SINETRON OPELET CB
Episode :SITOKAR KALIANG BAONGOK DALAM BONCAH
Sikaliang yo lah baluluak sansai badanyo sajak maambua-I tabek kariang
dimuko laman rumah Bu Dosen di Sungai Tanang, iko dek ide gilo si Rina
ma hape Bu Dosen nan keceknyo “Onde Uni ..yo santiang bana sitokar
kaliang tu..gadang salero bana nyo yo, sup ikan tenggiri tu ka untuak
Uni bana ambo titip,
abih loh dek sikaliang..disosohnyo ..tundo sajo sikaliang ka tabek
kariang Uni nan sadang dibongka ikannyo tu”
Ndak do lai..sepersekian datiak sajak ide si Rina ko, Ibu Dosen nan
batugeh di Bengkulu ko lansuang manundokan sitokar kaliang opelet CB
ka tabek kariang., tapi tabek ko lai baluluak lunak sitokar nan
badannyo yo abih dek luluak lai indak patah-patah sikaliang do, malah
sanang riang gembira sajo hatinyo didalam tabek tu bantuak anak TK
dapek balon warna warni riang gembira sikaliang ko. Bajadi-jadi pulo
inyo main luluak..lah inyo lempakan lo luluak ko ka Bu Dosen…ndak do
lai nan Bu Dosen ko basorak-sorak ka sitokar nan sadang enjoy bamain
luluak sambia manangkok ikan kaluih dalam tabek nan angoknyo tingga
ciek-ciek
Luluak nan inyo lempa ka Bu Dosen tapek bana kanai baju kuruang bakodek Bu Dosen
“Kaliangggg..kaliaaangggg..alah tu..caliak lah kodek Uni lah
baluluak…Uni ka pai kabalai ha..jaan bamain luluak juo lai..yo ampun
Uni jo sikaliang ” Bu Dosen..bacilotet mamberangan si kaliang..sambia
mambarasiah kodeknyo nan baluluak
Sitokar kaliang ko yo mantiko bana..sambia galak-galak..inyo basorak ka Bu Dosen
“Bu Dosen..Bu Dosen Matikan Kompor…Mati kan Kompor…jaan lupo kok
salasai mambuek lamang sarikayo…Mati kan Kompor”
Bu Dosen ko lari sajo lai kaateh rumahnyo sambia maampokan luluak
saganggam ka sikaliang nan bamain-main luluak di tabek, tapek bana
luluak ko kanai dipuncak hiduang sikaliang nan mancuang ka dalam
(hik..hik..rasain lu)
Samantaro sikaliang kalimpanan matonyo dek luluak, badariang
henponnyo, kironyo talepon dari juragan opelet CB
“Kaliang..kaliang dima waang…karumah lah dulu..ko opelet alun bacuci
lai”kecek juragan
“ngggg..ambo di tabek sungai tanang Pak…dirumah Bu Dosen..ditundoannyo
ambo dek Bu Dosen ka tabek kariang” Jawek sikaliang
“Capek lah kamari jaan mambantah juo..ditunggu bana” baleh juragan
Sikaliang mandanga perintah juragan inyo ndak mambantah lai, ndak
paduli badannyo nan baluluak lansuang kalua tabek balari-lari ketek ka
rumah juragan opelet CB.
“ondee..kaliang..kaliang..den caliak badan waang lah baluluak sansai,
ikuik manjadi bintang pilem “baongok dalam boncah lo waang kaliang”
garah juragan
“he..he..iya kale..juragan..ambo jadi piguran nan marasai dalam pilem
“baongok dalam boncah du”..dalam sekuel pilem tu..ambo yo bananyo
juragan..disuruah surtardar..ehhh sutradara manyilam sambia baongok
dalam lumpua tobek du” sikaliang mambeleh garah juragan
“Pai lai cuci opelet ko manjalang jumatan…mandi barasiah waang sakali,
beko kok lah salasai sabalun manambang awak jumatan dimusajik dakek
simpang padang lua, ambo ka jadi Khatib dimusajik tu” kecek juragan
Sikaliang patuah sajo, inyo larikan opelet ka sungai, lah bajadi-jadi
lo sikaliang ko main aia sambia manyuci opelet jo mambarasiah badannyo
diluluak
Sikaliang ko kok basobok luluak jo aia..kok gadang bana ati nyo yo…
Antah lah anak sia..lah sabananyo sitokar kaliang..nan suko asal ko ha.
***
Wass-Jepe
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain harap mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===========================================================
Berhenti, kirim email kosong ke: [email protected]
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
