Assalammualaikum Wr Wb bapak Masrur Sidik (MS) yth
PITARUAH GURU
Alangkah mujua nasib badan nangko
Sajak mulai baraja bacarito
Banyak sajo nan mancurahkan ilmuno
Indak tuo indak mudo umuano
Awak baco gurindam nan babirui dibawah iko
Sarek jo pasan ka diri nangko
Pasan dari guru tuo
Bapak Masrur Sidik namo guruno
Picayolah rangkayo
Profesi guru sabana mulio
Kama sen pai banyak murik tasuo
Apo lai Ibu panyayang dan ndak suko manubo (killer)
Ibu Nurhuda bisa jadi conto
Bukan dek matonyo nan bacahayo
Tapi tutur katonyo santun jo raso cinto
Namun tegas ndak duo muko
Kok murik dan anak kito
Labiah takana inyo kanai kato
Daripado di agiah gulo-gulo
Mandarito dek kanai kato ndak ta ubek dek gulo-gulo
Kok tasuo guru mode partamo
Ilmu darinyo ndak disio-sio
Manfaat baik di dunia bahagia di sarugo
Baa lah iko agaknyo rangkayo
Kok tasuo guru mode kaduo
Upek sasalan sa umua-umuanyo
Sapanjang maso awak seso
Pabanyak saba sen jadi nyo
Tamanuang diri nangko sasudah mambaco
Tabayang kurenah awak katiko baru baraja dimuko
Pernah jadi ditakuk-i murik kasadono
Dek pambangih indak kiro-kiro
Sajak basuo jo guru nan pambangih pulo
Jariah payah indak diharago
Disinan baru hati taibo
Bana kato rang tuo, kanai bangih indak lamak rasono
Barusan awak kanai cubo
Mahasiswa ka ujian akhir hari iko
Ado sajo nan tabedo di mahasiswa iko
Taganglah awak sangijok mato
Awak nan harus maambiak resiko
Mundur atau tetap maju hari iko
Ondeh mak paniang kapalo
" Lebih baik saya maju bu,
tidak peduli hasilnya nanti "
Mantun kato mahasiswa sabanta ko
Awak ambiak napas panjang sambia uruik dado
Antah baalah jadino beko
Kini awak siap mandampingino
Apapun hasilno beko
Bengkulu, 23 Juni 2009
Hanifah Damanhuri
Bengkulu, 23 Juni 2009
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, kirim email kosong ke: [email protected]
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
