Assalammualaikum Wr Wb dunsanak sapalanta yth DIKIRO MUDO
Takicuah awak kirono Alah salah panggia awak salamo iko Pandatang baru mambao gaya lamo Tabulalak mato urang kasadono Tibo di awak batiru pulo Pokokno baa carono ujuangno samo Kadang awak kahilangan kato kato Disinan taraso santiangno Pak Yanto Sasudah mambaco tulisan dibawah iko Tasurek angko 50 sasuai usio Kirono pak Yanto bukan urang mudo Saroman nan tabayang di kapalo Dek kampuang awak lai batatanggo Sudilah kirono pak yanto mamaafkan ambo Kalau salamo iko awak panggia sanak Yanto Nan katibo buliahkan awak panggia mamak Yanto? Wass Hanifah Damanhuri Rang Lereng Singgalang. Wa'alaikumsalam..Uni Hanifah Daman nan ambo hormati sarato dunsanak palanta kasadonyo..............! Agak takajuik jo tarangah juo ambo mambaco tulisan uni Hanifah D. jo judul "DIKIRO MUDO" ,dan kajaweknyo diambo saketek sajo. Mambaco tulisan Uni Hanifah Tasintak badan tarangah Bak manabang baliak awah Kato rang kini salah kaprah Gara gara tulisah di bawah Angko limo puluah nan tasimbah Himbauan uni jadi barubah Disiko badan jadi serba salah Maraso badan didulukan salangkah Ditinggikan sarantiang dari tanah Padohal ambo tatap maraso randah dan salalu maraso mudo matah Satampuak pinang baru darah Umua bak jaguang baru babuah Walau abuak dikapalo lah sulah Itu tak lain dek hiduik susah Kini lah jadi salah tingkah Awak dek salalu hoby bagarah Tamasuak tulisan umua dibawah Nan sabananyo banyak ditambah Tapi apopun umua nan ba olah Nan jaleh Alhamdulillah Kok balain tampak polah jo ulah Dek Uni toloang maafkan se lah..... Barikuikko ambo kirimkan uni sabuah gurindan dengan judul MAHITUANG HARI yang isinyo antah mancaritokan badan diri antah mancaritokan urang lain, uni selah nan manterjemahkan. MAHITUANG HARI Puaso abih rayolah ungkai Tahun baganti baru juo Di hituang umua nan tapakai Lah ragu badan mamikienyo Di cubo cubo bacamin Tasirok darah bak katabang Lah kasek pipi nan licin Lah banyak baju nan lapang Mato cakuang pipilah kampih Jangek nan tagang lah balipek Di caliek gigi baransua abih Lah muloi umpang ciek ciek Lah tuo rasonyo umua Nan tingga hanyo sumangek Bak hari tagelek luhua Tando mugarik lah hampie dakek Dipandang rambuik di kapalo Jangguik jo sunguik kok di liek Kasadonyo barubah rono Nan hitam tingga saketek Pandangan mato baransua kabua Nan talingo samakin tipih Di dapua urang nan kuhua Nasi sa suok indak abih Hati taraso pa ibo ibo Kok badan acok pangajuik Mandanga urang ba turo turo Kopi sagaleh indak ta hiruik Nan salero sulik di tahan Muluik nak minta goyang juo Tapi baalah mangatokan Lah suntua muluik babicaro Kadang kadang tabik tangih Muluik urang kok didangakan Di sapo elok anak gadih Gaek agogo rang imbaukan Katiko di hari rayo Maliek kalio randang itiek Tabik baliek salero mudo Ayie liyua jatuah manitiak Jakun manggarik garik Tapi baalah ka manyabuik Usah lai ka tagigik Galeme sajo haram tanyunyuik Tapi dek salero sulik ditahan Dek bibie kulek kulek i Dagiang bialah urang nan makan Kuahnyo sajo den jilek i Takana mason an lalu Katiko umua sadang mudo Kok taragak makan tabu Abih bakunyah jo bukunyo Tabujua lalu tabalintang patah Nan ma ambek abih balando Pantang baburu indak mamatah Bara bana satinyo rimbo Lupo sara’ lupo agamo Adat budaya indak jaleh Pahalo jo doso indak babeso Hala jo haram ndak babateh Ba utak ka ampu kaki Ba banak ka buku tangan Indak mangana hiduik kamati Barulah kini tarasokan Kini harilah mugarik Wakatu pagi ta buang buang Ka hiduik dunie lah sampik Ka mati amalan kurang Dahulu badan camieh kayo Ulah takabua dalam hati Kinlah tingga namo sajo Urang nan indak acuah lai Kok nyampang malam capek tibo Mato kok rabun rabun ayam Tangan kok lesek manggarik juo Punyo urang kok taganggam Hari sanjo karajo kok tangguang Kakok kok jadi bangkalai Sialah urang nan kamanyambuang Tukang pangganti kok kurang pandai Sio sio kain sabidang Baju kok indak talakekkan Pinjaik baru masin kok usang Sikoci tuo ka ma idokkan Bapasan denai bakeh kanduang Usah baniek nak mangganti Santano putuih ka basambuang Kubuakan denai dari kini………… Camin lusuah,10012008. Y.Jambak --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
