Wa'alaikumussalaam wa rahmatullahi wa barakaatuhu
Dek ambo taimbau dek nyiak Sunguik, sato saketek sajo ambo. Istilah mandaruah ko indak ado tadanga di ambo do. Tapi karajo sarupo mandaruah nan disabuik Mantari Sutan ko acok ambo karajoandi tabek di balakang rumah. Tabek tu tirih, jadi acok kurang ayiano. Di dalam tabek ko ado kotak basi nan dipuruak-an (mungkin dek mamak ambo) ka dalam tabek. Dalam kotak basi biaso mandok ikan kalang (kinkalang = limbek). Ambo sangaik bana pandai mancakau kinkalang nan basangok tu katiko awakno di dalam kota basi tu. Diresek kotak tu basilambek, takaca kapalo kinkalang ko, dipacikan lambek-lambek, sudah tu dikapik-an di antaro tunjuak jo jari tangah kapalo kinkalang di bawah kaduo sangokno. Tatangkok lah kinkalang nan sasudah itu langsuang di barasiahan, langsuang digoreng. Mamapeh baluik ambo hanyo jadi panonton sajo, sabab indak saba mandaceh-daceh dakek liang baluik tu. Nan acok ambo karajoan manganak, malatahan papeh sampai saratuih bual labiah di batang ayia, sanjo hari lalu ditantui subuah-subuah. Wasalamu'alaikum Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi 58 th, Bekasi ----- Original Message ---- From: sjamsir_sjarif <[email protected]> To: [email protected] Sent: Sunday, May 31, 2009 3:00:51 AM Subject: [...@ntau-net] Re: Mandaruah!! Assalamualaikum warhmatullahi wabarakatuh, Rancak caritonyo; memang ambo hindakan bahasan nan barek-barek. Dengan "sungai" di siko, apo mukasuiknyo sungai nan gadang-gadang saroman Batang Sinama, Batang Umbilin, Batang Masang, Batang Anai dsb? Atau "batang aia", atau sungai-sungai di darek nan ketek-ketek, saroman di kami di Agam Tuo Utara, Batang Aia Tambuo, Batang Katiak, Batang Aia Gadang, Batang Aia Sikabu, Batang Agam? Di daerah maa istilah "Mandaruah" tu? Di Ampek Angkek tadanga di ambo "mararuah", tapi mungkin ambo salah sabuik atau beda arati. Mararuah sato jo kaki. Kalau mandaruah dalam carito iko saromam "mancokok" bada di kami. Tapi iyo hati-hati awak marosok-rosok ikan tu, apo lai manyuruakkan tangan ka lubang-lubang sqarang ikan tu. Kadang-kadang ado ikan kalang (kinkalang) nan basinngok, bisa luko tangan awak. Mandanga carito mandaruah ko, takana lo bukan sajo mancokok ikan tapi mancarik baluik disawah-sawah. Namonyo di Ampek Angkek, "maonja" baluik, atau "maoyak" baluik. Tapi kalau malam-malam namonyo "manyuluah" baluik. Sabab dibawo suluah nan biasonyo dari kuduangan karet oto atau bendi. Kalau tampak baluik dilakak jo pungguang ladiang. Angku Lembang mungkin sanang bacarito pai manyuluah baluik di Ampek Angkek ko ko... --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
