Waalaikum Salam Wr Wb bapak Masruru Siddik yth Waduh bapak, ndak barek kapalo taraso basabuik hanifah penyair ... beko bangih nan sabana panyair ... Dek sadang sumangaik baraja, tantu dilabiahan atau acok manulih no... sia tau lamo-lambek bagus juo kasudahanno hasiano. Amin Hmm bapak santiang pulo kirono ba gurindam ... tapi iyo bapanciang dulu nampak no yeh he he he. Ndak baa doh pak .. kalau lai wakatu ... hanifah panciang-panciang carito nan bisa mambuek bapak ikuik lo ba curito. Tapi kalau bapak bacarito tantang pangalaman bapak nan pasti labiah banyak dari kami nan mudo .. ndak baa juo doh pak. Awak sambuang -sambuang bagai menah baliak kayak yang lalu ... dih pak ? Oh iyo wakatu manulih mariam batuang dun .. lai lo talinteh di pangana .. jangan-jangan bapak dulu sabana sato main mariam di rimbo .. mako no hanifah kecekkan .. jangan nangis ya pak. Kiro no badorai juo aia mato bapak jadino ... mauh yo pak. Wass Hanifah Damanhuri
--- On Sun, 6/21/09, masrursiddik masrursiddik <[email protected]> wrote: From: masrursiddik masrursiddik <[email protected]> Subject: [...@ntau-net] Re: revisi : MARIAM BATUANG To: [email protected] Date: Sunday, June 21, 2009, 11:39 PM Assalamualaikum warahmatullahi wabarakatuh, Rky Ifah --penyair dari Bengkulen-- nan produktif, sarato sanak RN nan mulie, Tarimo kasih bu Ifah atas 'kiriman' kilat pesanan ambo siang cako Bukan main......tapacak air mato mambaconyo Air mato kalua dek takana parangai lamo Bacampua sagalo raso Parang mariam batuang sampai tahun limo-limo Gadang ketek sato sado no Lantuang lantang lai indak takiro Siang taruih malam di parak siang nan utamo Salapeh tahun nantun datuman mortir nan awak tarimo Sasaran Ampek angkek, Batu Taba sampai Batu Palano Sahut basahut dantuman mortir kala malam tibo Manaruihkan desingan mitraliyur kapatabang di siang cako Dantuman mariam batuang tagaro ketek nangko Tadanga mamakak talingo sajo Menghibur rang sakampuang jadi suko cito Kok dikana kini iyo balinang air mato Namun desingan mitraliyur sarato dentuman mortir nangko Indak talingo sen nan pakak dek nyo Mahancurkan rang kampung carai barai sakaluargo Jan di sabuik baa nasib harto bando Sabana no patuik jan di kana juo Lembaran hitam nantun kikih abih handak nyo Bangkik batang tarandam, mari kita angkek basamo Semoga tapiliah RI 1 mainkan Mariam Batuang sabalun taun limo-limo Wassalam, Masrur Siddik- nostalgila 60 sd 55 taun terdahulu L /67, di Bandung 2009/6/21 muchwardi muchtar <[email protected]> Hanifah Damanhuri : MARIAM BATUANG Liburan alah tibo Libur panjang namonyo Takana zaman katiko mudo Liburan panjang di bulan puaso Baitu puaso tibo Sibuklah para anak mudo Mancari kasibukan sapanjang libur puaso Indak paduli tantang guno Mainan khas dibulan puaso Mariam batuang namonyo Mariam di buek dari batuang tuo Di lubangi bantuak parian tuo Lupo-lupo ingek caro mambueknyo Rasono ado lubang ketek dakek pangkanyo Didalam mariam kain buruak jo minyak tanah isinyo Lubang ketek cako tampek api disulo Mariam batuang dibuek minimal duo Tabek Gadang pamisah kaduonyo Nan ciek madok kasinan, nan di sinan madok kasiko Kan lai tabayang bara hebatyo Mariam malatuih indak kiro-kiro Saliang baganti kaduonyo Paliang lasuah di malam buto Api manyalo di muncuangnyo Sangkek itu urang mudo Laki padusi samo sajo Main mariam basamo-samo Padusi panontonno, sasakali buliah mancubo Kadang rang gaek tabik rabo Katiko wakatu sumbayang tibo Mariam batuang malatuih juo Sesolah urang dibueknyo Dek mariam manyeso bunyinyo Ditalingo rang tuo-tuo Muncullah larangan untuak rang mudo Main mariam dibulan puaso Kini umua alah tuo Bayangan main mariam sangkek mudo Basorak sorak basamo-samo Indak bisa ilang dipalupuak mato **** Bengkulu, 21 Juni 2009 --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
