| Dunasanak sa RantauNet. Iyolah rami bana 'nan takajuik' jo dukungan Pak Gamawan ka SBY-Budiono. Ampia samo raminyo jo nan mandukuang Pak JK-Win (sabagian alasan karano ado Bu Mufida) alias calon Partai Golkar. Kalau ambo maklum sajo karano nan sabagian memang 'pendukung' (bahkan 'tim sukses') JK-Win. Jadi takajuik ko iyo nampak tinggi lonjaknya. Satantang Pak Gamawan, sapanjang pangatahuan ambo (dan mungkin ado pulo nan labiah tahu dari ambo), iyo alah cukuik lamo diam-diam mandukuang SBY. Nampaknyo beliau ko labiah kagum ka SBY dibandiang JK. Kalau mamiliah inyo sanang SBY-JK tetap langgeng, tapi arah politik lain, dan Gamawan tapaso mamiliah. Manga nyo mamiliah? Guyonan mambidik Menteri alah cukuik lamo tadanga (ado nan manyindia ka jadi Menteri Aparatur Pendayagunaan Negara, ado pula Mendagri). Makin kancang sindiran ko setelah inyo 'memproklamirkan' indak ka mancalonkan jadi Gubernur baliak untuak periode kadua. Tapi tadi (Minggu) Pak Gamawan mangecekan bukan karano mambidik Menteri inyo memproklamirkan indak ka mancalonkan jadi Gubernur (iko tantu batua, masak iyo maharok balam tabang tinggi punai di tangan dilapehkan, indak mungkin rasonyo!). Nan mungkin, inyo alah bosan jo caro Pilkada nan mesti bantuak dagang sapi di partai dan mesti manyadiokan dana kampanye nan banyak (nan dakek jo proses pencalonan ampek tahun lalu pasti tahu baa alotnya Gamawan mancari partai sampai dapek PDIP jo PBB). Nan bisa ambo tangkok dari Gamawan adolah: urangnyo penuh perhitungan, tarutamo dalam kariernyo. Ambo takajuik pulo katiko Pak Gamawan maju sebagai deklarator. Bahkan inyo nan mausulkan 'SBY-Berbudi'. Kalau kecek Gamawan inyo indak bisa manolak karano SBY bana nan maminta. Manuruik ambo: mungkin dalam pikiran SBY jo Gamawan samo, kalau indak maju Gamawan dalam forum 'dukungan serius' itu, apo pulo 'tiket' untuak Gamawan bisa ditunjuak sebagai menteri jiko SBY manang. Bersiaplah takajuik jiko Gamawan mungkin akan jadi jurkam SBY-Budiono. Bersiaplah kawan-kawan dan mandukuang JK-Win atau Mega-Prabowo di Sumbar untuk bikin strategi mangalahkannyo. Apokah Gamawan melanggar hukum ikut dalam deklarasi SBY-Budiono (baik sebagai gubernur maupun sebagai PNS)? Tanyo ka Panwaslu pasti jawabannyo klasik: Pilpres alun mulai, itu indak masuak pelanggaran, di luar garis. Apokah Gamawan mengkhianati PDI P dan PBB, iko manuruik ambo indak ado dalam kamus politik doh, karano Gamawan bukan kader kadua partai tu. (Apolagi PBB mandukuang SBY, kecuali PDIP mandukuang Mega). Apokah Gamawan tidak etis sebagai kepala daerah? Ikolah konsekuensi kalau kepala daerah dipiliah berdasarkan pemilu, inyo jadi kepala daerah karano dukuang mandukuang. Apolai kalau daliahnyo hanyo sebagai tokoh Sumbar. Manuruik ambo Pak Gamawan iyo agak talongsong manjadi kapalo jamba deklarasi dukungan terhadap SBY-Budiono. Maliek hadir sajo di TV langsuang ambo kirimi ciek sms: "Alah terang-terangan mah Pak mandukuang SBY?". Gamawan alah mangaluan kartunyo. Manang atau kalah tagantuang pulo kartu 'lawan-lawannyo'. Ingin memberantas korupsi di birokrasi, ingin menata pemerintahan lebih baik, tantu harus melalui politik praktis. Kito indak bisa berandai SBY-JK atau Gamawan mendukung JK bukan SBY. Itulah politik. Etnis dan geografis indak bisa mambuik urang satu pemikiran, tapi berbeda pilihan untuk (mudah-mudahan) membuat Sumatera Barat dan Indonesia lebih maju. Langkah Gamawan nampaknyo mesti awak haragoi selagi indak melanggar konstitusi, hukum. Baitu pulo langkah Urang Minang lainnyo untuak maju taratumo di politik. Maaf talampau panjang, maaf kalau indak pado tampeknyo. Syof (38+/Padang) --- On Sun, 17/5/09, Boediman Moeslim <[email protected]> wrote:
|
New Email names for you!
Get the Email name you've always wanted on the new @ymail and @rocketmail.
Hurry before someone else does!
