*U U U (Ujuangnyo Usahokan U) * Bisuak lah hari Rabu Bulan Juli tanggal Satu Lai bantuak ka hujan labek di nagari Nehru Lah limo bulan inyo ndak batamu Daun-daun lah kariang bantuak sarok tabu
Tabaco pulo gurindam dari nan mahaguru Dari Mamak Yanto Jambak mengenai pemilu Kato beliau hatinyo masih ragu Ondeh... samo awak tu Maliek gurindam mamak nan ba akhiran U Raso nio pulo nak maniru Tapi tantu ambo harus baraja dulu Supayo indak mambuek malu Nasehat ayah maso dahulu Kalau ka babicaro jo nan labiah tahu Inok jo pikiakan sagalonyo dulu Sudah tu batanyo kalau ndak tau Di sinan baru ka batambah ilimu Jadi kalau kini ambo ka baraja gurindam UUU Alias Ujuangnyo Usahokan U Iyo agak barek taraso mambueknyo tu Jadi kok ta salah ambo mintak maaf labiah dulu Bak anak ayam nan baru tumbuah bulu Manciok kama pai jo arah nan alun tantu Di sinan patunjuak jo arahan nan tuo jadi paralu Supayo ndak tajatuah ka sumua batu Bajalan nan masih ma anju-anju Kok tagakpun masih ba tumpu Jadi kok tadaga di muko pintu Atau tajatuah ka balaliak pagu Ka tagak baliak tolong ambo di bantu Bak kato urang tuo dulu Inyiak Katin pai baburu Sudah tu mamanjek si batang Aru Pulangnyo singgah di simpang kubu Satu hal nak kanduang harus tahu Kalau nak kanduang baraja ka guru Ijan ba gageh jan ta rumbu Di sinan ilmu baru turun ka kalbu Ondeh susahnyo maniru gurindam mamak tu Tapi ambo harus mancubo dulu Lah panek maliek kamus jo buku Sabab harus mancari nan ba akhiran U Babaliak ka urusan pemilu Nan ka diadokan hari Rabu Wakatunyo tingga saminggu Jadi nan ka dipiliah lah harus tantu Tapi kalau hati masih ragu Tibo di biliak suaro nantik tamangu Takana maso ka ujian dulu Pilihan ganda di agiah guru Kalau jawaban nyo alun tau Hetong sajo si buah baju A B C D piliah salah satu Nama nan ta silang lah iyo tu Tapi kok dapek pemilu ko tantu indak model itu Karano iko manyangkuik maso depan anak cucu Jadi banyak pertimbangan ini jo itu Mudah-mudahan di hari H tu kito lah ndak ragu Dari tigo warno di piliah salah satu Ado pituah saisuak dari angku-angku Nan acok didendangkan bak lagu-lagu Tadanga di talingo sabana syahdu Maubek hati nan sadang sendu Kalau nak tahu lamaknyo sagu Tanak ditungku si tigo batu Kalau nak kanduang bimbang jo ragu Sumbahyang lah malam pukua satu Tapi manuruik ambo nan labiah paralu Justru suasana sasudah pemilu Siapopun nan manjadi R I satu Kok dapek andaknyo kito tatap basatu Jan sampai tajadi nan indak paralu Apolai sampai bacakak jo batinju Kalau lah itu nan tajadi bangso awak jadi malu Hati masyarakat juo batambah pilu Kini ba doa kito ka Nan Satu Semoga di arahkan kito dalam mancontreng tu Supayo nan kito piliah nan memang dapek mambantu Manuju Indonesia nan labiah maju Jadi pai pemilu kito lah ndak ragu Apokah ka di piliah nan nomor satu Atau nan ba bendera biru Bisa juo nan kuniang... siapo tahu Ciek lai nan paralu Pai pemilu rancaknyo pakai baju baru Bajalanpun liek-liek supayo ndak tarantuak batu Kalau itu nan tajadi, iyo lah bedo badan tu. Wassalam New Delhi, 30 Juni 2009 Rita Desfitri Murai Kukuban Pada tanggal 30/06/09, yanto jambak <[email protected]> menulis: > > > TOLOANGLAH BANTU > (Palanta VIII) > > Sabanta lai kito pamilu > Salapan juli hari rabu > Mancari urang nan nomor satu > Untuak Indonesia nan labiah maju > > Limo tahun sudah waktu balalu > Ikolah hari nan di tunggu tunggu > Untuak mambukak lembaran baru > Tapi nan ka dipiliah alun lai tau > > Bak cando mamak,ayah jo ibu > Mancari calon ka minantu > Tantu dicaliak kampuang jo suku > Disilau pulo sako jo indu > > Tapi disiko kito ragu > Ibarat jalan nan ka dituju > Simpang tigo nan batamu > Disiko pilihan takuik kaliru > > Ka kida raso ka buntu > Raso katibo di guo batu > Manuruik carito kaba jo isyu > Disiko banyak makhluk hantu > > Hantu setan aru aru > Tamasuak hantu balau > Ka suok iko jalan baru > Jalan bakasiak banyak abu > > Kataruih banyak kelok baliku > Jalan nan panuah rambu rambu > Talalu banyak ranjau jo paku > Banyak aral nan mangganggu > > Kamalah kito ka lalu > Kito cameh takuik tatipu > Hari kalam ndak balampu > Nan tampak hanyo bayangan semu ...... DIKAREK.... Yanto jambak nan manyaru > 01072009 > --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
