dicaliak.. Nyaman bana rasonyo maingek saisuak dulu di kapuang kami nan dikuliliangi dek bukik barisan tun, ado bukik kaluang, ado bukik durian ado rimbo manduang, ado bukik kawin, ado bukik kuliriak (mode carito Mak Ngah) Disinanlah ambo maso2 ketek saisuak mandapek an carito2 jo dapek main jo sapueh hati. Mulai dari manangguak bada.untuak di buek ampok. Mamanen galu-galu..sudah tu di randang trus ditumbuak dimakan jo campuran karambia nan ditanam di parak ditaburi gulo.. Hm lezat tenan.. O iyo..galu-galu adolah tanaman padi nan tumbuah baliak sasudah di panen, dipadiaakan sampai padi ko babuah baliak..tanamannyo jadi kuruih2 kutiko lah ditampi sasudah dirandang tu..dapeklah buliran galu2 nan babantuak buliran bareh nan rononyo hijau.. Mamanjek batang cubadak untuak diambiak putiaknyo..lalu ditumbuak di lasuang ditambah lado sirah jo garam jo penyedap..dimakan di carocok daun pisang..hmm sueegerr rek..rasono.. Mancaliak Inyiak2 mambuek batu akiak.manggubaloan itiak..mamapeh bada di tabek..malukah..baluik di sawah.. Baraja manjaik..manyulam..wah.. mambuek hati lintuah.. mato baraia. .......... --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
