Dear Ricky jo Rina Ndak kabatanyo gai ka ambo masalah lokan malokan ko nan bajari2 cantik lokan kecek si Rina tu kalau di Mentawai atau urang awak manyabuiknyo TARONGEK..iko ambo makan mantah sajo jo kecap atau sambal botolan..diampok kuduak tarongek tu sampai pacah..lalu dikaluakan isinyo dimakan as nyo sajo..warna putiah kakuniang2an..lunak-lunak kenyal lepohkan ka sambal botolan tu..mmm..ndak lai..lain lo sensasi makan isi lokan tarongek nan mantah ko
Nan kaduo lokan tampek lalok sinetron Jinny oh Jinny tu..nan gadang ado gai nan sagadang niru tampian bareh tapi rato2 nan ambo dapek salaweh piriang makan si Tarzan pelawak Srimulat..lai tabayang..tu Namo lokan ko KIMO, cangkangnyo biaso dibuek karajinan sarupo asbak rokok. Itu nan dimukasuik BIA LOLO tu ndak Bang Miun.. Kimo memang diabuih dulu..beko tabukak surang mah..ambiak isi dalamnyo barasiah nan bakalenyai..nan paliang lamak as nyo juo nan bawarna putiah, biasonyo ambo cah jo kangkuang/lalidi..padekan saketek cah kangkuang jo raso jahe..jahenyo diirih2 agak banyak sagadang korek api..ditumis ..jo lokan Kimo ko.. Mmmm..rasonyo..baa kecek urang singkil tu Hagram pek kok bahaso jawanyo UEEENAKKKK ..TENAN BEIBEHHHH Tapi kok malam ka lalok badan “damam paneh” manangguang ragam ? atau manangguang seso, jaan salahkan lokan Kimo, salahkan badan diri nan gadang salero yo he..he..he Si Rina ka pai mamapeh lo lai..yo hibaik sangaik nyonya Permadi ko namuah nah ati e..pai mamanciang... ditunggu caritonyo ..apo hasil jo pengalaman inyo mamapeh tu ambo sadang manyiapkan tulisan pengalaman ambo pengalaman mamanciang di Pulau Sipora Mentawai nan seru...tunggu sajo yo jam tayangnyo. iko tulisan be genre KULINER DAN TRAVELING Opelet CB Sabtu minggu ko perai lu manambang masalahnyo Toke jo Sitokar ka manari, banyanyi jo Bapantun Have a nice week end...sanak sadonyo Salam Angek jo Erat-Jepe Pada tanggal 15/05/09, rinapermadi <[email protected]> menulis: > > Adoh Uda Ricky, > > Lokan mode iko ko baru2 ko ditamukan di peraian sekitar batam ko tamasuak > nan langka malah > Dek ukurannyo ampia duo meter, tapi tampeknyo dirahasiaan dek takuik di > eksplorasi. > > Banyak macam lokan yang kami tamui, tapi yang spesifik adolah gonggong > Ado pulo yang gadang sagadang tinju, sarangnyo bajari2 cantik.. > Caronyo iduik2 tu diabuih 5 minik di aia manggalagak masuak an bawang putiah > dipinyak sen jo garam saketek..sudah..tandas sp gonggong terakhir..apo lai > dikawanan minumnyo jo red bull..mantap meen..hehe > > Kalo lokan 3 x tapak tangan tu dulu saisuak kalan di pantai bunguih kami > acok dapek > Tapi rina ndak sato makan ukatu tu do.. dek dipatakuik an abang kalo tasapik > dek lokan tu lansuang putuih tangan awak > > Di perairan sekitar Pulau petong tu aianyo sabana janiah > Setangah lingakaran pulau panuah terumbu...tapi ndak barani masuak > do..takuik ado yang manyangek dek banyak nampak ubur2 merah..ado lo bulu > babi.. > Kok nan barasiah garik juo..kayaknyo masih alami bana.. alun ado jajak urang > laih.. > Untuak tau ndak ado jajak urang disitu, adolah indak basobok sampah agak > ciek bagai > Kok nan dakek peraiaran batam..wah..betumpuak sampahnyo.. > > > Wassalam > Rina > > Btw, Thanks tipsnyo..bialah bisuak rina baranian untuak mancarinyo.. > > > > -----Original Message----- > From: [email protected] [mailto:[email protected]] On > Behalf Of [email protected] > Sent: Friday, May 15, 2009 11:32 AM > To: [email protected] > Subject: [...