Sanak yth, sato saketek. Dari buku Sejarah Kota Makkah nan alah diterbitkan dalam babarapo versi bahasa, lai ambo bali kapotang di Makkah namun kini indak basuo lai, disabuikkan memang pasukan Gajah datang dari selatan/tenggara (Yaman). Kajadiannyo 40 tahun sabalun Rasulullah lahir, dan tampek kajadiannyo di Muzdalifah-Mina kini. Motifnyo memang menghancurkan Ka'bah, karono talampau banyak urang beribadah 'haji' maso itu, sumantaro Abrahah nak ingin urang pai ka tampek inyo. Abdul Muthalib maso itu masih mudo, dan menjadi pelayan rumah Allah (juru kuncen)untuak urang-urang nan baibadah ka Makkah. Baanyo inyo manjadi juru kuncen karono baliau lai manamukan sumber mata aia zam-zam nan alah takubua sakian lamo satalah maso Ismail a.s. Disiko disabuikkan bilo haji adolah syariat Nabi Ibrahim a.s. nan disamparonokan oleh Rasulullah saw. Kalau buliah ditarik labiah ka balakang, syariat haji alah datang sajak maso Nabi Adam a.s., atau tapak itu alah ado maso itu. Jadi sabananyo Ibrahim a.s. membangun baliak Ka'bah berdasarkan 'suatu petunjuk' nan alah ditinggalkan oleh Adam a.s. Baitu tukuak-tambah nan ambo sampaikan. Wallahu 'alam. -datuk endang
--- On Fri, 5/1/09, Fitr Tanjuang <[email protected]> wrote: AslmWrWb Pak Arman, dek caritonyo mengalir sarato lamak dibaco, ambo kiro iko alah jadi salah satu versi resmi sejarah Minangkabau. Makonyo ingin pulo ambo tau referensi jo rujukannyo. Tapi kok alun resmi lai, alun pulo diuji dek pakar2 sejarah, kita anggap sajolah dulu tambahan bahan dari berbagai bahan nan adoh. Nan jaleh, ambo masiah manunggu kelanjutan carito ko. Kalaupun indak bisa kajadi buku sejarah resmi, mungkin bisa dijadikan novel sejarah..:)) Btw, Abrahah satau ambo rajo Habsyah Ethiopia nan baagamo kristen, Pak. Bukan rajo Yaman nan adoh di bawah pengaruh Persia wakatu itu. Wassalam fitr tanjuang lk/34/Albany NY On 5/1/09, Arman Bahar <[email protected]> wrote: Assalamaualaikum ww Nyiak Sunguk, sanak Suryadi, Fitr sarato mamak dunsanak nan dirahmati Allah Talabiah dulu ambo mohon maaf bahwa ambo iyo indak mancantumkan sumber rujukan dek karano kito kan indak sadang mambuek skripsi atau nan sejenis itu apolagi untuak tujuan komersil Memang sih saketek banyaknyo tantu ado kito ta-pangaruah dari banyak sumber seperti majalah, bulletin, koran2 usang maupun klipingan koran2 usang antah itu dari Republika, Kompas, Sinar Harapan, Riaupos tahun2 katumba (saking indak ingeknyo ambo taun bara lai) Jadi kok indak tacantumkan referensinyo karano tulisan tu kan comot sana comot sini dari kliping koran maupun bulletin nan indak pulo tabaok tanggalnyo lai doh mako jadilah hidangan ala kadar dilapau Ciek lai go mak, dek tulih manulih dimilis ko kan ka-ganti parintang2 ati bak kecek mamak juo go eh ambo pinjam istilah mamak “ota dilapau” kan raso2 no indak ado pulo ketentuan harus dicantumkan rujukan Kadang2 kito sasudah tabaco surek kaba Padangexpress misalnyo di-relay pulo dilapau, sudah tu kan tasarah kito kok ka masuak talingo suok kalua talingo kida, namonyo sajo parami2an ota lapau Nan namo no lapau banyak beko du nan bukan ahli sijarah tibo2 men ano manjadi seperti ahli sijarah alias pakar dadakan, ano indak politisi bagai doh, tibo2 ano manjadi politisi beken, kan biaso sajo du baa gak ati mamak & dunsanak du? Ambo suai jo mamak sual Abrahah dengan pasukan bergajah ma-invasi Makkah, sekedar tambahan go eh bahwa Abrahah geram bana baa kok rami taruih urang pai ba-ibadah ka Makkah pado hal si Abrahah rajo Yaman ko lah panek ba-abih pitih mambangun tandingan yang lebih mewah dan fasilitas sangat2 lengkap bahkan dilengkapi cewek2 cantik nan buliah dibaok ma-unjua jo bagolek tapi nan Ka’bah Makkah batambah rami juo urang pai beribadah kiun dan alun nan lain nan sakadar berwisata religius kasinan Kok lah rato jo tanah Ka’bah tu barisuak kecek Abrahah tantu pindah urang ka Yaman sudah ko lai, Allah berkehendak lain Insya Allah mak, kok indak panuah ka-ateh panuah kabawah, kok lai takana dek ambo, kito cantumkan mo lah, kok nyampang indak bikoh, bia lah kito pado2kan sajo sado nan ado, sabab kadang2 kan baitu mah dek mamak, kok sadang namuah hati tabukak pangana kan bak aia ma-ilia sajo pa bilo pulo wakatu ma-urus rujukan, talabiah kadang kito bantuak ta-kaja2 dapek duduak sa-banta duo banta dimuko kompor go Wasalam abp --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
