Da Jepe nan santiang manulih carito, Sarato adidunsanak penyimak setia palanta nan budiman,
MONEN EPISODE ANAM SATANGAH…. Sungguah mandalam carito Da Jepe sakaliko karano manyangkuik urang sakampuang Monen. Taraso dek ambo baalah katakuik an no urang tarutamo si Monen dalam kisah ko. Monen nan notabene adolah “ rakyat” sedangkan Pi’I manguasoi keadaan, tapi sayangnyo kondisi Pi’i sadiang “gilo baladiang”. Sungguah amat disayangkan memang jika potensi Pi’i yang sabananyo dulunyo adolah urang santiang. Konon kabarnyo Pi’i ko adolah jebolan Universitas santiang di nagari santiang satinggi langik tengginyo. Cuma dek karano pas kalua rumah turun janjang dek tagageh ka pai maagiah “seminar santiang” nan dihadiri oleh saganok urang2 santiang di nagari santiang ko, ndak nampak dek Pi’i ko kalo ado anjiang gabak paburu tapauik di bawah janjang rumah no. Anjiang ko tapijak ikua no lansuang manggigik si Pi’i tapek di batih no. Ukatu anjiang ko lalok dibawah janjang rumah Pi’i ko, banyak anak-anak (kalene2) nan bamain-main disinan. Ado nan main kulereang, ado nan main kajaih, adoh nan main sipak tekong bagai. Mancaliak si Pi’i digigik anjiang ko bukannyo manolong kalene2 ko tapi bajadi manggalak an si Pi’i nan sadang badandan parlente ko. Masalahnyo Pi’i ko biaso no indak adoh maengong kalau lah lalu dimuko rang rami doh, mah awak sadang diateh pucuak bana. Basoraklah kalene-kalene ko.. OOOiiiii Da Pi’i digigik anjiang……. Sabanta laih jadi giloooo…. Awas rabies.. awas rabies……… Bajdih jadih kalene-kalene ko basorak…. Tamanuang Si Pi’i maagak i kaki no nan kanai gigik anjiang ko.. panjanglah manuangnyo.. Kok iyo kolah anjiang gabak ko barabies? Kok lah masuaak pulo kuman rabies ka dalam darah den, ondeh mandeh maaakkk. Baa lai kaka gohhh… Lah panjang manuang si Pi’i ndak takan laih kalo nak ka agiah seminar di muko urang-urang dareh nan santiang-santiang…. Dek sabana tajam sorak sorai anak-anak ko ka gandang talingo si Pi’i sampailah bajadi-jadi panjang manuangnyo sahinggo ndak tantu makan, ndak tantu di hari sanjjo bagai lai doh. Dek awak tingga surang pulo nan lai adoh hanyo pambantu pulo.. Dek lah takuik jo gulagaik nan tabedo, mah lah tabang ambua pulo pambantu-pambantu si Pi’i ko. Kok bauwek-uwek tuan den ko bamanuang panjang sambia sakali-sakali lah galak-galak surang sudah tun lah galak-galak badarai lo surang adoh loh sadang lalok lamak mamakiak-makiak surang. Rancak den pai bajalan laih. Pailah si pambantu ko ka rumah dunsanak apak, sumando ibu, pak etek dari aciak no nan rumah no balancik-lancik an jo urang dareh di kampuang si MOnen. Dikabaanlah ka baliau ko sakaligus mintak baranti karajo. Sajak itulah si Pi’i diuruih dek dunsanak apak, sumando ibu, pak etek dari aciak no nan rumah no balancik-lancik an jo urang dareh di kampuang si Monen. Dari carito di ateh adoh ciek nan indak bisa disamoi si Monen ko, masih ikik si Pi’i ko , aa tu du? SI monen kalo salah masih dijarek hukum tapi kalo Pi’i ndak ado nan bisa manjarek-jarek nyo lai doh. Sakitu dulu carito hambuih-hambuih dari ambo sebagai serial Monen 6 ½ Ambo copypastean pulolah kato2 Mat Jepe cando dibawah ko. Catatan : Nama, tempat dan tempat kejadian cerita jika ada yang sama dengan para pembaca hanya suatu kebetulan belaka . Banyak maaf Wassalam Rina, 32, batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