@ntau-net] Re: PANAWA TANGAH PANEH PART 2 JO GARAH > > Dear Rangkayo Rina, > > Apokah di daerah itu ado LOKAN GADANG? Kok di Indonesia bagian Timur namonyo > BIA LOLO. > > Bantuaknyo saroman lokan, tapi gadangnya nyo labiah gadang dari 3 talapak > tangan. Kok ado, cubo cari. Kok dapek, lalu bukan lokan tuch, lalu siramkan > air limau kapeh campua garam dan baka diateh api kiro2 5 minik. > > Makan jo kecap manih + irisan bawang + lado kutu,.....atau makan baito se > indak baa juo doch. > > Seddddddaaaaappppp...... > ruaaaarrrr biasa......hagram pek (kata orang Aceh Singkil). > > Salam, > r.a > Powered by Telkomsel BlackBerryR > > -----Original Message----- > From: "rinapermadi" <[email protected]> > > Date: Fri, 15 May 2009 11:17:59 > To: <[email protected]> > Subject: [...@ntau-net] Re: PANAWA TANGAH PANEH PART 2 JO GARAH > > > > Manolah Adidunsanak Salapau, > > Ambo bisuak ka pai maulang carito baliak ka Lompong ikan di antaro Jembatan > enam Barelang jo Pulau petong, Da Jepe kok nak tau pulau petong search sajo > di mak goegle > > Ambo sabana heran baa dek ndak banyak basobok nelayan disinan, padohal > banyak potensi, dakek pulau se awak lah basobok jo ikan suaso (kembung) atau > selar, nan biasonyo dipanciang di lauik dalam, nan arusnyo kuek... Kironyo > urang pulau ndak dapek distribusi BBM..SUbhanallah.. > Alun merdeka mereka kironyo laih...PR untuak nan ka duduak di kurisi > labuak.. > > Apo hubungannyo jo serial awak ko? Masalahnyo ambo lah di cukia2 untuak > malanjuik an serial ko, tapi utak ambo raso ndak bisa mamikian nan lain > kecuali ganyuik ikan nan taraso bbrp minggu kapatang di pulau petong > tun...nan memang ndak bisa dibali..baa gak ati Mat Jepe du?? > Ikan Sagai (kue), Ikan ayam2, ikan kerisi, suaso jo selar nan naiak sakali > tigo...sabana liar...dek ambo mamakai panciang ketek, bukan utk ikan > gadang...taraso duu?? Mat Jepe?? > > Ado juo ikan nan gadang dapek dek si tukang pancuang sabarek 18 kg mirip kue > tp panjang...sabana latiah manaik an..kalo ambo bialah indak kalo sabarek > itu..mah ari panjang laih utk manaik an sagai, selar jo suaso..yang saiz > kecek urang pulau..o yo..sanak.. ikan nan saiz ko adolah ikan nan baukuran > satapak tangan, sdg elok utk dibaka, rancak duduaknyo di basi > bakaran..itulah nan berharga jual tinggi, kalau nan talampau dari itu mako > haragonyopun tajun lo..biasonyo utk fillet nan akhirnyo jadi ikan asin.. > > Haaa... jadi lah bakalaaran carito ambo.. mbo sato juolah salayang masuak ka > dalam serial CB ko, Haa...baa kecek Toke sasudah tibo Si Kaliang di mukonyo > mambaok opelet CB ko nak ka pai Jumaaik, > > Toke : Ndee... Kaliang..iyolah santiang luluran tadi mah yoo?? > > Kaliang : Baa tu Toke? > > Toke : Yoo caliaklah kulik waang putiah. > > Kaliang : Putiah baa ko Toke? Sambia malu2 tersipu2 dek dikecek an putiah. > > Toke : Iyo putiah dek mangareseang... > > Kaliang : (galak pencong) yaa Toke.. samo sin Toke jo si Rina mah..lah > sudah > diangkek tenggi2 sudah tu diampehan lo dalam-dalam..sabana > ..teganya..teganya..teganya.. :-) > > Wassalam > Rina, 32, batam > > > > > > > > > > > > --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
