Rky Hanifah, Itulah nan sabana no, bia sin lah urang maimbao penyair....... sakaligus jadikan doa basamo. Tantangan ambo nan kamenembakkan mortir, bren, ....... lai indak doh Generasi di ateh ambo nan banyak masuak rimbo...... al MakNgah jo konco2 nyo Ambo mandanga kaba se tuan-tuan nangko nan sato parang basosoh
Ambo mangungsi dari pasa ka Batu Taba, sampai ka Biaro Taruih sakola smp darurat di klas tigo Di Pasie dakek Tanjuang Alam 'filial' SMP tigo Ibu Nurhuda nan ma aja bapantun nan tak akan lupo Kulik kuniang langsek sabana kamek nyo Rambuik nan labek hitam basalendang sirah pulo Mato bulek co kalereng bacahayo Senyum dikulum nampak lasuang pipit no Kok palajaran babaleh pantun tibo Heboh sakelas nak sato sado nyo Dentuman mortir beko malam jadi lupo Sadonyo asyik babagi carito Ruponyo liau Ibu Nurhuda jo MakNgah bakonco Sarato Bunda Nismah? sapaguruan pulo Ambo basuo baliak di palanta RN nangko Iyo lah ketek dunie rasonyo Angku Sjarif guru SR Larak Panampuang Biaro Karik jo Guru Muhammad Siddik pada SR nan samo MakNgah alias Sjamsir Sjarif namo sabananyo Katiko tu liau mangirim kodak Guru-basamo petikan lamo Nampak Angku Guru Sjarif basunguik di kodak ko Tinggi samampai co rajo-rajo Tapi tutur saponyo ramah tak takiro Tahun 46 di patiak kodak basajarah ko Kodak ko alah marantau sampai ka banua sabalah utaro Iyo jadi pusoko dek MakNgah tadinyo Kini babagilah kami kini ko Dek karano rang tuo kami nan duduak basamo Oooiii Rangkayo Kok dipaturuikan bacarito Bisa kaik bakaik beko Karano awak ko guru sadonyo Jadi indak sabagai anak guru sajo Tamasuak guru juo kan kalau Dosen Luar Biaso Widyaiswara samo sajo Dimaa sajo, kapan sajo ado sajo nan manyapo 'Anak Guru Siddiak yo?' sapo seseorang suatu katiko Iyo tapacak air mato Bagalau raso antaro bangga jo bahagio Jauah di rantau ado nan takana jo ayah kito Dikala lain di Jambi, di Palembang atau di Bangko ' Ondeh Ibu Ifah, baa kabaa, bilo tibo" Taparangah sia lah ko nan manyapo Kironyo mahasiswa awak di Bengkulu asa Muko-Muko Picayolah rangkayo Profesi guru sabana mulio Kama sen pai banyak murik tasuo Apo lai Ibu panyayang dan ndak suko manubo (killer) Ibu Nurhuda bisa jadi conto Bukan dek matonyo nan bacahayo Tapi tutur katonyo santun jo raso cinto Namun tegas ndak duo muko Kok murik dan anak kito Labiah takana inyo kanai kato Daripado di agiah gulo-gulo Mandarito dek kanai kato ndak ta ubek dek gulo-gulo Kok tasuo guru mode partamo Ilmu darinyo ndak disio-sio Manfaat baik di dunia bahagia di sarugo Baa lah iko agaknyo rangkayo Kok tasuo guru mode kaduo Upek sasalan sa umua-umuanyo Sapanjang maso awak seso Pabanyak saba sen jadi nyo Ondeh sakitu dulu yo samoga bamanfaat andakno tautamo bagi ambo nan takana carito lamo karano baungkik dek Rangkayo Salam Guru, Masrur Siddik L/67, di Bandung masih guru luar biaso Namp 2009/6/22 hanifah daman <[email protected]> > Waalaikum Salam Wr Wb bapak Masruru Siddik yth > > Awak sambuang -sambuang bagai menah baliak kayak yang lalu ... dih pak ? > > > Wass > > > Hanifah Damanhuri > > > --- On *Sun, 6/21/09, masrursiddik masrursiddik > <[email protected]>*wrote: > > > From: masrursiddik masrursiddik <[email protected]> > Subject: [...@ntau-net] Re: revisi : MARIAM BATUANG > To: [email protected] > Date: Sunday, June 21, 2009, 11:39 PM > > > Assalamualaikum warahmatullahi wabarakatuh, > Rky Ifah --penyair dari Bengkulen-- nan produktif, sarato sanak RN nan > mulie, > > Namun desingan mitraliyur sarato dentuman mortir nangko > Indak talingo sen nan pakak dek nyo > > ..............dipotong,......................................... > mainkan Mariam Batuang sabalun taun limo-limo > > Wassalam, > Masrur Siddik- nostalgila 60 sd 55 taun terdahulu > > L /67, di Bandung > > > 2009/6/21 muchwardi muchtar > <[email protected]<http://us.mc1105.mail.yahoo.com/mc/[email protected]> > > > >> >> >> Hanifah Damanhuri : >> >> MARIAM BATUANG >> >> >> Liburan alah tibo >> >> Libur panjang namonyo >> >> Takana zaman katiko mudo >> >> Liburan panjang di bulan puaso >> >> >> >> Baitu puaso tibo >> >> Sibuklah para anak mudo >> >> Mancari kasibukan sapanjang libur puaso >> >> Indak paduli tantang guno >> >> >> >> Mainan khas dibulan puaso >> >> Mariam batuang namonyo >> >> Mariam di buek dari batuang tuo >> >> Di lubangi bantuak parian tuo >> >> >> >> Lupo-lupo ingek caro mambueknyo >> >> Rasono ado lubang ketek dakek pangkanyo >> >> Didalam mariam kain buruak jo minyak tanah isinyo >> >> Lubang ketek cako tampek api disulo >> >> >> >> Mariam batuang dibuek minimal duo >> >> Tabek Gadang pamisah kaduonyo >> >> Nan ciek madok kasinan, nan di sinan madok kasiko >> >> Kan lai tabayang bara hebatyo >> >> >> >> Mariam malatuih indak kiro-kiro >> >> Saliang baganti kaduonyo >> >> Paliang lasuah di malam buto >> >> Api manyalo di muncuangnyo >> >> >> >> >> >> Sangkek itu urang mudo >> >> Laki padusi samo sajo >> >> Main mariam basamo-samo >> >> Padusi panontonno, sasakali buliah mancubo >> >> >> >> Kadang rang gaek tabik rabo >> >> Katiko wakatu sumbayang tibo >> >> Mariam batuang malatuih juo >> >> Sesolah urang dibueknyo >> >> >> >> Dek mariam manyeso bunyinyo >> >> Ditalingo rang tuo-tuo >> >> Muncullah larangan untuak rang mudo >> >> Main mariam dibulan puaso >> >> >> >> Kini umua alah tuo >> >> Bayangan main mariam sangkek mudo >> >> Basorak sorak basamo-samo >> >> Indak bisa ilang dipalupuak mato >> >> **** >> Bengkulu, 21 Juni 2009 >> >> >> >> >> >> >> >> >> >> >> >> > > > > > --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
